KL63 News

റോജി എം ജോൺ ഇന്ന് രാവിലെ 11 മണിക്ക് നാമനിർദ്ദേശപത്രിക സമർപ്പിക്കുന്നു.

അങ്കമാലി:യു.ഡി.എഫ് അങ്കമാലി നിയോജകമണ്ഡലം സ്ഥാനാർത്ഥി റോജി എം ജോൺ ഇന്ന് (21 മാർച്ച് 2026) രാവിലെ 11 മണിക്ക് ആലുവ എ.ആർ.ഒ യുടെ മുമ്പാകെ നാമനിർദ്ദേശ പത്രിക സമർപ്പിക്കുന്നു.

കെ കെ താരുകുട്ടിയുടെ സ്മരണ പുതുക്കി

അങ്കമാലി: ദീർഘകാലം സി പി ഐ എം ബ്രാഞ്ച് സെക്രട്ടറി, കർഷക സംഘം വില്ലേജ് പ്രസിഡന്റ്, കനിവ് പെയിൻ ആന്റ് പാലിയേറ്റീവ് മുനിസിപ്പൽ പ്രസിഡന്റ്, സിയൽ ടാക്സി ഓപ്പറേറ്റീവ് - കോ-ഓപ്പറേറ്റീവ് സൊസൈറ്റി ഡയറക്ടർ അങ്കമാലി നഗരസഭ പതിനേഴാം വാർഡ് വികസന സമിതി ചെയർമാൻ, നായത്തോട് നവയുഗ കലാസമിതി രക്ഷാധികാരി എന്നീ നിലകളിൽ പ്രവർത്തിച്ച സഖാവ്. കെ കെ താരുകുട്ടിയുടെ മുന്നാം ചരമവാർഷികം. സി പി ഐ എം നേതൃത്വത്തിൽ നായത്തോട് സ്കൂൾ ജംഗ്ഷനിൽ സംഘടിപ്പിച്ചു. അനുസ്മരണ സമ്മേളനം സി ഐ ടി യു മുൻ ജില്ലാ സെക്രട്ടറി കെ എ ചാക്കോച്ചൻ ഉദ്ഘാടനം ചെയ്ത് പതാക ഉയർത്തി മുൻ നഗരസഭ ചെയർമാൻ കെ കുട്ടപ്പൻ അധ്യക്ഷത വഹിച്ചു. അങ്കമാലി സൗത്ത് ലോക്കൽ സെക്രട്ടറി ടി വൈ ഏല്യാസ് മുൻ ലോക്കൽ സെക്രട്ടറി ടിവി ശ്യാമുവൽ, ജില്ലാ ലൈബ്രറി കൗൺസിൽ ജോ സെക്രട്ടറി രതീഷ് കുമാർ കെ മാണിക്യമംഗലം,പുരോഗമന കലാസാഹിത്യ സംഘം ജില്ലാ ജോ. സെക്രട്ടറി ഷാജിയോഹന്നാൻ സഹകരണബാങ്ക് പ്രസിഡൻ്റ് ടി ജി ബേബി, നഗരസഭ കൗൺസിലർ ലതിക രാജൻ ലോക്കൽ കമ്മിറ്റി അംഗങ്ങളായ കെ ആർ കുമാരൻ മാസ്റ്റ്ർ ജിജോ ഗർവ്വാസീസ് വിനീതദിലീപ്, ബ്രാഞ്ച് സെക്രട്ടറി എം എൻ വിശ്വനാഥൻ എന്നിവർ സംസാരിച്ചു.

കാപ്പ ചുമത്തി നാട് കടത്തി.

നിരന്തര കുറ്റാവാളിയെ കാപ്പ ചുമത്തി നാട് കടത്തി. ഘണ്ടാകർണ്ണൻ വെളി കരയിൽ ചെത്തിക്കാട് ഭാഗത്ത് വാടകക്ക് താമസിക്കുന്ന ഏലൂർ എഫ്.എ.സി.ടി മാര്ഴക്കറ്റിന് പുറകുവശം, തായങ്കരി അലൻ മോറിസ് (27) നെയാണ് കാപ്പ ചുമത്തി ആറ് മാസത്തേക്ക് നാട് കടത്തിയത്. എറണാകുളം റൂറൽ ജില്ല പോലീസ് മേധാവിയുടെ റിപ്പോർട്ടിൻ്റെ അടിസ്ഥാനത്തിൽ എറണാകുളം റേഞ്ച് ഡി.ഐ.ജി ഡോ, അരുൾ ആർ.ബി കൃഷ്ണയാണ് ഉത്തരവിട്ടത്. കഴിഞ്ഞ 5 വർഷത്തിനുള്ളിൽ വധശ്രമം, കഠിന ദേഹോപദ്രവം, തട്ടിക്കൊണ്ട് പോകൽ, ഭീഷണിപ്പെടുത്തല്ഴ തുടങ്ങി നിരവധി കുറ്റകൃത്യങ്ങളിൽ ഉൾപ്പെട്ടയാളാണ്. കഴിഞ്ഞ ജൂലായിൽ നോർത്ത് പറവൂർ പോലീസ് രജിസ്റ്റർ ചെയ്ത വധശ്രമ കേസിെ പ്രതിയായതിനെ തുടർന്നാണ് നടപടി.

മദ്യ ലഹരി വിരുദ്ധ ഞായർ ആചരണം

അങ്കമാലി: കെ സി ബി സി മദ്യ- ലഹരി വിരുദ്ധ സമിതി എറണാകുളം - അങ്കമാലി മേജർ അതിരൂപത തല മദ്യ- ലഹരി വിരുദ്ധ
ഞായർ ആചരണം കറുകുറ്റി സെൻറ് സേവ്യഴേസ് ഫൊറോന പള്ളിയിൽ നടക്കും.
കേരള കത്തോലിക്ക സഭ മദ്യ- ലഹരി വിരുദ്ധ
ഞായർ ആചരിക്കുന്ന മാർച്ച് എട്ടിന് എറണാകുളം - അങ്കമാലി മേജർ അതിരൂപത കെ സി ബി സി മദ്യ- ലഹരി വിരുദ്ധ സമിതി വിപുലമായ പരിപാടികളോടെ ആചരിക്കും.
രാവിലെ പത്തിന് ഫൊറോന പള്ളിയിൽ നടക്കുന്ന സമ്മേളനം വികാരി ഫാ. മാത്യു കോനാട്ടുകുഴി ഉദ്ഘാടനം ചെയ്യും.
അതിരൂപത പ്രസിഡൻറ് കെ.എ പൗലോസ് അധ്യക്ഷത വഹിക്കും. അതിരൂപത ഡയറക്ടർ ഫാ.ടോണി കോട്ടയ്ക്കൽ മദ്യവിരുദ്ധഞായർ സന്ദേശം നൽകും.
അന്നേ ദിവസം രൂപതയുടെ കീഴിൽ വരുന്ന എല്ലാ ഇടവക പള്ളികളിലും ദിവ്യബലിയർപ്പിക്കുന്ന എല്ലാ സ്ഥാപനങ്ങളിലും കുർബാന മദ്ധ്യേ കേരള കത്തോലിക്ക സഭയുടെ സർക്കുലർ വായിക്കുമെന്ന് ജനറൽ സെക്രട്ടറി ഷൈബി പാപ്പച്ചൻ അറിയിച്ചു. എക്സെസ് റേഞ്ച് ഓഫീസർ സി. എ സിദ്ധിഖ് ബോധവൽക്കരണ ക്ലാസ് നയിക്കും
ആനിമേറ്റർ സിസ്റ്റർ മരിയൂസ, മധ്യമേഖല സെക്രട്ടറി ചെറിയാൻ മുണ്ടാടൻ, അതിരൂപത -ഫൊറോന ഭാരവാഹികളായ ജോസ് പടയാട്ടി, ചാക്കോച്ചൻ കരുമത്തി , ബെന്നി പൈനാടത്ത് എന്നിവർ പ്രസംഗിക്കും.
സർക്കുലർ വായന, മദ്യ- ലഹരി വിരുദ്ധ
സന്ദേശം, ബോധവൽക്കരണ ക്ലാസ്, ലഹരി വിരുദ്ധ പ്രതിജ്ഞ, ലഹരി വിമോചന ദീപം തെളിയിക്കൽ ബോധവൽക്കരണ കലാപരിപാടികൾ എന്നിവ ഉണ്ടായിരിക്കും.

വിദ്യാർഥിനിയുടെ അപകടമരണം:
പ്രതി പിടിയിൽ.

അങ്കമാലി: കോളേജ് വിദ്യാർത്ഥിയായ ജസ്‌ലിയയുടെ അപകട മരണം. പ്രതി ഡോക്ടർ സിറിയക്ക് വാഗമണ്ണിൽ നിന്നും പിടിയിലായി. അപകടം നടന്ന ഏഴു ദിവസങ്ങൾക്ക് ശേഷമാണ് പ്രതി പിടിയിലാകുന്നത്..പ്രതിയെ ഒളിവിൽ കഴിയാൻ സഹായിച്ചു എന്ന് കുറ്റത്തിന് പിതാവ് ജോർജ് അങ്കമാലി പോലീസിന്റെ പിടിയിലായിരുന്നു.ഇയാളിൽ നിന്നും ലഭിച്ച വിവരത്തിന്റെ അടിസ്ഥാനത്തിൽ നടത്തിയ തിരച്ചിലിലാണ് വാഗമണ്ണിൽ നിന്നും പോലീസ് സംഘം പ്രതിയെ പിടികൂടിയത്