FBR HOT NEWS.

👉​​ អនុប្បយោគប្ដូរចំណាត់ថ្នាក់ដីរដ្ឋ ជិត៣ហិកតា នៅក្រុងបាវិត ខេត្តស្វាយរៀង❗🇰🇭

កាលពីចុងឆ្នាំ២០២៥ កន្លងទៅថ្មីៗ រាជរដ្ឋាភិបាលកម្ពុជា នីតិកាលទី៧ នៃរដ្ឋសភា បានសម្រេចធ្វើអនុប្បយោគប្ដូរចំណាត់ថ្នាក់ ពីទ្រព្យសម្បត្តិសាថារណៈរបស់រដ្ឋ មកជាទ្រព្យសម្បត្តិឯកជនរបស់រដ្ឋ នូវទីតាំងដីចំនួន២កន្លែង ទំហំសរុប២៨ ៥៥៨ម៉ែត្រក្រឡា (ឬជាង២,៨ហិកតា) តាមសំណើរបស់រដ្ឋមន្ដ្រីក្រសួងសេដ្ឋកិច្ច និងហិរញ្ញវត្ថុ ដោយអនុក្រឹត្យលេខ ២៤៥អនក្រ.បក ចុះថ្ងៃទី៥ ខែធ្នូ ឆ្នាំ២០២៥ រួមមាន ៖

១-ដីចំណតរថយន្ដ មានទំហំ៧ ៣៦៨ម៉ែត្រក្រឡា ស្ថិតនៅភូមិបាវិតកណ្ដាល សង្កាត់បាវិត ក្រុងបាវិត ខេត្តស្វាយរៀង

២-ដីចម្ការកូនស្មាច់ មានទំហំ២១ ១៩០ម៉ែត្រក្រឡា ស្ថិតនៅភូមិថ្នាញ សង្កាត់បាទី ក្រុងបាវិត ខេត្តស្វាយរៀង ៕

នារសៀលថ្ងៃទី០៧ ខែកុម្ភៈ ឆ្នាំ២០២៦ លោក ណេប សារ៉ុន ប្រធានក្រុមប្រឹក្សាក្រុងបាវិត និងលោក លឹម សៀងហេង អភិបាល នៃគណៈអភិបាលក្រុង បានអញ្ជើញចូលរួមកិច្ចប្រជុំ និងជួបជុំមិត្តភាពទទួលអំណរឆ្នាំថ្មី ឆ្នាំមមី គ.ស.២០២៦ ជាមួយគណៈប្រតិភូស្រុក ក្រុង និងបណ្ដាឃុំ សង្កាត់ ជាប់ព្រំដែននៃប្រទេសកម្ពុជា ស្ថិតនៅឃុំឡងធួន ខេត្តតៃនិញ ប្រទេសវៀតណាម។ ក្នុងនោះ ដោយមានការអញ្ជើញចូលរួមពី គណៈប្រតិភូស្រុកស្វាយទាប សមាជិកក្រុមប្រឹក្សាក្រុងបាវិត លោកនាយករដ្ឋបាលក្រុង លោកប្រធានការិយាល័យរដ្ឋបាល និងហិរញ្ញវត្ថុក្រុង ក្រុមប្រឹក្សាសង្កាត់ច្រកម្ទេស ក្រុមប្រឹក្សាសង្កាត់បាវិត និងសហការី។

នាថ្ងៃទី០៤-០៥ ខែកុម្ភៈ ឆ្នាំ២០២៦ លោក លឹម សៀងហេង អភិបាល នៃគណៈអភិបាលក្រុងបាវិត បានអញ្ជើញចូលរួមសន្និបាតបូកសរុបលទ្ធផលការងារឆ្នាំ២០២៥ និងទិសដៅការងារឆ្នាំ២០២៦ របស់ក្រសួងមហាផ្ទៃ ស្ថិតនៅទីស្តីការក្រសួងមហាផ្ទៃ។

នាព្រឹកថ្ងៃទី០៣ ខែកុម្ភៈ ឆ្នាំ២០២៦ លោក លឹម សៀងហេង អភិបាល នៃគណៈអភិបាលក្រុងបាវិត បានអញ្ជើញចុះត្រួត ពិនិត្យ ផ្លូវ ១ខ្សែ ចាប់ពីកែងផ្លូវប្រឡាយព្រៃយាយរហូតដល់ផ្លូវបេតុងស្ថានីយប្រេងឥន្ធនៈកាតិច ដែលកំពុងតែចាប់ផ្ដើមគាស់កាយ រុះរើ ដែលប្រជាពលរដ្ឋសាងសង់សំណង់រឹងចូលចំណីប្រឡាយសាធារណៈ ស្ថិតក្នុងភូមិបាវិតលើ សង្កាត់បាវិត ក្រុងបាវិត។ ក្នុងនោះ ដោយមានការចូលរួមពី លោកអភិបាលរងក្រុង លោកប្រធាន អនុប្រធានការិយាល័យសាធារណការក្រុង លោកមេភូមិ និងក្រុមការងាររៀបចំសណ្តាប់ធ្នាប់ក្រុង។

សូមអរគុណដល់ក្រុមការងាររៀបចំសណ្ដាប់ធ្នប់ក្រុង ប្រជាការពារភូមិបាវិតកណ្ដាល សង្កាត់បាវិត ដែលចាប់បានរុឺម៉ក ១គ្រឿង ដែលដឹក កាកសំណល់សំរាមមកចោលពាសវាលពាស កាលនៅតាមបណ្ដោយផ្លូវសាធារណៈ ផ្លូវ ៣១៩C ស្ថិតនៅភូមិបាវិតកណ្ដាល សង្កាត់បាវិតក្រុងបាវិត និងបានយក រុឺម៉ក មករក្សាទុកនៅសាលាក្រុងបណ្តោះអាសន្ន។

https://fbrtvhotnews.com.kh/archives/434