Black Cloak

அமைச்சரவை தீர்மானங்கள் உயர்நீதிமன்றின் தீர்மானத்தை ஒரு போதும் கட்டுப்படுத்தாது, மேலாதிக்கம் செய்ய முடியாது.

உயர்நீதிமன்றம், Deshapandu Tennakoone பொலிஸ் மா அதிபராக IGP தனது பணிகளை மற்றும் அதிகாரங்களை செயற்படுத்துவதற்கு இன்றைய தினம் இடைக்கால தடைவிதித்துள்ளது. வழக்கின் இறுதி தீர்மானம் வரை அவர் பொலிஸ் மா அதிபராக பதவிவகிக்க முடியாது என்றும் இடைக்கால தடை விதிக்கப்பட்டுள்ள காலப்பகுதிக்குள் புதிய ஒருவரை நியமிக்க நடவடிக்கை எடுக்க வேண்டும் எனவும் Supreme Court அதனது தீர்மானத்தில் குறிப்பிட்டுள்ளது.

விடயம் இவ்வாறு இருக்க உயர்நீதிமன்ற தீர்மானத்தின் விடயங்களின் சட்டரீதியான நிலையை (Legal Aspect) எதிர்வரும் இரண்டு தினங்களுக்குள் படித்து தமது முடிவை அறிவிக்கப்போவதாக அமைச்சரவை தீர்மானித்துள்ளதாம்.😥

சட்ட ஆட்சி உள்ள நாட்டின் மிக முக்கியமான பண்புகளின் அதி உயர்வானதுதான் நீதித்துறையின் சுதந்திரம். ஒரு நாட்டின் முதன்மை நீதிமன்றம் தீர்மானித்த விடயத்தை நடைமுறைப்படுத்துவதை விட்டு அதனுடைய தீர்மானத்தின் சட்ட நிலைப்பாடுகளை அமைச்சரவை ஆராயப்போகிறது என்பெதெல்லாம் எவ்வகையான ஒரு சிக்கலை முரண்பாட்டை நீதி்த்துறைக்கும் நிறைவேற்றுத்துறைக்கும் ஏற்படுத்த முனைகிறார்கள் என்று தெரியவில்லை?

தேசபந்து தென்னக்கோன் உயர்நீதிமன்றத்தின் இடைக்கால தடை மூலம் தற்போது (from today) பதவியில் இருந்து இடைநிறுத்தப்பட்டிருக்கிறார். அமைச்சரவை இதற்கிடையில் எதை ஆராய்ந்து என்ன தீர்மானத்தை எடுத்தாலும் அது ஒரு போதும் உயர்நீதிமன்ற்தின் தீர்மானத்தை பாதிக்காது. அமைச்சரவை Cabinet தீர்மானம் உயர்நீதிமன்றத்தின் தீர்ப்பை மாற்றியமைக்கவும் முடியாது, அவ்வாறு அதற்கு முரணாக செயற்படுவதோ அல்லது செயற்பட எத்தனிப்பதோ தெளிவான நீதிமன்ற அவமதிப்பு என்ற குற்றத்தை ஏற்படுத்தும்.

அமைச்சரவையின் தலைவர் சனாதிபதி என்பதையும் , சனாதிபதி தேர்தல் ஒன்றை நாடு எதிர்நோக்கியுள்ளது என்பதையும் குறிப்பிட்டுக்கொண்டு….🤔

MA. Rauf
24.07.2024

இன்றைய உயர்நீதிமன்ற தீர்மானத்தில் சொல்லப்பட்டுள்ள விடயங்கள் முதல் காமண்டில்…