RGB Magazine

ვოლტერ ბრეკერი (Walter Breker) 1964
მინიმალისტური ტიპოგრაფიითა და მასშტაბური ფიგურით შექმნილი დიზაინი წარმოადგენს გერმანული მოდერნიზმის ძლიერ მაგალითს. ის აერთიანებს სტრუქტურასა და ვიზუალურ სიმბოლიზმს, რისი მეშვეობითად პოსტერი ეპოქის განმსაზღვრელ მაგალითადაა ქცეული.

მოდერნისტულ-მინიმალისტურ დიზაინს თავდაპირველად 1960-იანი წლების შვეიცარიაში ჩაეყარა საფუძველი.
ფართომასშტაბიანი ახალი სტილი სხვადასხვა გზით გამოიყენებოდა - საკვების შეფუთვიდან და ჟურნაილის ყდის დიზაინიდან დაწყებული, აეროპორტის სანიშნე სისტემით დამთავრებული. მინიმალისტური მიდგომა სწრაფად გავრცელდა მსოფლიოში და მალევე საერთაშორისო სტილის სახელი დაიმკვიდრა.
დიზაინერებმა, მათ შორის პოლ რენდმა, ოტლ აიხერმა, ჰენრიონმა და იუსაკუ კამეკურამ, მნიშვნელოვანი როლი ითამაშეს დიზაინის ახალ ეპოქაში.
ჯაზის, პოპისა და როკის მუსიკალურ ფონზე შეიქმნა მრავალი ახალი ვიზუალი, რომელიც დასავლურ სუბკულტურაში დაიწყო, თუმცა სწაფად მოიპოვა გზა მსოფლიო ასპარეზზე.