Brigade Rouge - London

تفرجت شوط بتعليق الشوالي ومن بعد بدلت للفرنسيس ما عادش نجم نستحمل. يا معلم كانك معانا لنا راك من سنوات وانت مشلق على روحك. تغزر لوجوه ملاعبية المنتخب وتفرق في التعليق. والفازتين الي عملتهم راهم ما يجيوش مع كشريدة ("تي فيق يا وجدي تي فيق" وزيد بton خايب) ومع بن سليمان ("اكبس يا أنيس اكبس" وزيد بton خايب). كشريدة دون المستوى للماتش الثاني على التوالي ولكن غيرو عمل كوارث اكثر من كشريدة ومع ذلك ديما تمسح عليه في التعليق. وبن سليمان هو والعابدي طايرين البارح ومع ذلك وفي اول كرة خسرها ما رحمتوش وبالرغم الي غيرو خاسر كور اكثر ملي رابح وانت قريب تردهولنا ميسي. وخلي عاد من هاك الضربة المقصية المجانية المزرفة في الحديث الي عطيطها للسخيري ومعلول وتزيد ترسخ عند الجمهور في فكرة الي هوما في المنتخب مردودهم موش كيما في جمعياتهم ومتأكد كان عندهم ألوان نادي آخر راك تهلل وتمجد فيهم. وزيد يزينا من دخل فلان وخرج فلان لاك مدرب ولاك تراني فيهم باش تعرف شكون حاضر. ونحيلنا ألعبلو عالليمين وزيد منا وزيد من غادي ماهمش يسمعو فيك وماكش لاعب كورة وتفهملها شنوة لازمو يعمل الملاعبي.
وللأسف الجمهور الي يتبع في المنتخب في اغلبيتو جمهور متاع نوادي وماهوش جمهور متاع منتخب والاعلام الرياضي كيف كيف وزاد رسخ الخور هذا في الجمهور (على فكرة المعلقين الفرنسيس نطقو البارح وانتقدو الجمهور كونو لابسين مراول اندية وهذا للأسف بدعة تونسية ركيكة وڨعرة لا مثيل لها في جماهير المنتخبات في العالم... ورغم هذا لا تلقى النقد من الاعلام لانهم اعلام نوادي.... وكلو مربوط ببعضو القائمة والتشكيلة والتعليق ومراول النوادي الملبوسة). والسلام.

♥️♥️♥️♥️♥️