T T Ismail
Share
28/05/2026
എല്ലാവർക്കും ഹൃദയം നിറഞ്ഞ ബലി പെരുന്നാൾ ആശംസകൾ.
ഈദ് മുബാറക്!
പ്രിയപ്പെട്ട പ്രവാസി സുഹൃത്തുകൾക്ക് ബലി പെരുന്നാൾ ആശംസകൾ
26/05/2026
തൂണേരിയിലെ അസ്ലമിന്റെ ഉമ്മ സുബൈദയുടെ കഴിഞ്ഞ പത്ത് വർഷത്തെ കണ്ണീരിൽ കുതിർന്ന പ്രാർത്ഥനയ്ക്ക് മുന്നിൽ നീതിയുടെ വാതിലുകൾ തുറക്കപ്പെടുന്നു.
ഓർമയില്ലേ തൂണേരിയിലെ അസ്ലമിനെ ?
എങ്ങനെ മറക്കാനാണ്?
2016 ഓഗസ്റ്റ് 22നാണ് കുടുംബത്തിനും പ്രസ്ഥാനത്തിനും തീരാനോവായി മാറിയ ആ കൊലപാതകം നടക്കുന്നത്. തൂണേരി വെള്ളൂരിലെ പ്രിയപ്പെട്ട അസ്ലമിനെ ഇന്നോവയിലെത്തിയ സിപിഎം അക്രമിസംഘം 70 വെട്ടുകൾ വെട്ടി ക്രൂരമായി കൊലപ്പെടുത്തുകയായിരുന്നു.
പിണറായി ഭരണത്തിൽ നടന്ന കേസന്വേഷണത്തിൽ ഉന്നത സി പി എം നേതാക്കളുടെ ഇടപെടൽ മൂലം ഗൂഢാലോചന, ആസൂത്രണം എന്നിവയെ കുറിച്ച് കൃത്യമായ അന്വേഷണം നടത്താതെ കേസ് അവസാനിപ്പിക്കുകയായിരുന്നു. എന്നാൽ ഒരു മറവിക്കും വിട്ട് കൊടുക്കാതെ നമ്മൾ ഈ കേസിൻ്റെ പിറകെ തന്നെ ഉണ്ടാവുമെന്ന് അന്നേ ഉറപ്പിച്ചതാണ്. 10 വർഷത്തെ അനീതിയുടെ കാലം അവസാനിക്കുമ്പോൾ നീതി ലഭിക്കേണ്ടവരുടെ പട്ടികയിൽ അസ്ലമിൻ്റെ പേരും പ്രസ്ഥാനം എഴുതി ചേർത്തിരുന്നു.
പ്രസ്തുത വിഷയം പുതിയ സർക്കാരിൻ്റെ ശ്രദ്ധയിൽപ്പെടുത്തി പുനരന്വേഷണം നടത്തണമെന്ന ആവശ്യം ഉന്നയിക്കാൻ ഇന്ന് രാവിലെ തിരുവനന്തപുരത്ത് പാർട്ടി ലീഡറും വ്യവസായ വകുപ്പ് മന്ത്രിയുമായ പി കെ കുഞ്ഞാലിക്കുട്ടി സാഹിബിനെ സന്ദർശിച്ചു. അദ്ദേഹം ആഭ്യന്തര മന്ത്രിയെ നേരിട്ട് വിളിച്ചു കാര്യങ്ങൾ വിശദീകരിച്ചു.
തുടർന്ന് ഞങ്ങൾ പുനരന്വേഷണത്തിനുള്ള നിവേദനം ആഭ്യന്തര മന്ത്രി രമേശ് ചെന്നിത്തലക്ക് കൈമാറി. ഉടനടി തന്നെ തീരുമാനം വന്നു, SIT അന്വേഷണത്തിന് ആഭ്യന്തര മന്ത്രി ഉത്തരവിട്ടു.
നീതിപൂർവമായ അന്വേഷണം നടക്കട്ടെ, സത്യം പുറത്തു വരട്ടെ, യാഥാർത്ഥ പ്രതികൾ ശിക്ഷിക്കപ്പെടട്ടെ.
ടി പി കേസിൽ പബ്ലിക് പ്രോസിക്യൂട്ടർ ആയിരുന്ന അഡ്വ: പി കുമാരൻ കുട്ടിയെ തന്നെ ഈ കേസിലും സ്പെഷ്യൽ പബ്ലിക് പ്രോസിക്യൂട്ടറായി നിയമിച്ചു കിട്ടാൻ അസ്ലമിന്റെ ഉമ്മ തയ്യാറാക്കിയ അപേക്ഷയും നൽകിയിട്ടുണ്ട്.
നിയമസംവിധാനത്തിന്റെ ഇടനാഴികളിൽ ലവലേശം വിട്ടു വീഴ്ചയില്ലാതെ ജാഗ്രതയോടെ ഞങ്ങളുണ്ടാവും.
ജില്ലാ മുസ്ലിം ലീഗ് ട്രഷറർ സൂപ്പി നരിക്കാട്ടേരി, ശ്യാം സുന്ദർ, കെ പി സി തങ്ങൾ, തോടുവയിൽ മഹ്മൂദ്, സുഹൈബ് മഠത്തിൽ എന്നിവരും കൂടെയുണ്ടായിരുന്നു.
ടി ടി ഇസ്മായിൽ
06/05/2026
വിജയ മധുരം
പ്രിയപ്പെട്ട പ്രസിഡന്റ് ഇനി കുന്ദമംഗലത്തിന്റെ ജനപ്രതിനിധിയാണ്.
എം എ റസാഖ് മാസ്റ്റർ എം എൽ എ.
ഇന്നലെ ജില്ലാ ലീഗ് ഭാരവാഹി യോഗത്തിന് ശേഷം പ്രിയപ്പെട്ട സഹപ്രവർത്തകർക്കൊപ്പം.....
MA Razak Master
Indian Union Muslim League Kozhikode District Committee
