DevGro

सेनापती बापट साहित्य संमेलन २०२५

विकास दिव्यकीर्ती : एक सुप्रसिद्ध शिक्षक..

नोकरी सोडलेले माजी नागरी सेवक, शिक्षक, लेखक आणि व्याख्याते, “टेंथ फेल” सिनेमातले साईड हिरो आहेत. दिल्ली येथील यूपीएससी कोचिंग संस्था दृष्टी आयएएस इन्स्टिट्यूटचे ते संस्थापक प्रमुख आहेत..

होय, ही त्यांची ओळख आहे. कागदोपत्री. कारण आपल्याकडे अगोदर कागदोपत्री ओळख चेक होते आणि मग नंतर त्याची योग्यता. आताही फेसबुक-इंस्टासह युट्यूबवरही विकास दिव्यकीर्ती हे नाव ट्रेंडमध्ये आहे. कारण, अगदी साध्या आणि सोप्या भाषेत एखाद्या विषयाबद्दल माहिती देण्याची त्यांची खासियत.

सध्या देशभरात व्याख्याते आणि वक्ते यांचाच बोलबाला आहे. तसा एकूण इतिहासातही त्यांचीच चलती होती आणि भविष्यात पण असेल. कारण कृतीपेक्षा उक्तीला महत्व देणाऱ्यांच्या भारतात आपण आहोत. पण विकास दिव्यकीर्ती यास अपवाद. उक्तीला कृतीची जोड देणारे हे एक समजूतदार शिक्षक. अर्थात मला काही त्यांचे सर्व मुद्दे पटले असे नाही. परंतु, एखाद्या विषयाची लॉजिकल मांडणी कशी करायची याचा वस्तुपाठ त्यांनी घालून दिला आहे.

अगदी ४-६ तासांचा त्यांचा व्हिडिओ पण आम्ही त्यांचे फॉलोअर सहजपणे ऐकतो. त्यावर चिंतन करतो. काहीतरी नवीन ज्ञानात यातूनच भर पडते. आताही त्यांचा नवीन व्हिडिओ आला की ऐकायला आसुसलेले असे या देशात लाखो आहेत. अर्थात काहींना फक्त त्यांच्या रिल्सवर समाधान मानण्याची सवय झाली. अशाच मंडळींनी त्यांचे असे यूट्यूब व्हिडिओ ऐकावेत असे आवाहन म्हणून हे लेखन. बाकी काही नाही.

दिव्यकृती असेच त्यांचे नाव असावे असे कार्यही वाटते. त्यामुळे आपणही त्यांचे व्हिडिओ ऐकावेत आणि आपल्या माहिती व ज्ञानात भर टाकून घ्यावी. इतकेच..
Dr. Vikas Divyakirti Drishti IAS .vikas