Divine Rays Spiritual Energy Healing

||नम:शिवाय||

एकदा एक साप सुतारकामाच्या वर्कशॉप मध्ये पोचला. वळवळत जात असताना तो एका करवतीला घासून गेला आणि त्यामुळे त्याला किंचितशी जखम झाली, झटकन तो वळला आणि त्याने करवतीचा चावा घेतला त्याबरोबर त्याच्या दातानां आणि तोंडाला चांगलीच इजा झाली. मग काय झाले आहे ते न समजावून न घेता त्याने असा समज करून घेतला की, त्या करवतीने माझ्यावर हल्ला केला, मग त्याने असे ठरवले की, त्या करवतीला घट्ट विळखा घालायचा आणि सर्व ताकद लावून तिचा श्वास बंद पडायचा पण असे करताना सापालाच प्रचंड जखमा झाल्या आणि तो विव्हळत मरण पावला....
कित्येकदा #रागाच्या भरात आपण काही विचार न करता अपशब्द वापरून व्यक्त होतो आणि ज्यांनी आपल्याला इजा पोचवली आहे अशांना दुखावतो, पण शेवटी असे लक्षात येते की, आपण स्वतःलाच आणखी इजा करून घेतली आहे.
आयुष्यात कधीकधी- परिस्थिती, माणसे, त्यांचे वागणे, त्यांचे बोलणे यासगळ्यांकडे दुर्लक्ष करणेच योग्य ठरते. काही वेळा प्रतिक्रिया व्यक्त न करणें हेच अधिक योग्य ठरते कारण त्यामुळे नंतरच्या घातक आणि भयंकर परिणामांचा त्रास सहन करावा लागत नाही.
त्यामुळे कधीही चिडचिड-राग-ईर्षा-द्वेषाने आयुष्याचा ताबा न घेतलेला बरा.

||नम:शिवाय||
||जय शंकर||

Improving your SPIRITUAL health may not cure an illness, but it may help you feel better.