PKVM Vidyavinodini Library

വിദ്യാവിനോദിനിയിൽ രചനാക്യാമ്പ് സംഘടിപ്പിച്ചു

അശോകപുരം പി.കെ. വേലായുധൻ മെമ്മോറിയൽ വിദ്യാവിനോദിനി ലൈബ്രറിയുടേയും, ബാലവേദിയുടേയും സംയുക്ത ആഭിമുഖ്യത്തിലുള്ള വായനാകളരിയുടെ ഭാഗമായി രചനാക്യാമ്പ് - കഥ, കവിത, സർഗസൃഷ്ടി പരിപാടി സംഘടിപ്പിച്ചു. കീഴ്മാട് പഞ്ചായത്ത് ലൈബ്രറി നേതൃ സമിതി കൺവീനർ കെ.എ. ഷാജിമോൻ പരിപാടിയുടെ ഉദ്ഘാടനം നിർവ്വഹിക്കുകയും, ക്യാമ്പ് നയിക്കുകയും ചെയ്തു. കുട്ടികൾ നിയന്ത്രിച്ച ചടങ്ങിൽ കുമാരി ദേവ നന്ദ അദ്ധ്യക്ഷത വഹിക്കുകയും ഫർഹാൻ യൂസഫ് സ്വാഗതമോതുകയും കുമാരി ശ്രേയ നന്ദി പറയുകയും ചെയ്തു.

പ്രോഗ്രാം മെൻ്റർ എ.എം അശോകൻ, ബാലവേദി കൺവീനർ ടി. എ.സിന്ധു, എന്നിവർ ആശംസകൾ നേർന്ന് സംസാരിച്ചു.
ക്യാമ്പിൻ്റെ ഭാഗമായി രചിച്ച കഥകളും, കവിതകളും ഇതോടനുബന്ധിച്ച് തയ്യാറാക്കുന്ന കയ്യെഴുത്ത് മാസികയിൽ പ്രകാശിപ്പിക്കും