Labhu Variya

સુરતની લાજપોર જેલ ફરી એકવાર ચર્ચામાં આવી છે

બળાત્કારના ગુનામાં પાકા કામના કેદી તરીકે સજા ભોગવતા વિવાદાસ્પદ ધર્મગુરૂ નારાયણ સાંઈની બેરેકમાંથી એક મોબાઈલ ફોન મળી આવ્યો

જેલ તંત્ર દ્વારા તાત્કાલિક કાર્યવાહી કરીને સચિન પોલીસ સ્ટેશનમાં નારાયણ સાંઈ વિરૂદ્ધ ફરિયાદ નોંધવામાં આવી

જેને પગલે પોલીસે ગુનો નોંધી વધુ તપાસ શરૂ કરી

લાજપોર જેલ પ્રશાસન દ્વારા સરપ્રાઇઝ ચેકિંગ શરૂ કરવામાં આવ્યું હતું

ઇન્ચાર્જ જેલર દીપક ભાભોરને બાતમી મળી હતી કે, પાકા કામના કેદી નારાયણ સાંઈ પાસે મોબાઈલ ફોન છે

બાતમીના આધારે જેલની ઝડતી સ્કવોર્ડ નારાયણ સાંઈના સેપરેટ સેલની તપાસ કરી

ખોલી નંબર 1માં તપાસ હાથ ધરી હતી ત્યારે મોબાઈલ મળ્યો

જેલના લોખંડના દરવાજા પાછળ ચુંબક વડે એક મોબાઈલ ફોન ચોંટાડેલો મળી આવ્યો હતો

એટલું જ નહીં તેની પાસેના થેલામાંથી Jio કંપનીનું એક સીમકાર્ડ પણ મળી આવ્યું હતું

નારાયણ સાંઈ ફોન પર વાતચીત કર્યા બાદ ફોનમાંથી બેટરી અને સિમકાર્ડ કાઢી લેતો હતો

સિમકાર્ડ તે પોતાની પાસે રાખતો હતો, જ્યારે બેટરી તે સુરક્ષા માટે સંત્રીરૂમમાં છુપાવી દેતો હતો

ઝડતી દરમિયાન સિપાઈએ સંત્રીરૂમના દરવાજાના અંદરના ભાગે આવેલા નકુચા પાસેથી આ છુપાવેલી બેટરી કબજે કરી હતી

છેલ્લા 11 મહિનામાં લાજપોર જેલમાંથી 12થી વધુ મોબાઇલ ફોન મળી આવ્યાની પોલીસ ફરિયાદ થઈ