Tulip Handmade Store

إذا بتحبي التميز… هاي القطع إلك
تصميم يدوي 100%
وكل موديل بنعمل منه عدد محدود جداً!
يعني يا تلحقيها… يا تضيع 🎀🌷😂

‏‎شنط كروشية مصنوعة يدويّاً، الطلب عن طريق الصفحة
‏

الله عالعيد، كل عام وأنتم بألف خير🌷🎀

بحب فكرة إنو الشغل بالإيد بيحمل طاقة صاحبه…وبحب كيف الخيط الرفيع
بقدر يتحول لقطعة فيها روح. ويمكن عشان هيك بحس هاي الرزنامة فيها دفا مختلف 🌙
رمضان مش بس أيام بنعدّها… رمضان مشاعر، نية صافية، وتفاصيل بسيطة بتقربنا أكتر.

وهالقطعة كانت طريقتي أحكي:
أنا بحب هالشهر وكنت بهالمناسبة عم بحضّر قلبي قبل بيتي 🌙

رمضان كريم من قلبي لقلبكم 🌙

كل سنة وأنا ممتنة لوجودكم معي…
وممتنة أكتر إني أقدر أشارككم شغف قلبي بهالشهر الفضيل ⭐️

واشارككم مشغولاتي الرمضانية. هاي المشغولات بتحبوها وبتعرفوها من العام الماضي، قطع تعبت عليها، وعاشت رمضان معنا بكل تفاصيله 😍
بس هاي السنة حسّيت إني بدي أضيف روح جديدة، إشي يكمل الصورة،
إشي يحكي “رمضان” من أول نظرة 😍

فكانت خيمة رمضان بالمكرمية 🌙 ⛺️
مش بس قطعة ديكور،
هي لمسة بتجمع المشغولات كلها تحت إحساس واحد…
إحساس الدفا، اللمّة، والنور.

بحب لما الشغل يكبر معي سنة بعد سنة،
وبحب أكتر إنكم تكبروا معي بهالرحلة، شكراً لأنكم جزء من رحلتي😍🙏🏻

الله يجعل رمضانكم نور وراحة وسكينة
ويبارك ببيوتكم مثل ما بتباركوا صفحتي بوجودكم 🤍🌷
# #رمضان

لما أوصل لمرحلة التصوير تأكدو إنه وصلت لمرحلة الإتقان ثمنها ساعات طويلة مرقت، وأيام كنت فيها بين الخيط والفكرة، بين الحيرة والتجربة، بين فكّ وتركيب وتنسيق.

فعليًا… لما القطعة تطوّل معيي بصير بيني وبينها أُلفة وبس أنتهي من عملها وأعرضها بحس إني كبرت خطوة، وتعلمت أكتر، وغصت أعمق بعالم الألوان والتفاصيل ودافع كبير إني أنجز قطع متميزة ما في منها بالعالم كله 🩵😍

وعلى فكرة ما في أجمل من شعور لما ألبس قطعة
كنت أنا البداية والنهاية فيها من أول غرزة لآخر لمسة🩵😍
❄️