Firnas Group

غمرتني سعادة لا توصف وفخر كبير باختياري كضيفة شرف في الحدث الأكبر والأضخم الذي شهده قصر النخيل في مدينة أريحا. لقد كانت ليلة استثنائية بكل تفاصيلها، جمعت بين عراقة المكان وفخامة التنظيم. ممتنة جداً لهذه الدعوة الكريمة، ولحفاوة الاستقبال التي أعتز بها، وشكراً لكل القائمين على هذا الحدث المبهر الذي سيبقى محفوراً في الذاكرة كواحد من أجمل المحطات.

مع قرب نهاية السنة الدراسية وتجهيزات التخرج، في كلمة بقلبي لكل أب وأم..

الشهادة ورقة مهمة، هاد واقع ما بننكره، بس الشغف هو اللي بيصنع الفرق بالعمر كله. لما نسمح لأولادنا يختاروا الطريق اللي بيحبه قلبهن، عم نعطيهن أول مفتاح للنجاح الحقيقي، وعم نزرع فيهن ثقة ما بتهزها الأيام.

أنا لما اخترت أكون بهذا المجال، واجهت كتير معارضات.. سمعت جمل مثل: "ليش ما تصيري دكتورة؟" أو "المهندسة برستيجها أعلى" (مع كل الاحترام لكل المهن طبعاً)، بس كان عندي يقين إنّي شايفة حالي بمكان تاني تماماً. كان شغفي هو المحرك، وحبي للتفاصيل هو اللي رسم طريقي من زمان.

واليوم، وأنا عم بشوف ثمار هذا التعب بكل خطوة نجاح، بقول لكل أب وأم:
آمنوا بقلوب أولادكن وبمواهبهن. الشهادة بتفتح باب، بس الحب للمهنة هو اللي بيبني مستقبل ماله حدود. النجاح مش بلقب بنحطه قبل اسمنا، النجاح هو إننا نترك أثر حقيقي بمجال بنعشقه.

مبروك لكل الخريجين، وبالتوفيق باختياراتكن اللي بتشبهكن.