SV Ranch

🇰🇭​ក្រុមហ៊ុនអេសវី រេញ​ ផលិត​ និងចែកចាយទឹកស្ពេមពូជគោល្អៗ

🐂​ ឈ្មោះពេញ៖ CT MR ELMEAUX RINHEAUX 1/7 (រ៉ាយណូច)
👼ថ្ងៃកំណើត (DOB)៖ 16 មករា 2016
📙លេខចុះបញ្ជី (ABBA No.)៖ 951260 ET
🔠ប្រភេទ៖ ET (Embryo Transfer – កើតពីបច្ចេកវិទ្យាបញ្ចូលអំប្រីយ៉ុង)
🛩️កាលបរិច្ឆេទនាំចូលមកកម្ពុជា៖​ 2026

🐂រ៉ាយណូច ជាគោពូជមានឈ្មោះក្នុងខ្សែពូជអន្តរជាតិ (សហរដ្ឋអាមេរិក) ដែលត្រូវបានប្រើសម្រាប់អភិវឌ្ឍពូជគោសាច់ និងកែលម្អគុណភាពហ្វូងគោ។

🧬តំណរពូជ (Genetic Pedigree)៖
បា Sire: +JDH Mr. Elmo Manso 309/4.
មេ Dam: +CT Lady Rhineaux Ray 8/9, ជាគោមេ ដ៏សំខាន់មួយដែលគេស្គាល់ថាជាម្ចាស់ជើងឯកអន្តរជាតិ និងជាតិពីរសម័យកាល និងជាគោដែលមានឈ្មោះបោះសំឡេងលេខ១។

🥇2019-2020: រ៉ាយណូច សម្រេចបានជោគជ័យធំដោយទទួលបានពានរង្វាន់ Reserve International Grand Champion Red Bull ទាំងឆ្នាំ 2019 និង 2020 នៅសហរដ្ឋអាមេរិក។
🏆នៅឆ្នាំ 2025-2026 កូនចៅរបស់វាបានបន្តគ្រប់គ្រងតំណែងនៅក្នុងការប្រកួតបង្ហាញដូចជា KHRT MEAUX-SIS / MOSES 414 (2026 Grand & Intermediate Champion Red Bull នៅ Rio Grande Valley Livestock Show)​ នៅសហរដ្ឋអាមេរិក។
🔍វាត្រូវបានទទួលស្គាល់ដោយ Circle T Cattle និង Best Cattle Sales ជាមូលដ្ឋានគ្រឹះសម្រាប់កម្មវិធីបង្កាត់ពូជ Red Brahman ប្រាម៉ាន់ក្រហមកម្រិតខ្ពស់។
🎉មេជីវិតរបស់វាមានតម្រូវការខ្ពស់សម្រាប់ការនាំចេញ ដែលមានឥទ្ធិពលលើហ្វូងសត្វពាសពេញប្រទេសផ្សេងៗ។

ក្រុមហ៊ុន អេសវី រេញ (SV Ranch) មានកិត្តិយសដ៏ខ្ពង់ខ្ពស់ ដោយបានទទួលស្វាគមន៍ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារ ARDB និងជាប្រធានសមាគមបណ្តាញកសិករតេជោ និងសហការី ក្នុងការអញ្ជើញចុះពិនិត្យកសិដ្ឋាន អេស វី របស់យើងខ្ញុំ នៅស្រុកដំណាក់ចង្អើរ ខេត្តកែប នាថ្ងៃទី២៦ ខែឧសភា ឆ្នាំ២០២៦ នេះ។

នៅក្នុងឱកាសនេះ ឯកឧត្តមបណ្ឌិត និងសហការី បានទស្សនា និងវាយតម្លៃខ្ពស់លើ៖
✅ ខ្សែច្រវាក់ចិញ្ចឹមគោពូជល្បីៗស្តង់ដារអន្តរជាតិ។
✅ ដំណើរការផលិត និងចែកចាយទឹកស្ពែមពូជគោប្រ៉ាម៉ាន់ឈាមសុទ្ធ​១០០% (នាំចូលពីសហរដ្ឋអាមេរិក) ដើម្បីអភិវឌ្ឍន៍ពូជគោក្នុងស្រុក។

ជាដំបូន្មានដ៏ខ្ពង់ខ្ពស់ ឯកឧត្តមបណ្ឌិត បានលើកទឹកចិត្តឱ្យក្រុមហ៊ុនយើងខ្ញុំ បង្កើនការចែកចាយទឹកស្ពែមពូជល្អៗនេះដល់កសិករឱ្យបានកាន់តែច្រើន និងបន្តស្រាវជ្រាវបន្ថែមលើពូជគោសាច់ និងគោទឹកដោះ ដើម្បីឆ្លើយតបនឹងតម្រូវការទីផ្សារកម្ពុជាដែលកំពុងកើនឡើងខ្លាំង។

អេសវី រេញ សូមថ្លែងអំណរគុណយ៉ាងជ្រាលជ្រៅចំពោះ ឯកឧត្តមបណ្ឌិត និងសហការី ដែលជានិច្ចកាលតែងតែគាំទ្រ និងជំរុញវិស័យកសិកម្មក្នុងស្រុក។ យើងខ្ញុំប្តេជ្ញានឹងបន្តនាំមកនូវពូជ និងបច្ចេកវិទ្យាស្តង់ដារ ដើម្បីបម្រើផលប្រយោជន៍បងប្អូនកសិករជានិរន្តរ៍។