Bloom NESA Store.

ភាព​ខុស​គ្នា​រវាងក្រុមហ៊ុនដែលមានកន្ទុយអក្សរ Ltd និង PLC

តើអ្នក​មាន​ធ្លាប់​ឆ្ងល់​ទេថា ពាក្យ​ Ltd និង​ PLC ដែល​គេតែ​ងដាក់​នៅខាង​ចុង​នៃឈ្មោះ​ក្រុមហ៊ុន មានន័​យយ៉ាងដូច្នេះ? ហើយ​វា​មានភាព​ខុ​សយ៉ាងណាខ្លះ?

គឺបានមកពីពាក្យពេញថា​ private limited company សំដៅដល់​ប្រភេទក្រុមហ៊ុនឯកជន ដែលមានម្ចាស់​គ្រប់​គ្រង​តែម្នាក់​ ឬមាន​ដៃគូបណ្ដាក់​ទុនចាប់​ពីពីរនាក់​ឡើង​ទៅ។ ក្រុមហ៊ុន​ប្រភេទ​នេះមិន​អាច​ដាក់​ភាគ​ហ៊ុន​លក់​ក្នុ​ងផ្សារមូលបត្របាន​ទេ ពួកគេ​អាច​លក់​ភាគហ៊ុន​បានតែទៅកាន់ សមាជិក​គ្រួសារ មិត្តភក្តិ និងអ្នក​ទុក​ចិត្ត​ប៉ុណ្ណោះ ហើយការលក់​ភាគហ៊ុន​ក៏​ត្រូវ​មា​នការយល់ព្រមពីអ្នក​រួមហ៊ុន​ផង​ដែរ​។ លក្ខណៈពិសេស​មួយ​នៃក្រុមហ៊ុនប្រភេទ Ltd គឺ ​ប្រតិបត្តិការ​មិនត្រូវ​ការ​ប្រើនិតិវិធីស្មុគស្មាញទេ អ្វីៗគឺអាច​សម្រេច​បាន​ដោយ​ម្ចាស់​ក្រុមហ៊ុន​ផ្ទាល់ ឬជាមួយ​អ្នករួមហ៊ុន។

ដោយ​ឡែក​សម្រាប់​ ដែល​អត្ថន័យ​ពេញបាន​មក​ពី public limited company គឺ​ជាក្រុមហ៊ុនមហាជនទទួលខុសត្រូវមានកម្រិត។ PLC អាចបង្កើតឡើងក្នុងគោលដៅធ្វើអាជីវកម្ម ក្នុងទម្រង់ជាៈ ធនាគារ ធានារ៉ាប់រង និង ក្រុមហ៊ុនឥណទាន លក់មូលបត្រ ឬអ្វីផ្សេងទៀតបានតាមចិត្ត លើកលែងច្បាប់ហាមឃាត់។
លក្ខន្តិកៈ និងបទបញ្ជាផ្ទៃក្នុងអាចធ្វើឡើងដោយជាលិខិតឯកជន ឬ លិខិតសាការី ត្រូវចុះ ហត្ថលេខាដោយស្ថាបនិកទាំងអស់ និងអភិបាលទាំងអស់ ។

🎯 ដើម្បី​យល់​ឲ្យ​ច្បាស់​ថា​ រវាង​ក្រុមហ៊ុនដែល​មានកន្ទុយ Ltd និង PLC ខុស​គ្នា​ដូច​ម្ដេច យើងសូមធ្វើការប្រៀបធៀបដូចខាងក្រោម៖

១. ក្រុមហ៊ុនប្រភេទ Ltd មិនអាចបង្កើតឡើងក្នុងគោលដៅធ្វើអាជីវកម្ម ក្នុងទម្រង់ជាៈ ធនាគារ ធានារ៉ាប់រង និង ក្រុមហ៊ុនឥណទាន និងមិនអាចបោះលក់មូលបត្របានឡើយ ចំណែក PLC អាចបង្កើតឡើងក្នុងគោលដៅធ្វើអាជីវកម្ម ក្នុងទម្រង់ជាៈ ធនាគារ ធានារ៉ាប់រង និង ក្រុមហ៊ុនឥណទាន លក់មូលបត្រ ឬអ្វីផ្សេងទៀតបានតាមចិត្ត លើកលែងច្បាប់ហាមឃាត់។

២. គោល​បំណង​សំខាន់​នៃក្រុមហ៊ុនប្រភេទ Ltd គឺ​ផល​ចំណេញ​ពី​ជំនួញរកស៊ីរបស់ពួកគេ​ផ្ទាល់​ ខុស​គ្នាពីក្រុមហ៊ុនប្រភេទ PLC ដែល​ផ្តោត​សំខាន់​លើគុណភាព​នៃផលិតផល និង​សេវាកម្មជាង​។

៣. ភាគហ៊ុនក្នុងក្រុមហ៊ុនប្រភេទ Ltd មិន​ងាយ​ផ្ទេរទេ ខុស​ពីភាគហ៊ុន​ក្នុ​ងក្រុមហ៊ុនប្រភេទ PLC ដែល​ងាយ​ផ្ទេរដោយ​មិន​អស់ថ្លៃសេវាផ្សេងៗ​ឡើយ​។

៤. ការ​ខាត​ទុនក្នុង​ក្រុមហ៊ុន​ប្រភេទ Ltd មិន​ជះ​ឥទ្ធិពល​ដល់​សាធារណជន​ទេ ប៉ុន្ដែការ​ខាតទុនរបស់​ក្រុមហ៊ុន​ប្រភេទ PLC នឹងបះពាល់​យ៉ាង​ធ្ងន់​ធ្ងរដល់​សាធារណជន ព្រោះពួកគេអាចធ្វើជាម្ចាស់កម្មសិទ្ធភាគហ៊ុនបាន។

…...
អត្ថបទនេះ ឧបត្ថម្ភដោយ សហគ្រិនខ្មែរ Khmer Enterprise
Khmer Enterprise-សហគ្រិនខ្មែរមានចក្ខុវិស័យក្លាយជាថ្នាលជាតិសម្រាប់ការលើកកម្ពស់
គ្រប់សកម្មភាពរបស់វិស័យសហគ្រិនភាព។