PD Subheesh

പെണ്ണുങ്ങൾ കൊട്ടി കയറി അതിരില്ലാത്ത ആകാശത്തേക്ക് ... 🥳🥳

മുതുതല പഞ്ചായത്ത്‌ വനിതാ ചെണ്ട മേള സംഘം '' ശ്രീലയം" ഇന്നലെ അരങ്ങേറ്റം കുറിച്ചു .

വനിതാ കൂട്ടായ്മയിൽ എന്ത് ചെയ്യും എന്ന ആലോചന ചെന്നെത്തിയ ആശയം ആയിരുന്നു നമുക്ക് പഞ്ചായത്തിൽ ഒരു വനിതാ വാദ്യമേള ഗ്രൂപ്പ് തുടങ്ങിയാലോ എന്ന് !..!...!..

ആ സ്വപ്നത്തിന് ചിറകു നൽകാൻ പഞ്ചായത്തും മുതുതല യിലെ മുഴുവൻ ജനങ്ങളും ഒരുമിച്ചു കൈ കോർത്തു . 🫂🫂🫂

വളയിട്ട കൈകളിൽ താളം പഠിപ്പിക്കാൻ മുളയങ്കാവ് അരവിന്ദാക്ഷൻ ആശാനും ചേർന്നതോടെ
ജനപ്രതിനിധികളും കുടുംബശ്രീ പ്രവർത്തകരും അടങ്ങിയ ടീമിന് ജീവൻ വെച്ചു . ☺️☺️☺️

ശ്രീനിയേട്ടന്റെ വീട്ടിൽ വെച്ചു പരിശീലനം
6മാസത്തെ കഠിന പ്രയത്നത്തിൻ ഒടുവിൽ മുതുതല അയ്യപ്പൻ കാവിൽ വെച്ചു ഇന്നലെ അരങ്ങേറ്റം . 💃🏼💃🏼💃🏼💃🏼

സ്ത്രീകളുടെ സ്വപ്നങ്ങൾക്ക് വിലങ്ങിടുന്നവർക്ക്‌ ഉള്ള മറുപടി ആയി ഈ അരങ്ങേറ്റം
സാക്ഷിയാവാൻ വന്ന സദസ് മുതുതലയുടെ സഹോദര്യവും, ജനാധിപത്യബോധവും ഒന്ന് കൂടി അരക്കിട്ടുറപ്പിക്കുന്നതായി 🥰🥰

ടീം ശ്രീലയം,....
കൊട്ടി കയറുക.....
അതിരുകളില്ലാത്ത ആകാശത്തേക്ക് .....
സ്ത്രീകൾക്ക് അതിരുകൾ നിശ്ചയിക്കുന്നവരുടെ ഹൃദയങ്ങളിലേക്ക് കൂടെ..............

#ഞങ്ങള് 2021 നിയമസഭാ ഇലക്ഷന് വോട്ട് ചെയ്ത കേരളത്തിൻ്റെ മഹാഭൂരിഭാഗം ഇഷ്ടപ്പെടുന്നത് ഈ ശൈലിയാണ്... അതിൻ്റെ ഒരു ഉദാഹരണം മാത്രം.
ഒപ്പം ചാണ്ടിസാറിൻ്റെ ശൈലിയുമായി ചെറിയൊരു താരതമ്യം.

ചിത്രത്തിൽ ആദ്യം കാണുന്നത്‌ പുതുപ്പള്ളി സെന്റ്‌ ജോർജ്ജ്‌ ഗവ: ഹൈസ്കൂൾ ആണ്‌. സാക്ഷാൽ ഉമ്മൻ ചാണ്ടി സാർ പഠിച്ച സ്കൂൾ.1917 ൽ ആണ്‌ ഈ സ്കൂൾ നിലവിൽ വന്നത്‌. ഈ സ്കൂളിലാണ്‌ അദ്ദേഹം പഠിച്ചത്‌. 1971 മുതൽ മരണം വരെ ശ്രീ ഉമ്മൻ ചാണ്ടി പുതുപ്പള്ളിയിൽ നിന്നുള്ള എം എൽ എ ആണ്‌. ഇതിനിടയിൽ മന്ത്രിയായി, രണ്ട്‌ തവണ മുഖ്യമന്ത്രി ആയി. യു ഡി എഫിന്റെ ഏറ്റവും ഉയർന്ന നേതാവായി. ശ്രീ ഉമ്മൻ ചാണ്ടിയ്ക്ക്‌ ഒരുപാട് മാറ്റങ്ങൾ ഉണ്ടായി സ്കൂൾ മാത്രം മാറാതെ നിന്നു. 2016 ൽ ശ്രീ ഉമ്മൻ ചാണ്ടി അധികാരം ഒഴിയുമ്പോഴും സ്കൂൾ അങ്ങനെ തന്നെ നിന്നു. തുടർന്ന് സ:പിണറായി വിജയൻ സർക്കാർ അധികാരമേറി.

മാറ്റം അവിടെ ആരംഭിച്ചു. ആ മാറ്റമാണ്‌ താഴെ കാണുന്ന ചിത്രം. കിഫ്ബിയുടെ സഹായത്തോടെ കേരളമെമ്പാടും നടന്ന ആ മാറ്റത്തിൽ പുതുപ്പള്ളിയും മാറി.
ഒപ്പം ശ്രീ ഉമ്മൻ ചാണ്ടി പഠിച്ച സെന്റ്‌ ജോർജ്ജ്‌ ഗവ: ഹൈസ്കൂളും.
ലളിതമായി പറഞ്ഞാൽ ശ്രീ ഉമ്മൻ ചാണ്ടി പഠിച്ച സ്കൂൾ പോലും നേരെയാക്കാൻ സ:പിണറായി വിജയൻ സർക്കാര് വേണ്ടി വന്നു എന്നതാണ്‌ യാഥാർത്ഥ്യം. കിഫ്ബി ഫണ്ട്‌ അഞ്ച്‌ കോടി രൂപ മുടക്കി സ്കൂൾ പുതുക്കി പണിതു. പുതിയ്‌ ക്ലാസ്‌ മുറികൾ, പുതിയ അന്തരീക്ഷം. ആകെ മാറി.

1917 ൽ ആരംഭിച്ച ആ സ്കൂളിലേയ്ക്ക്‌ പിന്നീട്‌ കുട്ടികൾ അധികമായി വന്ന് ചേരാൻ തുടങ്ങി സ്കൂൾ വന്ന് അതിൽ പകുതിയിലേറെക്കാലം ആ മണ്ഡലത്തിന്റെ ജനപ്രതിനിധി ആയിരുന്നു ചാണ്ടി സാർ.

ആൾക്കൂട്ടത്തിൽ അലിഞ്ഞ്‌ ചേരുന്നയാളായിരുന്നു ശ്രീ ഉമ്മൻ ചാണ്ടിയെന്നാണ്‌ മറ്റൊരു വിശേഷണം. തീർച്ചയായും അദ്ദേഹം എപ്പോഴും ആൾക്കൂട്ടത്തിനൊപ്പം ആയിരുന്നു ആരായിരുന്നു ആ ആൾക്കുട്ടം തന്റെ അനുയായി വൃന്ദം. കാര്യം കാണാൻ വരുന്നവർ. ആവലാതി ബോധിപ്പിക്കാൻ വരുന്നവർ. ആദ്യത്തെ രണ്ട്‌ കൂട്ടരെ മാറ്റി നിർത്തിയാൽ കിടപ്പ്‌ രോഗിയേയും ‌ തൂക്കിപ്പിടിച്ച്‌ ആവലാതിക്കാരൻ നേരിട്ട് ചെന്നാൽ എക്സറേ പരിശോധിച്ച്‌ ശ്രീ ഉമ്മൻ ചാണ്ടി സാർ നേരിട്ട്‌ നൽകേണ്ടതാണോ അവന്‌ അർഹതപ്പെട്ട സഹായം.?

അന്ന് അങ്ങനെ പൊരിവെയിലത്ത്‌ കാത്ത്‌ കിടന്ന് ലഭിച്ച ഇരുപത്തി അയ്യായിരത്തിന്റെ സ്ഥാനത്ത്‌ ഇന്ന് വീടിനടുത്തുള്ള അക്ഷയ സെന്ററിൽ പോയി അപേക്ഷ നൽകിയാൽ പരിശോധനകൾക്ക്‌ ശേഷം അയാളുടെ അക്കൗണ്ടിൽ എത്തും ഒരു ലക്ഷം രൂപ. ആദ്യത്തേതിന്റെ അർത്ഥം ദയ എന്നാണെങ്കിൽ, രണ്ടാമത്തെതിന്റെ പേര്‌ അർഹത എന്നാണ്‌. കൈയ്യടി പക്ഷെ യാചിച്ച്‌ കിട്ടുന്ന ദയയ്ക്ക്‌ ആണ്‌.

രണ്ട്‌ പ്രളയവും കോവിഡും തകർത്ത കേരളം. പഴയതിനെക്കാൾ ഭംഗിയയോടെ പുനർ നിർമ്മിച്ച ഈ ഏഴ്‌ വർഷങ്ങൾ ഭരണത്തിൽ ശ്രീ ഉമ്മൻ ചാണ്ടി യുടെ ശൈലി ആയിരുന്നെങ്കിൽ എന്താകുമായിരുന്ന് എന്ന് ആലോചിച്ച്‌ നോക്കുക. ഭരണമെന്നത്‌ ജനസമ്പർക്കം നടത്തി ദയാവായ്പ്പ്‌ നൽകുന്നതാണെന്ന് വിശ്വസിക്കുന്നവരോട്‌ ഒന്നും പറയാനില്ല. അല്ലാത്തവർക്ക്‌ തിരിയാൻ ഈ സ്കൂൾ ചിത്രം മാത്രം മതി.

അടിസ്ഥാന സൗകര്യ വികസനത്തിൽ മിനിമം ഇരുപത്തഞ്ച്‌ വർഷം പിന്നോക്കമായിരുന്ന കേരളം ഇന്ന് കാണുന്ന കേരളമാക്കി മാറ്റിയത്‌ ഗിമിക്ക്‌ കാണിച്ചല്ല,
അഡ്മിനിസ്ട്രേഷൻ ക്യത്യമായി കൈകാര്യം ചെയ്താണ്‌. റോഡും സ്കൂളും പാലവും പൊതുവിതരണവും ആരോഗ്യ രംഗവും തുടങ്ങി ഏകദേശം എല്ലാ രംഗത്തും കേരളം ഏഴ്‌ വർഷങ്ങൾ കൊണ്ട്‌ ഒന്നാമതായി. മൂന്ന് മൂട്‌ റബ്ബർ ശിഖരം മുറിയ്ക്കാൻ മടിച്ച്‌ മാറ്റി വെച്ച കൊച്ചി ഇടമൺ പവർ ഹൈവേ മുതൽ ദേശീയ പാത വരെ അത്‌ നീളുന്നു. അതറിയണമെങ്കിൽ ചുറ്റും ഒന്ന് കണ്ണോടിച്ചാൽ മതിയാകും. മാറ്റം എന്തെന്ന് കണ്ണിൽ കാണാം. മനോരമയുടെ ഫോട്ടോയിൽ പക്ഷെ അത്‌ കാണില്ല എന്ന് മാത്രം.

എന്തായാലും സെക്രട്ടറിയേറ്റും ശ്രീപത്മാഭ സ്വാമി ക്ഷേത്രവും ഒഴികെ ബാക്കിയെല്ലാം മാപ്രകൾ ശ്രീ ഉമ്മൻ ചാണ്ടിയ്ക്ക്‌ പതിച്ച്‌ നൽകി കഴിഞ്ഞു. മറ്റ്‌ നിവ്യത്തിയില്ലാത്തത്‌ കൊണ്ടാണ്‌ അല്ലങ്കിൽ അതും നൽകിയേനെ.!