CSM - Moon

តើខុសទេ ដែលយើងត្រឡប់ទៅអានសៀវភៅចាស់វិញម្តងទៀត?

មិនខុសទេ បើសិនជាសៀវភៅនោះយើងអានមិនទាន់ចប់ ហើយយើងចាប់ផ្តើមអានពីទំព័រថ្មីទៅ ដោយមិនរំលឹកពីទំព័រចាស់ តែ វានឹងខុសនៅពេលយើងបានស្គាល់តួអង្គឯកនៃសៀវភៅហើយ តែយើងនៅតែអានទំព័រចាស់ ឬមិនឈប់អាននៅពេលដែលសាច់រឿងនៃទំព័រថ្មីនៅតែដដែលដូចទំព័រចាស់។

បើដឹងថា ខ្លួនឡើងឡានក្រុងខុសហើយ សូមចុះនៅចំណតបន្ទាប់ កុំរង់ចាំអោយការធ្វើដំណើរកាន់តែឆ្ងាយ ព្រោះអ្នកនឹងត្រូវធ្វើដំណើរឆ្ងាយដូចគ្នាដើម្បីត្រឡប់មកចំណតដើមវិញ។

"កុំធ្វើគុណនឹងសត្វតិរច្ឆាន កុំទុកចិត្ដសត្វមានចង្កូមមានពិស"
ជួយយកអាសារដោយមិនរំពឹងការតបស្នង ចុះបើស្រាប់តែគេសងទោសត្រឡប់មកវិញ តើយើងគួរធ្វើដូចម្តេច?

អ្នកនឹងមិនអាចទទួលបានការកាត់ក្តីយុត្តិធម៌ឡើយ បើសិនជាអ្នកជួបអ្នកកាត់សេចក្តីដែលមានលក្ខណៈ
- ឆន្ទាគតិ : សេចក្តីលំអៀងព្រោះស្រឡាញ់
- ភយាគតិ : សេចក្តីលំអៀងព្រោះខ្លាចចិត្ត ខ្លាចអំណាច
- ទោសាគតិ : សេចក្តីលំអៀងព្រោះទោស ការស្អប់
- លោភាគតិ : សេចក្តីលំអៀងព្រោះបំណងចង់បាន
- មោហាគតិ : សេចក្តីលំអៀងព្រោះការមិនយល់ខុសត្រូវ