Assyrian Global Home

ඊයෙ දොර යටින් කොල කෑල්ලක් දාලා ගිහින් තිබුනා
මම කැලේ හැන්ගෙන්න දුවද්දි අම්මා කිව්වා ලයිට් බිල කියලා
🙂‍↔️🙂‍↔️

Traditional Yoga

Assyrian https://www.facebook.com/share/VHoJxkuEjZDo1ktm/?mibextid=LQQJ4d

භාවනා කරන විට වැදගත්ම දෙය වන්නේ නිවැරදි ආකල්පයක් ඇති කර ගැනීමයි.

භාවනා කරන විට:
- දැඩි ලෙස අවධානය යොමු කරන්න එපා
- පාලනය කරන්න එපා
- යමක් නිර්මාණය කිරීමට උත්සාහ කරන්න එපා
- බලකිරීම් හෝ සීමා කිරීම් කරන්න එපා
- නමුත් සිදුවෙමින් පවතින දේ ප්‍රතික්ෂේප කරන්න එපා.
නමුත් යමක් සිදුවන විට හෝ සිදුවීම නතර වන විට ඒ බව නොසලකා ඉන්න එපා. ඒ ගැන දැනුවත් වෙන්න.
යමක් නිර්මාණය කිරීමට උත්සාහ කිරීම ලෝභ (ලෝභය) වේ. සිදුවෙමින් පවතින දේ ප්‍රතික්ෂේප කිරීම දෝශ (ද්වේශ) වේ. යමක් සිදුවෙමින් පවතිනවාද හෝ නැත්දැයි නොදැන සිටීම මෝහය (මුළාව) වේ.
නිරීක්‍ෂණය කරන සිත තුළ ලෝභ, දෝශ, මෝහ (කනස්සල්ල- නොසන්සුන් බව) නොමැති වූ විට පමණක් භාවනා සිත වේ.
ඔබ භාවනා කරන්නේ කුමන ආකල්පයකින්ද යන්න හොදින් විමසා බැලිය යුතුය. ඔබ හොඳ සහ නරක අත්දැකීම් දෙකම පිළිගැනීමට සැරසී සිටිය යුතුය. තමන්ට අවශ්‍ය වන්නේ හොඳ අත්දැකීම් පමණක්ද? තමා කුඩාම අමිහිරි අත්දැකීමක්වත් පිළිගැනීමට සූදානම් නැත්ද? මෙය සාධාරණද? මේ ධර්මයේ මාර්ගයද? යන්න සිතන්න.
භාවනාවෙන් ලැබිය යුතු යැයි ඔබේ මනසෙහි යම් බලාපොරොත්තුවක්, යම් අවශ්‍යතාවක් තිබේ නම්, භාවනා කිරීමට අපහසු වේ.
ඔබ භාවනා කරන විට දැඩි ලෙස අවධානය යොමු කරන්නේ නම් හෝ යමක් සිදුවීම නැවැත්වීමට අවශ්‍ය නම් ද? එසේ නම් මෙම ආකල්ප වලින් එකක් හෝ ඔබේ සිතේ ඇති බව පෙනෙන්නට තිබේ.
එසේම, සිත වෙහෙසට පත්වන්නේ නම් ඔබ භාවනා ප්‍රගුණ කරන ආකාරයෙහි යම් වැරැද්දක් ඇත:
මනස නොසන්සුන් වූ විට ඔබට පුහුණුවීම් කළ නොහැක. භාවනාවෙන් මනස සහ ශරීරය වෙහෙසට පත් වේ නම්, ඔබ භාවනා කරන ආකාරය විමසා බැලීමට කාලයයි.
භාවනාව යනු සතියෙන් සහ අවබෝධයෙන් යුතුව නැවතී බලා සිටීමයි. එවිට නොසිතයි, විමර්ශනය නොකරයි, විනිශ්චය නොකරයි.
යමක් අවශ්‍ය හෝ යමක් සිදුවීමට අවශ්‍ය මනසකින් පුහුණු නොවන්න. එවිට ලැබෙන ප්‍රතිපලය ඔබ වෙහෙසට පත් වීමයි.
භාවනා කරන සිත සැහැල්ලුවෙන් හා සාමයෙන් යුක්ත විය යුතුය.
මනස සහ ශරීරය යන දෙකම සුවපහසුවෙන් තිබිය යුතුය. සැහැල්ලු හා නිදහස් මනස ඔබට හොඳින් භාවනා කිරීමට හැකියාව ලබා දෙයි. භාවනා කිරීම යනු, හොඳ හෝ නරක කුමක් සිදු වුවද, මනස කරන්නේ කුමක්ද? කල්පනා කරනවාද? නැත්නම් දැනුවත්ද? දැන් මනස කොහෙද? මා තුලද? නැත්නම් පිටතද? යන්න නිරීක්ෂණය සහ පිළිගැනීමයි.
එසේ නිරීක්ෂණය කරන මනස නිසි ලෙස දැනුවත්ද? නැතිනම් මතුපිටින් පමණක් දැනුවත්ද? තමන් උත්සාහ කරන්නේ තමන්ට අවශ්‍ය ආකාරයට දේවල් සිදුවීමටද? සිදුවෙමින් පවතින දේ දැන ගැනීමටද?
සිතිවිලි හටගන්නා සිත නිසා අධෛර්ය නොවන්න. ඔබ ඒ එන අරමුණු ප්‍රතික්ෂේප කළ යුතු නැත (සංසිද්ධි - සිදුවෙමින් පවතින දේ - දැනගැනීම).
ඔබ, ඒ අරමුණු නිසා හටගන්නා කෙලෙස් දැන (එමෙන්ම නිරීක්ෂණය කර) ඒවා දුරු කළ යුතුය.
ශ්‍රද්ධාව (විශ්වාසය) ඇති කල්හි පමණි විරිය (වීර්යය) ඇති වන්නේ. විරිය තිබුණොත් තමයි සතිය ඇතිවන්නේ. සතිය අඛණ්ඩ වූ පසුවයි සමාධිය ඇතිවන්නේ.
එවිටයි සිත සමාධියේ පිහිටන්නේ, එවිටයි ඇත්ත ඇති සැටියෙන් දැකගන්න ලැබෙන්නේ.
ඔබ ඇතිදේ ඇති සැටියෙන්ම දැන ගැනීමට පටන් ගන්නා විට, ඔබ තුල ශ්‍රද්ධාව තවත් වැඩි වේ.
වර්තමාන මොහොතේ ඇති දේ කෙරෙහි පමණක් සිත යොමු කරන්න. ආපසු අතීතයට නොයන්න! අනාගතය සඳහා සැලසුම් නොකරන්න!
වඩා වැදගත් වන්නේ අරමුණ නොවේ, දැනුවත් වීමට උත්සාහ කරන මනස, එනම් නිරීක්ෂණය කරන මනසයි.
නිරීක්ෂණය කරන මනස නිවැරදි ආකල්පයකින් සමන්විත වුවහොත් භාවනා අරමුණ නිවැරදි අරමුණම වනු ඇත.
- චිත්තානුපස්සනාව

බුදු හිමියන්ට විපාක දුන් කර්ම දොළහ..

දශබලධාරී බුදු රජාණන් වහන්සේට ද පූර්වයේ කරන ලද කර්ම 12ක් මෙලොවදී විපාක දුන් බව දිනක් හිමාලයේ අනෝතත්ත විල අසලදී 500ක් භික්ෂූන් හමුවේ වදාළ සේක. පුබ්බ කම්ම පිලෝතික අපදානයට අනුව ඒ මෙසේ ය:

01. සුන්දරී පරිබ්‍රාජිකාවගේ විහාර ස්ථානයට එන-යන ගමන හේතුවෙන් විශාල අපවාදයක් නැගීම. ඊට හේතුව පෙර මුනලීධූර්තක ව සිටියදී සරභු නම් පසේ බුදුරදුන්ට කළ දෝෂාරෝපණය බව දත යුතු ය.

02. පෙර ලොව පහළ වූ සබ්බාභිභූ නම් බුදුරජුන්ගේ නන්ද නම් ශ්‍රාවකයන් වහන්සේට කාමභෝගියා කියලා දොස් නඟන්නට යෙදීම. ඒ හේතුවෙන් සසර බොහෝ දුකට පත් විය. මේ සාරාසංඛය්‍ය කල්ප ලක්‍ෂයකටත් පෙර කරන ලද කර්මය බුදුබව ලබාද බඩදරු අම්මාගේ වෙස්ගත් චිංචිමාණවිකාව හේතුවෙන් පහත් වූ අපවාදයකට ලක් විය.

03. පසු කාලයකදී සුන්දරී පරිබ්‍රාජිකාව මරා මල් අසුන ළඟ වළලා බුදු රජුන් ඇය දූෂණය කොට මරා සඟවන ලද්දේ ය යි මහත් දෝෂාරෝපණයක් දින 07ක් තුළ පැවතිණි. දින 07කින් පසු සත්‍ය එළි විය. කෙසේ නමුත් මේ නින්දාවට හේතුව පෙර භීම නම් ඍෂීන් වහන්සේට බැණවැදීම බව දත යුතු.

04. මහ බෝසතාණන් වහන්සේ පෙර වස්තු ලෝභය නිසා තම සොහොයුරා කන්දකින් පහළට තල්ලු කර ගලක් ද පෙරළා මරාදැමුවේ ය. ඒ හේතුවෙන් සසර බොහෝ දුකට පත් වී බුදු වූ ජීවිතයේ ද දෙව්දත් තෙර ගල් පෙරළූ බව දත යුතු.

05. බෝසතුන් දිනක් කුඩා ළමයකු ව සිටියදී පසේබුදු කෙනකු දැක ගලකින් ගැසුවේ ය. ඒ කර්මය හේතුවෙන් මේ ජීවිතයේ තම ජීවිතය නැති කිරීමට දෙව්දතුන් දුනුවායන් යෙදවූ බව දත යුතු.

06. පෙර බෝසතුන් ඇත්ගොව්වකු වී සිටියදී පසේබුදු කෙනකු වඩිනා බව දැක දූෂිත සිතින් මැරීම සඳහා ඇතා මෙහෙයෙව්වේ ය. උන් වහන්සේ ඍද්ධියෙන් වැඩි නමුදු පහත් සිතින් කළ කර්මය නිසා මේ ජීවිතයේතමන් වහන්සේ මැරීම පිණිස මත් වූ නාලාගිරි ඇතු ඉදිරියට ආ බව වදාළහ.

07. දෙව්දත් තෙරුන් තථාගතයන් වහන්සේ කෙරෙහි ගැටුණු සිතින් ගිජුකුළු පව්වේදී මහ ගලක් සක්මන් කරන බුදු හිමිගේ හිසට පෙරළුවේ ය. පෙර පිරූ පාරමී බලයෙන් මහගලක් ඉබේ ම මතු වී ඒ ගල වැටෙන්නට නොදී රඳවාගත් නමුදු ගල්පතුරක් ගැලවී විත් ශ්‍රී පතුලේ ගැටී මාපටඇඟිල්ල තැළී ලේ කැටිගැසිණි. ජීවකතුමා ශ්‍රී පතුල පලා ලේ අස් කළේ ය. මෙසේ ශ්‍රී පතුල පළන ලද්දේ පෙර පෘථිවීශ්වර රජ ව සිටියදී මිනිසකු මරවන ලද පවින් බව දත යුතු.

08. තථාගතයන් වහන්සේගේ හොඳ නොවන හිස ආබාධයට හේතුව පෙර කෙවුල් පවුලක ඉපදී සිටියදී තම ඥාතීන් බොහෝ මාළුන් ගොඩදා තිබෙනවා දැක සතුටු සිනා පහළ කළ පාපය බව දත යුතු. එදා ඒ මසුන් මැරූ සියලු ඥාතීහු මේ ජීවිතයේ ද ඥාතීන් වී ඉපදුණහ. ඒ සැමට ඒ ප්‍රාණඝාත කර්මය විපාකදීම් ලෙස විඩුඪභ කුමරු අතින් මියයන්නට වුණු බව දක්වා ඇත.

09. තුන් ලෝකය පුරා පැතිරුණ දායක උපස්ථායක ශ්‍රාවක ශ්‍රාවිකා පිරිසක් ඇති තථාගතයන් වහන්සේට දොළොස්වන වස්කාලයේ එක් බත් ඇටයකුදු නොලැබී ගියේ ය. අශ්වයන්ට දෙන යවහාල් වළඳා ජීවත් වන්න විය. මෙසේ වීමට හේතුව පෙර ඵුස්ස බුදු රජාණන් වහන්සේට “ඔබ වහන්සේ මේ ප්‍රණීත ඇල්හාල් වළඳනවාට වඩා හොඳයි යවහාල් වැළඳුවා නම්” කියා දොස් නැඟූ පාපය බව දත යුතු.

10. සුගතයන් වහන්සේට හොඳ නොවන කොන්දේ ආබාධයක් තිබිණි. ධර්ම දේශනා කරන අවස්ථාවල එය හැදුණු විට සැරියුත් හිමිට දම්දෙසුම පවරා විවේක ගැනීමට වැඩි බව ද සඳහන් වෙයි. මෙයට හේතුව පෙර මල්ලව පොර අල්ලන යෝධයකු ව සිටියදී විරුද්ධවාදී මල්ලව පොරකරුවකුගේ කොන්ද කැඩූ පව බව දත යුතු.

11. බුදුරජුන්ට වැලඳුණ ලෝභිතපක්ඛන්දිකා (ලේ අතීසාර) රෝගයට හේතුව පෙර වෛද්‍යවරයකු ව සිටියදී සිටුවරයකුට බෙහෙත් කළ විට ඔහු නියමිත මුදල නොගෙව් අවස්ථාවේ පසු ව විරේක බෙහෙතක් දී ඔහුට ලේත් සමඟ විරේක වන්නට සැලැස්වීම ය. සිටුවරයා බිය වී නියමිත මුදල් ගෙව් කල නැවත සනීප කළ නමුදු ඒ කර්මය විපාක දුන් බව දත යුතු.

12. මහ බෝසතාණන් වහන්සේට බුදු වීම පිණිස සාවුරුද්දක් දුෂ්කර ක්‍රියා කිරීමට සිදු වුණේ පෙර ජෝතිපාල මාණවක ව සිටියදී ඝටීකාර බමුණා සමඟ කාශ්‍යප බුදු රජාණන් වහන්සේට දොස් කී පාපය නිසා බව දත යුතු.

සත්පුරුෂ පින්වතුනි! බලන්න මහත් වූ නුවණක් ඇති මහත් වූ බලයක් ඇති මහත් වූ යසසක් ඇති මහත් වූ පිරිවර සම්පත්තියක් ඇති, මහත් වූ ගුණ සම්පත්තියක් ඇති මහත් ඍද්ධි බලයක් ඇති තථාගත සම්මා සම්බුදු රජාණන් වහන්සේට ද පූර්වයේ කරන ලද කර්ම සඳහා එන විපාකවලින් බේරී සිටීමට නොහැකි නම්, එතරම් පාරමී ශක්තියක්, ගුණ ශක්තියක්, නුවණක්, පිරිවරක්, ඍද්ධි බලයක් නැති අප ඔබ වැන්නවුන් කෙසේ නම් ගැලවෙන්න ද? එබැවින් පසුතැවිලි වන්නට සිදු වන දෑ නො කරන්න. කිසි දිනක කා හට වත් දුකක් පීඩාවක්, සිත් තැවුලක් ඇති නො කරන්න. කිසිවකුට හිංසාවක් පීඩාවක් දුකක් දොම්නසක් කරදරයක් විපතක් වෙහෙසක් නො කර

සත්පුරුෂයනි! ඔබ ගස් අතර හඳුන් ගසක් වගේ, ඇතුන් අතර ගජමුතු තිබෙන ඇතකු වගේ, මුවන් අතර කස්තුරි තියෙන මුවකු වගේ, පාෂාණ අතර බැබළෙන මැණිකක් වගේ ගුණයෙන් නුවණින් යුත්, අනුන්ට දුක් නොදෙන, සාධු ජනයාගේ ආදර ගෞරවයට ලක් වූ, මානව හිතවාදී, දයානුකම්පිත මිනිසකු වන්න අධිෂ්ඨාන කරගන්න.

ඔබ සැමට තෙරුවන් සරණයි !

____________________________________