مدی

خلال رحلتنا بالحياة احلامنا لمنرسمها وقلبنا ل منقدمه ع مذبح الحب و الصدق ممكن يتكسروا ع شط الواقع او الظروف او الاشخاص و مرة ع مرة ونتيحة وجع عميق بيسكن جواتنا ممكن نتحول ل حجار عم تتنفس باردة ما بتحلم وما بتحس .
بالحقيقة نحن عم نكون قاسيين مع حالنا او الاصح عقلنا ل عم يحاول يحمينا عم يكون قاسي معنا حتى اكتر من تجاربنا.
بالحقيقة عم نخبي دموعنا تحت كمنا واوجاعنا ورا برود قاتل ما بيشبهنا وعم نوقف احلامنا لاجل وحش الخوف الكبير ل مانعنا نتفركش بس قصتنا وقصة كل الكون مش هيك .
من اول ما مشينا تفركشنا وقمنا وكفينا واول مرة لعبنا بالطابة و وقعنا وتجروحنا واول مرة حبينا ،كلهم وغيرهم تجارب ما كان رابطها دماغنا بالوجع لان الوجع مش قدرنا.
نحن البشر احلى المخلوقات واعظمها لسخر النا الشمس ل ولا مرة تعبت تزورنا وسخر كل شي النا وحتى قلبنا والحياة لاجلنا لنعيشها.
الامير ع بقول ما تحمل هم يومك على غدك ،و الله بيوعدنا بالبشرى بس ناخد بالاسباب وما نحولها لاكتر من اسباب .قلبنا المكسور بايد الله ورزقنا القليل بايد واحلامنا الله بسخرلها اسبابها والحياة رح تستمر وبريشتنا و رحمة الله منرسم بكرا

صباحكم نور
الله الكريم ل حاكم هالدنيا بلطفه ورحمته وفيضه الحلو والدائم علينا . هو السبب الوحيد المؤثر بشكل حقيقي بالحياة .
لهيك كل يوم نحن قدام ميقات ل يوم جديد ما منعرف شو مخبى فيه بين ساعاته .
ويمكن بين هالساعات الله مخبيلنا عوض (وفتحت السماء ابوابها)
لان عند الكريم ما بتوقف الدنيا و هو بشوف وجعنا وكسرة قلبنا وابوابه مفتوحة لهيك ما نتعبط باليأس ونوقف الحياة ل الله هو مشّيها.