APPs8.IN
Share
25/08/2014
ഫയര്ഫോക്സ് ഓപ്പറേറ്റിംഗ് സിസ്റ്റത്തിലുള്ള ആദ്യ ഫോണ് ഇന്ത്യയിലിറങ്ങി
==========================================
http://apps8.blogspot.in/
ഫയര്ഫോക്സ് ഓപ്പറേറ്റിംഗ് സിസ്റ്റത്തിലുള്ള ആദ്യ ഫോണ് ഇന്ത്യയില് ഇറങ്ങി. ക്ലൗഡ് എഫ് എക്സ് എന്ന ഈ ഫോണ് ഇന്ത്യയിലിറക്കിയിരിക്കുന്നത് ഇന്റക്സ് ആണ്. ഓണ്ലൈന് ഷോപ്പിംഗ് സൈറ്റായ സ്നാപ്പ് ഡീല് വഴി മാത്രമാണ് ഫോണ് ലഭ്യമാകുക. 1999 രൂപയാണ് വില.
ഇന്ത്യയില് ലഭ്യമാകുന്ന ഏറ്റവും വിലകുറഞ്ഞ സ്മാര്ട്ട്ഫോണ് എന്ന പദവിയും ഇനി ക്ലൗഡ് എഫ് എക്സിനായിരിക്കും. ഡ്യുവല് സിം മോഡലാണ് ഈ ഫോണ്, 3.5 ഇഞ്ച് വലിപ്പമുള്ള എച്ച്.വി.ജി.എ ഡിസ്പ്ലേ ആണ് ഫോണിന് ഇന്റക്സ് നല്കിയിരിക്കുന്നത്. 1 ജിഗാ ഹെര്ട്സ് പ്രൊസസ്സര് ആയതിനാല് പ്രവര്ത്തനവും മോശമാകാനിടയില്ല. എന്നാല് റാം അല്പ്പം കുറവാണ്. 128 എം.ബി മാത്രമേയുള്ളൂ. പിന്നെ മുന് ക്യാമറ ഇല്ലെന്നതും ഒരു പോരായ്മയാണ്. പക്ഷെ വില പരിഗണിക്കുമ്പോള് അത് പ്രശ്നമേയല്ല. 2 മെഗാ പിക്സലാണ് പിന്ക്യാമറ.
46 എം.ബി ഇന്റേണല് സ്റ്റോറേജാണ് ക്ലൗഡ് എഫ് എക്സിനുള്ളത്. എക്സ്റ്റേണല് മെമ്മറി കാര്ഡുപയോഗിച്ച് ഇതു 4 ജി.ബി മാത്രം വര്ദ്ധിപ്പിക്കാം. വൈഫൈ, ബ്ലൂടൂത്ത് തുടങ്ങിയ സൗകര്യങ്ങള് ലഭ്യമാണ്.
ഇന്റക്സിനു തൊട്ടുപിന്നാലെ ഫയര്ഫോക്സ് ഓപ്പറേറ്റിംഗ് സിസ്റ്റത്തില് അധിഷ്ഠതമായ ഫോണുമായി സ്പൈസും വരുന്നുണ്ട്. ആഗസ്റ്റ് 29നാണ് ഫയര് വണ് എം.ഐ- എഫ്.എക്സ് എന്ന ഫോണ് അവര് അവതരിപ്പിക്കുക.
ചെറിയ തുകയ്ക്ക് സ്മാര്ട്ട്ഫോണ് വേണമെന്നുള്ളവര്ക്ക് ഇവയെ ആശ്രയിക്കാവുന്നതാണ്. എന്നാല് മലയാളികള്ക്ക് ക്ലൗഡ് എഫ് എക്സിന്റെ വരവ് സന്തോഷം പകരാന് നിലവില് സാധ്യതയില്ല. ഓണ്ലൈന് ഷോപ്പിംഗ് സൈറ്റായ സ്നാപ്പ് ഡീല് കേരളത്തിലേക്കുള്ള സര്വ്വീസ് നിര്ത്തിവെച്ചതാണ് ഇതിനുകാരണം.
http://apps8.blogspot.in/
24/08/2014
ജിമെയിലും യൂട്യൂബും ഇനി കുട്ടികള്ക്കും
==============================
http://apps8.blogspot.in/
ജിമെയില്, യൂട്യൂബ് സേവനങ്ങള് ഇനി കുട്ടികള്ക്കും ലഭ്യമാക്കാന് ഗൂഗിളിന്റെ നീക്കമെന്ന് റിപ്പോര്ട്ട്. നിലവില് 13 വയസ്സില് താഴെയുള്ള കുട്ടികള്ക്ക് ഈ സേവനങ്ങള് ഉപയോഗിക്കാനാവില്ല.
മാതാപിതാക്കളുടെ നിയന്ത്രണത്തിലാകും 13 ല് താഴെ പ്രായമുള്ള കുട്ടികള്ക്ക് ജിമെയില്, യൂട്യൂബ് സേവനങ്ങള് ലഭ്യമാക്കുക. കുട്ടികള്ക്ക് സേവനങ്ങളിലേക്കുള്ള പ്രവേശനം പ്രത്യേക ഡാഷ്ബോര്ഡ് വഴി രക്ഷിതാക്കള്ക്ക് നിയന്ത്രിക്കാനാകും.
പ്രമുഖ ടെക് വെബ്സൈറ്റുകളും മാധ്യമങ്ങളും ഇക്കാര്യം റിപ്പോര്ട്ടു ചെയ്തിട്ടുണ്ടെങ്കിലും വാര്ത്ത സ്ഥിരീകരിക്കാന് ഗൂഗിള് തയ്യാറായിട്ടില്ല.
വളരെ ചെറിയ പ്രായത്തിലേ സ്മാര്ട്ട്ഫോണുകളും ടാബും ലാപ്ടോപ്പുമെല്ലാം ഉപയോഗിച്ച് വളര്ന്നുവരുന്ന പുതിയ തലമുറയ്ക്കും സേവനങ്ങള് ലഭ്യമാക്കേണ്ട ആവശ്യകത പരിഗണിച്ചാണ് ഗൂഗിളിന്റെ പുതിയ ഉദ്യമമെന്നാണ് വിലയിരുത്തല്.
നിലവില് പ്രായം കൂട്ടിക്കാണിച്ചും അജ്ഞാത അക്കൗണ്ടുകള് ഉപയോഗിച്ചും കുട്ടികള് ഗൂഗിള് സേവനങ്ങള് ഉപയോഗിക്കുന്നുണ്ട് എന്നത് മറ്റൊരു വസ്തുത.
24/08/2014
ആമസോണിന്റെ ത്രീഡി സ്മാര്ട്ട്ഫോണ് ജൂണ് 18ന് എത്തുമോ
=========================================
http://apps8.blogspot.in/
________________________________________________
ആമസോണിന്റെ ആവനാഴിയില് ഒരു സ്മാര്ട്ട്ഫോണ് ഒരുങ്ങുന്നതായും, പ്രത്യേക കണ്ണട ധരിക്കാതെ തന്നെ ത്രീഡി ദൃശ്യങ്ങള് കാണാന് കഴിയുന്ന സ്മാര്ട്ട്ഫോണ് ആയിരിക്കും അതെന്നും അഭ്യൂഹങ്ങള് പരക്കാന് തുടങ്ങിയിട്ട് നാളേറെയായി.
ഇതുവരെ കിന്ഡ്ല് പരമ്പരയിലുള്ള ഇ-റീഡറുകളും ടാബ്ലറ്റുകളും മാത്രമിറക്കിയിട്ടുള്ള ഓണ്ലൈന് റീട്ടെയ്ല് ഭീമനായ ആമസോണ്, അതിന്റെ സ്മാര്ട്ട്ഫോണ് ഈ ജൂണ് 18 ന് അവതരിപ്പിക്കുമോ എന്നതാണ് ടെക് രംഗത്താകെ ഇപ്പോഴത്തെ ചര്ച്ച.
ജൂണ് 18 ന് അമേരിക്കയിലെ സിയാറ്റിലില് നടക്കുന്ന ചടങ്ങിലേക്ക് ക്ഷണിച്ചുകൊണ്ട് ആമസോണ് പുറത്തിറക്കിയ വീഡിയോ ആണ് ചര്ച്ചകള്ക്ക് വഴിതെളിച്ചത്. വീഡിയോയില് പക്ഷേ, സ്മാര്ട്ട്ഫോണിനെക്കുറിച്ചോ ത്രീഡി സങ്കേതത്തെക്കുറിച്ചോ ഒരു സൂചനയും ഇല്ല.
കൈയിലുള്ള ഉപകരണത്തിലേക്ക് നോക്കുകയും, അത്ഭുതപ്പെടുകയും ചെയ്യുന്ന ആമസോണ് ഉപയോക്താക്കളാണ് വീഡിയോയില് ഉള്ളത്. വ്യത്യസ്ത കോണുകളിലേക്ക് തലതിരിച്ചുനോക്കി ആഹ്ലാദപൂര്വം അതിന്റെ ഫലം അവര് മനസിലാക്കുന്നു. ത്രീഡി ഡിസ്പ്ലെയാണ് പുതിയ ആമസോണ് ഉപകരണത്തിലുള്ളത് എന്നതിന്റെ സൂചനയാണിത്.
വീഡിയോയില് ആരും കൈ ഉപയോഗിക്കുന്നത് കാട്ടുന്നില്ല. തലയുടെ ചലനം മൂലം ഇടപഴകാനാകുന്ന ഇന്റര്ഫേസ് (സമ്പര്ക്കമുഖം) ആണ് ഉപകരണത്തിലേതെന്ന് ഇത് വ്യക്തമാക്കുന്നു.
ആമസോണിന്റെ സ്മാര്ട്ട്ഫോണില് ത്രീഡി ദൃശ്യങ്ങള് കാണാന് കഴിയുമെങ്കിലും, ഫോണുപയോഗിച്ച് ത്രീഡി ദൃശ്യങ്ങള് ഷൂട്ട് ചെയ്യാന് കഴിയില്ലെന്ന് റിപ്പോര്ട്ടുകള് പറയുന്നു.
ഏതാണ്ട് ഒരു വര്ഷംമുമ്പ് ബ്രിട്ടീഷ് കമ്പനിയായ 'ഇവി' ( Evi ) യെ 260 ലക്ഷം ഡോളറിന് ആമസോണ് ഏറ്റെടുത്തിരുന്നു. വോയ്സ് അസിസ്റ്റന്റ് ആപ്പ് സൃഷ്ടിക്കുന്ന കമ്പനിയാണത്. അതുപോലെതന്നെ ശബ്ദം തിരിച്ചറിയാന് കഴിയുന്ന സങ്കേതം വികസിപ്പിക്കുന്ന 'ഇവൊന സോഫ്റ്റ്വേറി'നെയും ആമസോണ് ഏറ്റെടുക്കുകയുണ്ടായി.
ആപ്പിള് ഐഫോണിലെ 'സിരി', വിന്ഡോസ് ഫോണിലെ 'കോര്ട്ടാന', ആന്ഡ്രോയ്ഡിലെ 'ഗൂഗിള് നൗ' തുടങ്ങിയവയെപ്പോലെ, ഒരു വോയ്സ് അസിസ്റ്റന്റ് ആമസോണും വികസിപ്പിക്കുന്നു എന്നതിന്റെ വ്യക്തമായ സൂചനയായിരുന്നു മേല്പ്പറഞ്ഞ ഏറ്റെടുക്കലുകള്.
നോക്കിയയുടെ ആന്ഡ്രോയ്ഡ് ഫോണിലേതുപോലെ, ആമസോണിന്റെ ഫോണിലും ആന്ഡ്രോയ്ഡിന്റെ ഒരു 'ഫോര്ക്ക്ഡ് വേര്ഷന്' ഉപയോഗിക്കാനാണ് സാധ്യതയെന്ന് റിപ്പോര്ട്ടുകള് പറയുന്നു.
Click here to claim your Sponsored Listing.
Category
Contact the business
Telephone
Website
Address
Wayanad
673591
