Wishmitha Astrological Service

2026 ජුනි 16 අඟහරුවාදා
*අද* නැකත ප.ව. 04:12 දක්වා

*පොසොන් පුර දියවක* තිථිය

*ගොවිතැන් සඳහා* - ප.ව 02:39 දක්වා *ව්‍යාඝ්‍ර* කරණය ද පසුව *සූකර* කරණය උදාවෙයි

*රාහු කාලය* -
ප.ව. 02:56 සිට 04:26 දක්වා
*සුබදිශාව* - නැගෙනහිර

ජ්‍යෝතිෂවේදී / ශාස්ත්‍රපති
*සමන් ශ්‍රී කොඩිතුවක්කු*
*077 226 46 46*
#ලග්නපලාඵල

2026 ජුනි 15 සඳුදා
*මුවසිරස* නැකත

*අධි පොසොන් අමාවක* තිථිය පෙ.ව. 08.23 දක්වා, ඉන් පසුව *පොසොන් පුර පෑළවිය තිථිය*

*ගොවිතැන් සඳහා* - පෙ.ව 08:23 දක්වා *ව්‍යාඝ්‍ර* කරණය ද පසුව *වානර* කරණය උදාවෙයි

*රාහු කාලය* -
පෙ.ව. 07:256 සිට 08:56 දක්වා
*සුබදිශාව* - දකුණ

ජ්‍යෝතිෂවේදී / ශාස්ත්‍රපති
*සමන් ශ්‍රී කොඩිතුවක්කු*
*077 226 46 46*

දීපදෝ හෝති චක්ඛුදෝ
පහන් පූජාවේ ආනිසංස සහ චේතනාවේ බලපෑම

සිතේ ප්‍රසාදයෙන් පුදන එකම එක පහනක වුවද ඇති මහා ආනිසංස
බුදු දහම යනු බාහිර ආටෝප සාටෝපයන්ට වඩා අභ්‍යන්තර සිතේ පිරිසිදුකමට සහ චේතනාවට මුල්තැන දෙන උතුම් දර්ශනයකි. බොහෝ දෙනෙක් සිතන්නේ මහා පරිමාණයෙන් ධන පරිත්‍යාග කරමින්, ද්‍රව්‍ය බහුලත්වයෙන් සිදුකරන පූජාවන්ගෙන් පමණක් මහා පුණ්‍යස්කන්ධයන් රැස්වන බවයි. එහෙත් ත්‍රිපිටකයේ එන අටුවා සහ අපදාන පාලි සාහිත්‍යය පරීක්ෂා කිරීමේදී පැහැදිලි වන්නේ, මනාව එකඟ කරගත් සිතින් සහ නොසැලෙන ශ්‍රද්ධාවෙන් යුතුව කරනු ලබන ඉතා කුඩා පූජාවකින් වුවද සංසාරගත මහත්ඵල මහානිසංස ළඟා කරගත හැකි බවයි.

පහත දැක්වෙන්නේ පෙර බුදුවරුන් උදෙසා 'එක් පහනක්' හෝ 'පහන් කිහිපයක්' පූජා කොට සසර සුව කෙළවර අමා මහ නිවනින් සැනසුණු උතුමන් වහන්සේලා කිහිපනමකගේ ජීවිත කථා පුවත් ඇසුරින් කරන විග්‍රහයකි.
1. අජිත මහ රහතන් වහන්සේගේ පූර්ව පින්කම (අපදාන පාලි: 400 වන අපදානය)
අප ගෞතම බුදු සසුනේ සාරිපුත්ත, මුගලන් ආදී මහරහතන් වහන්සේලා මෙන් මහා ප්‍රඥාවන්ත, ධූතාංගධාරී උතුමෙකු ලෙස අජිත මහ රහතන් වහන්සේ ප්‍රසිද්ධය. උන්වහන්සේගේ සසර ගමන වෙනස් කළේ මීතෙල් (මිතෙල්) පහනකි.

පූජාව- මෙයින් කල්ප හැටදහසකට පෙර ලොව පහළ වූ පියුමතුරා බුදුරජාණන් වහන්සේ උදෙසා උන්වහන්සේ එකම එක මීතෙල් පහනක් මහත් වූ ශ්‍රද්ධාවෙන් පූජා කළහ.

ලද විපාකයන්ගේ ස්වභාවය
කල්ප 60,000 ක් පුරාවට දිව්‍ය ලෝකයන්හි උපදිමින් අසිරිමත් දිව්‍ය සැප අත්වින්දාහ.
සක්විති රජ පදවිය වැනි මනුෂ්‍ය ලෝකයේ උපරිම සැප සම්පතක් 1000 වතාවක් ම ලැබූහ.
තව්තිසා ආදී සදිව්‍ය ලෝකයන්ට අධිපති සක්දෙව් රජ පදවිය 36 වතාවක් හෙබවූහ.
මහා බලසම්පන්න ප්‍රාදේශීය රජෙකු ලෙස 700 වතාවක් උපත ලැබූහ.
නිවනට උපනිශ්‍රය වීම: මේ සියලු ලෞකික සැපයන් කෙළවර, අප ගෞතම බුදුරජාණන් වහන්සේගේ සසුනේදී උතුම් අරහත්භාවයට පත්වී සසර දුක නිමා කිරීමට ඒ එකම එක පහන් පූජාවේ කුසල් බලයම උපනිශ්‍රය (ප්‍රධාන හේතුව) විය.

2. පඤ්චදීපිකා තෙරණින් වහන්සේ (9 වන ථේරී අපදානය)
කාන්තාවකට වුවද ස්ථිරසාර අධිෂ්ඨානයක් සහ ශ්‍රද්ධාවක් ඇති කරගතහොත් සසර ගමන කෙතරම් වාසනාවන්ත කරගත හැකිද යන්නට පඤ්චදීපිකා රහත් මෙහෙණින් වහන්සේගේ පුවත කදිම නිදසුනකි.

පූජාව:පෙර බුදු සසුනක, ඝන අඳුරින් පිරීගිය අඳුරු රාත්‍රියක බුදුරජාණන් වහන්සේ නමකගේ බෝධීන් වහන්සේ වටා පහන් පහක් (5) දල්වා පූජා කිරීම.

ලද විපාකයන්ගේ ස්වභාවය:
තව්තිසා දිව්‍ය ලෝකයෙහි සක්දෙවිඳුගේ ප්‍රධාන අගමෙහෙසිය ලෙස 80 වාරයක් උපත ලැබීමේ දුර්ලභ භාග්‍යය ලද්දාය.
මනුෂ්‍ය ලෝකය පාලනය කළ මහා පින්වන්ත සක්විති රජවරුන් දහස් ගණනකගේ ම අගමෙහෙසිය (රාජිනිය) වීමේ වාසනාව ඇයට හිමිවිය.
නිවනට උපනිශ්‍රය වීම: මෙම පින් බලය නිසාම අප බුදු සසුනේදී ඇය උපත ලැබුවේ ඉතා පින්වත් දියණියක ලෙසිනි. සත් හැවිරිදි (අවුරුදු 7) ලාබාල වියේදීම සියලු කෙලෙසුන් නසා උතුම් රහත්භාවය ලබා ගැනීමට තරම් ඇගේ ප්‍රඥාව තියුණු කිරීමට එදා දැල්වූ පහන් පහේ ආලෝකය සමත් විය.

3. සකුලා තෙරණියගේ පහන් පූජාව
පූජාව: කාශ්‍යප බුදුරජාණන් වහන්සේ පිරිනිවීමෙන් පසු උන්වහන්සේගේ ධාතූන් වහන්සේලා තැන්පත් කළ මහා චෛත්‍ය රාජයාණන් වහන්සේ අබියස, එක් රැයක එකම එක පහනක් දල්වා පූජා කිරීම.
ලද විශේෂ ආනිසංස: ථේරී අපදානයේ දැක්වෙන පරිදි ඇයට සසර පුරා ලැබුණු ආනිසංස හයක් මෙසේය:

1. සැමතැනම ප්‍රදීප දැල්වීම: ඇය යන එන සෑම තැනකම ඇය වෙනුවෙන්ම ආලෝකය සැපයෙන පරිදි බාහිර පරිසරය සැකසීම.

2. දිවැස් ලැබීම (දිබ්බචක්ඛු): සාමාන්‍ය මිනිසෙකුට නොපෙනෙන සූක්ෂ්ම ලෝකයන් සහ දුර බැහැර දේ දැකිය හැකි දිව්‍යමය ඇසක් ලැබීම.
3. තීක්ෂණ නුවණ: ඕනෑම ගැඹුරු ධර්මතාවක් හෝ ලෞකික කරුණක් ක්ෂණිකව වටහාගත හැකි තියුණු බුද්ධියක් ලැබීම.

4. යසසින් දිලිසීම: සමාජය තුළ ඉහළ කීර්තියක්, පිළිගැනීමක් සහ තේජසක් ලැබීම.

5. ශ්‍රද්ධාව හා ප්‍රඥාව පිහිටීම: සසර පුරාම අකුසලයට නැඹුරු නොවී, ගුණධර්මයන්හි පිහිටීමට අවශ්‍ය කරන ශ්‍රද්ධාව සහ ප්‍රඥාව නිතැතින්ම පිහිටීම.

6. උසස් කුල සම්පත්: සැමවිටම සමාජයේ ගරුබුහුමන් ලබන ධනවත්, වාසනාවන්ත උසස් කුලවලම උපත ලැබීම.

4. ඒකදීපිය මහ රහතන් වහන්සේ (416 වන ථේර අපදානය)
පූජාව: සිද්ධාර්ථ බුදුරජාණන් වහන්සේ පිරිනිවන් පෑ අවස්ථාවේදී උන්වහන්සේගේ ආදාහන පූජාව සිදුවූ චිතකය අසල එක් පහනක් දල්වා පූජා කිරීම.

ලද විපාකයන්ගේ ස්වභාවය:
31 වතාවක් සක්දෙව් රජ පදවියද, 28 වතාවක් සක්විති රජ පදවියද ලැබූහ.

ලද සුවිශේෂී අනුසස් 2:
1. විෂම ස්ථාන සම වීම: උන්වහන්සේ සසර ගමනේදී මෙන්ම අවසන් ආත්මයේදීත් යන එන විට, මාර්ගයේ තිබූ කඳු, හෙල්, වළවල්, ගල්, කටු ආදී විෂම බාධක ස්වභාවධර්මයෙන්ම සමතලා වී සුමට මාර්ගයන් බවට පත්විය.

2. විනිවිද පෙනෙන දෙනෙත්: කිසිදු බාධාවකින් තොරව ඕනෑම ඝන වස්තුවක් (පර්වත, තාප්ප ආදිය) විනිවිද දැකිය හැකි අසාමාන්‍ය පෙනීමක් හිමිවිය.

5. කර්ම විපාකයන්හි පරමාර්ථය: ද්‍රව්‍යයද? චේතනාවද?
මෙම උතුම් කථා පුවත් දෙස බැලීමේදී බෞද්ධ අප සැමගේ දෑස් ඇරවිය යුතු මහා සත්‍යයක් මෙහි ගැබ්ව ඇත. යමෙක් තණ්හාව, මානය, තරඟකාරිත්වය හෝ විසිරුණු සිතින් යුතුව පහන් සූවාසූ දහසක් (84,000ක්) දැල්වුවද, ඉන් ලැබෙන ආනිසංසය සීමිතය. මන්ද, එහිදී ක්‍රියාත්මක වන්නේ කුසල් සිතට වඩා බාහිර ප්‍රදර්ශනයට බර වූ සිතකි.
නමුත්,

මනාව එකඟ වූ සිතින් (ඒකාග්‍රතාවයෙන්), බුද්ධිමත් ලෙස බුදුරජාණන් වහන්සේගේ අනන්ත වූ බුදුගුණ සිහිපත් කරමින්, ශ්‍රද්ධාවෙන් දැල්වූ එකම එක පහනකින් වුවද සමස්ත සසර ගමනම ඒකාලෝක කරගත හැකිය.
>
බුදුරජාණන් වහන්සේ දේශනා කළේ "චේතනාහං භික්ඛවේ කම්මං වදාමි" යනුවෙනි. කර්මය තීරණය වන්නේ චේතනාවේ පිරිසිදුකම මතය. එබැවින් අප සිදුකරන සෑම පූජාවකදීම, ද්‍රව්‍යයන්ගේ ප්‍රමාණයට වඩා තමන්ගේ සිතේ උපදින ශ්‍රද්ධාව සහ චේතනාව බලවත් කර ගැනීමට උත්සාහ කළ යුතුය.

නිගමනය
පහන් පූජාව යනු හුදෙක් ආලෝකයක් පූජා කිරීම පමණක් නොවේ. එය තමාගේ සිතේ ඇති මෝහය නමැති අඳුර දුරුකර, ප්‍රඥාව නමැති ආලෝකය ලබාගැනීම සඳහා කරනු ලබන උත්කෘෂ්ට ආමිස සහ ප්‍රතිපත්ති පූජාවකි. එබැවින්, අපද මින්පසු බුදුරජාණන් වහන්සේ උදෙසා පහනක් දල්වන සෑම මොහොතකම, විසිරුණු සිතින් බැහැරව, අතිශය ප්‍රසන්න වූත් එකඟ වූත් සිතින් යුතුව පූජා පවත්වා සසර සුව කෙළවර අමා මහ නිවන් දකින්නට අධිෂ්ඨාන කර ගනිමු.

ජ්‍යොතිෂවේදී
සමන් ශ්‍රී කොඩිතුවක්කු
0772264646
#අපල #කතරගම #දළදා #රුවන්වැලිසෑය #පහන්_පූජාව #ලග්නපලාඵල