PoipetUpdate

នៅរាត្រីថ្ងៃទី២៩នេះ ! សម្តេចតេជោ ហ៊ុន សែន អញ្ជើញទទួល ដោយផ្ទាល់នូវព្រះរាជវត្តមាន ព្រះចៅស៊ុលតង់នៃប្រទេសព្រុយណេ
---------
ភ្នំពេញ ៖ បើមិនមានការផ្លាស់ប្តូរទេ នៅយប់ថ្ងៃទី២៩ ខែមេសានេះ ព្រះមហាក្សត្រ ហាសាណាល់ បូលកៀហ៍ (Hassanal Bolkiah) នៃប្រទេសព្រុយណេ នឹងយាងមកដល់អាកាសយានដ្ឋានអន្តរជាតិភ្នំពេញ នៃព្រះរាជាណាចក្រកម្ពុជា ខណៈសម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា បានបញ្ជាក់ថា សម្តេចនឹងទៅទទួលព្រះរាជវត្តមានព្រះអង្គដោយផ្ទាល់ និងរួមដំណើរជាមួយព្រះអង្គមកកាន់សណ្ឋាគារដែលព្រះមហាក្សត្រព្រុយណេទ្រង់ចំណាយពេលវេលាស្នាក់នៅមួយយប់លើទឹកដីនៃព្រះរាជាណាចក្រកម្ពុជា។

សូមបញ្ជាក់ថា ៖ ក្នុងសំណេរបណ្ដាញសង្គមរបស់សម្តេចតេជោ ហ៊ុន សែន បានបង្ហោះកាលពីព្រឹកថ្ងៃទី២៧ ខែមេសា ឆ្នាំ២០២៤ កន្លងទៅបានបញ្ជាក់ថា ៖ ប្រសិនពុំមានការផ្លាស់ប្តូរទេនៅយប់ថ្ងៃទី២៩ ខែមេសានេះ ព្រះមហាក្សត្រព្រុយណេព្រះអង្គនឹងយាងមកដល់ កម្ពុជាដែលសម្ដេចនឹងទៅទទួលព្រះអង្គនៅព្រលានយន្តហោះដោយផ្ទាល់ និងរួមដំណើរជាមួយគ្នាមកកាន់សណ្ឋាគារ។

«ករណីបែបនេះមិនចម្លែកទេរវាងព្រះអង្គជាមួយខ្ញុំព្រោះកាលពីឆ្នាំ២០១១ពេលខ្ញុំទៅព្រុយណេព្រះអង្គបានបើករថយន្តដោយអង្គឯងមកទទួលខ្ញុំនៅព្រលានយន្តហោះជូនទៅសណ្ឋាគារ»។ នេះជាប្រសាសន៍របស់សម្ដេចតេជោ។

តើតាមសម្ដេចតេជោ គោលបំណងទស្សនកិច្ចរបស់ព្រះអង្គគឺមកស្រស់ស្រូបអាហារពេលព្រឹកជាមួយសម្ដេចដែលព្រះអង្គរាប់អានសម្ដេចដូចប្អូនពៅ។ (បងប្អូន៣នាក់គឺព្រះអង្គជាបងទី១ លោកថាក់ ស៊ីនជាប្អូនទី២ និងសម្ដេចជាប្អូនពៅ)។

«ពុំមានជំនួបផ្លូវការណាមួយកើតឡើងទេតែការស្រស់ស្រូបពេលព្រឹកថ្ងៃទី៣០ ខែមេសាខាងព្រះអង្គមានព្រះអង្គម្ចាស់ម៉ាទីនដែលជាព្រះរាជបុត្រ។ ឯសម្ដេចតេជោ មានកូនប្រុសទាំងបីរួមមាន សម្ដេចធិបតី ហ៊ុន ម៉ាណែត ឯកឧត្តម ហ៊ុន ម៉ានិត និងឧបនាយករដ្ឋមន្ដ្រី ហ៊ុន ម៉ានី»។ នេះជាការថ្លែងបញ្ជាក់របស់សម្ដេចតេជោ។

ជាមួយគ្នានេះសម្ដេចតេជោ បានថ្លែង ក្រោយការស្រស់ស្រូប សម្ដេចនឹងដង្ហែព្រះអង្គទៅព្រលានយន្តហោះដើម្បីព្រះយាងនិវត្តន៍ទៅកាន់ប្រទេសវិញ។
សូមជម្រាបជូនថា ៖ កម្ពុជា ជាប្រទេសដែលមាន សន្តិភាព ពេញលេញ ក្នុងរយៈពេលដ៏ខ្លី កម្ពុជាមានការអភិវឌ្ឍខ្លាំង ស្ទើរនឹកស្មានមិនដល់ ហើយពិភពលោក ទទួលស្គាល់កម្ពុជា ជាប្រទេសតូច តែបេះដូងធំ ៕
---------
#ប៉ោយប៉ែត #ក្រុងប៉ោយប៉ែត ​ #ក្រុងប៉ោយប៉ែតអាប់ដេត ​ #ផ្សាររុងក្លឿ #អ្នកប៉ោយប៉ែត #ព័ត៌មានពីក្រុងប៉ោយប៉ែត #ទីក្រុងប៉ោយប៉ែត #ព័ត៌មានទាន់ហេតុការណ៍

សម្តេចម៉ែ ប្រទានព្រះរាជសាររំលែកទុក្ខ និងជូនពរឱ្យឆាប់ជាសះស្បើយ ជូនក្រុមគ្រួសារយោធិនពលី និងយោធិនរងរបួស នៅយោធភូមិភាគទី៣
---------
ភ្នំពេញ ៖ សម្តេចព្រះមហាក្សត្រី ព្រះវររាជមាតា នរោត្តម មុនិនាថ សីហនុ នៃព្រះរាជាណាចក្រកម្ពុជា ជូន ក្រុមគ្រួសារយោធិនពលី និងយោធិនរងរបួស នៅយោធភូមិភាគទី៣ ក្នុងខេត្តកំពង់ស្ពឺ

ខ្ញុំមានហឫទ័យតក់ស្លុត ដោយបានទទួលដំណឹងដ៏រន្ធត់ អំពីឧបទ្ទវហេតុផ្ទុះគ្រាប់ នៅយោធភូមិភាគទី៣ ក្នុងខេត្តកំពង់ស្ពឺ នៅរសៀលថ្ងៃទី២៧ ខែមេសា ឆ្នាំ២០២៤ ដែលបណ្តាលឱ្យ មានបងប្អូន កូនចៅ ចៅទូតជាយោធិនពលី និងរបួសជាច្រើននាក់ ។

ខ្ញុំមានសេចក្តីសោកស្តាយជាទីបំផុត និងសូមចូលរួមរំលែកទុក្ខដ៏ក្រៀមក្រំ ជាមួយក្រុម គ្រួសារនៃយោធិនទាំងអស់ ដែលជាអ្នកស្នេហាជាតិ ហើយបានពលីក្នុងបេសកកម្មបម្រើជាតិ មាតុភូមិ និងសូមឱ្យវិញ្ញាណក្ខន្ធយោធិនពលីទាំងអស់ បានទៅកាន់សុគតិភពកុំបីឃ្លៀងឃ្លាត ឡើយ ។

ខ្ញុំសូមជូនពរដល់បងប្អូន កូនចៅ ចៅទួតយោធិន ដែលរងរបួសកំពុងសម្រាកព្យាបាល នៅមន្ទីរពេទ្យទាំងអស់ សូមឱ្យបានឆាប់ជាសះស្បើយ ៕
---------
#ប៉ោយប៉ែត #ក្រុងប៉ោយប៉ែត ​ #ក្រុងប៉ោយប៉ែតអាប់ដេត ​ #ផ្សាររុងក្លឿ #អ្នកប៉ោយប៉ែត #ព័ត៌មានពីក្រុងប៉ោយប៉ែត #ទីក្រុងប៉ោយប៉ែត #ព័ត៌មានទាន់ហេតុការណ៍

ជម្លោះក្នុងវង់ផឹកស្រាលេងបៀចាញ់អស់លុយកាប់គ្នារបួសធ្ងន់ពីរនាក់ម្នាក់ធ្លាយពោះវៀន ជនដៃដល់ត្រូវសមត្ថកិច្ចឃាត់ខ្លួន
---------
ខេត្តរតនគិរី៖ ជនសង្ស័យម្នាក់ត្រូវបានសមត្ថកិច្ចឃាត់ខ្លួនបញ្ជូនទៅសាលាដំបូងខេត្តចាត់ការតាមច្បាប់បន្ទាប់ពីគេចខ្លួនក្រោយបង្កជម្លោះក្នុងវង់ផឹកស្រាលេងបៀដាក់លុយចាញ់អស់ក៏ឈ្លោះប្រកែកជេរគ្នាខឹងទាញយកកាំបិតផ្គាក់កាប់អ្នកចាញ់ជាច្រើនកាំបិតបណ្ដាលឱ្យរបួសធ្ងន់ពីរនាក់និងធ្លាយពោះវៀនចេញមកក្រៅត្រូវបានបញ្ជូនទៅសង្គ្រោះនៅមន្ទីរពេទ្យវៀតណាម។

ការឃាត់ខ្លួនជនសង្ស័យនេះសមត្ថកិច្ចបានធ្វើឡើងនៅថ្ងែទី២៧ ខែមេសាឆ្នាំ២០២៤បន្ទាប់ពីគេចខ្លួនមួយថ្ងៃដោយ
កម្លាំងនគរបាលប៉ុស្តិ៍រដ្ឋបាលឃុំសាយ៉ស់សហការជាមួយអធិការដ្ឋាននគរបាលស្រុកលំផាត់តាមចាប់បាននៅស្រុកលំផាត់។

ប្រភពពីសមត្ថកិច្ចបានឱ្យដឹងថា៖ជនរងគ្រោះទី១.ឈ្មោះជិន សារ៉េត ភេទប្រុស អាយុ៤២ឆ្នាំ ជនជាតិខ្មែរ មុខរបរកសិករ។
ទី២.ឈ្មោះសែម ផូយ ភេទប្រុស អាយុ ៤៦ឆ្នាំជនជាតិខ្មែរ មុខរបរជាកម្មករ។

រីឯជនដៃដល់មានឈ្មោះចុន រី ហៅតារី អាយុ៦០ឆ្នាំ ជនជាតិខ្មែរ មុខរបរចាំចម្ការឱ្យឈ្មោះម៉ុប គៀង បច្ចុប្បន្នមានពីលំនៅ ភូមិសាយ៉ស់ ឃុំកាឡែង ស្រុកលំផាត់ ខេត្តរតនគិរី។

ប្រភពបន្តថា កាលថ្ងៃទី២៦ខែមេសាឆ្នាំ២០២៤ ជនរងគ្រោះនិងជនដៃដល់បាននាំគ្នាផឹកស្រាលេងបៀនៅផ្ទះជនរងគ្រោះ នៅពេលនោះជនរងគ្រោះ ចាញ់អស់លុយ រួចបានជេរអ្នកឈ្នះ គឺឈ្មោះតារី បន្ទាប់ពីជេររួច តារីបានដើរទៅផ្ទះដែលនៅជិតគ្នា និងបានទាញយកកាំបិតផ្គាក់មកជាមួយផង រីឯជនសង្ស័យទាំងពីរនាក់ពុំបានចាប់អារម្មណ៍នោះទេ ខណៈពេលនោះ តារីបានកាប់ជាច្រើនកាំបិតទៅលើជនរងគ្រោះចំនួនពីរនាក់បណ្ដាលឲ្យរបួសចំស្មានិងកដៃខាងស្ដាំ ចំណែកម្នាក់ទៀតកាប់ចំពោះធ្លាយចេញពោះវៀនមកក្រៅ។
ក្រោយធ្វើសកម្មភាពកាប់ជនរងគ្រោះរួចហើយ ជនដៃដល់បានរត់គេចខ្លួនបាត់មួយយប់ លុះដល់ថ្ងៃទី ២៧ខែមេសាកម្លាំងនគរបាលប៉ុស្តិ៍រដ្ឋបាលឃុំសាយ៉ស់ សហការជាមួយកម្លាំងអធិការដ្ឋាននគរបាលស្រុកលំផាត់តាមចាប់បាន រួចនាំខ្លួនយកទៅអធិការដ្ឋានស្រុកដើម្បីសាកសួរនិងបង្កសំណុំរឿងបញ្ជូនខ្លួននិងភស្តុតាងមានកាំបិតផ្គាក់១ដើមផងបញ្ជូនទៅសាលាដំបូងចាត់ការតាមនីតិវិធីច្បាប់៕
---------
#ប៉ោយប៉ែត #ក្រុងប៉ោយប៉ែត ​ #ក្រុងប៉ោយប៉ែតអាប់ដេត ​ #ផ្សាររុងក្លឿ #អ្នកប៉ោយប៉ែត #ព័ត៌មានពីក្រុងប៉ោយប៉ែត #ទីក្រុងប៉ោយប៉ែត #ព័ត៌មានទាន់ហេតុការណ៍