Wacawaca Methodist Circuit

Day 4
Meke vakayalo, lagasere kei na sokalou.
Keimami sa vakabula ka veikidavaki tale tiko yani ena Yaca sava ni noda Kalou.

Totoka tu na draki e vakarautaka tu ko lomalagi ena siga e dai. Eda vakavinavinaka tikoga vua nai taukei ni bula ka daunilewa totoka duadua.

Kei na vakavinavinaka levu talega vei kemuni na sema tiko mai ena bogi ni kua.

Veiliutaki: Qase Ilisoni Rabeti
Soli Vunau: Rev. Lote Turaga
Lesoni: Isikeli 37: 1-10; Maciu 1: 19-21
Ulutaga: NI VINAKATI ME VINAKA KO WACAWACA, IA, ME TAMATA SUCU VOU!
-
-
-
* Tamata sucu vou
* Vosa ni Kalou
* Yalo ni Kalou

Ke vinakata ko Wacawaca me vanua totoka se me vakalesui tale mai na i rairai kei Karisito kina noda Bula ! E DODONU ME DA SUCU VOU!

Me da Bula ga ena vosa ni Kalou. Nona vosa na Kalou e semata na sui mamaca ka vakataucokotaka na yago ! IA NA NONA VOSA GA NA KALOU E NODA I YARAGI VINAKA DUADUA. Sa levu na dredre e tarai keda e daidai, ia NA NONA VOSA GA NA KALOU ENA LIUTAKI KEDA VOU ENA VEISIGA.

NA YALO NI KALOU me Bula mai na mate. E lewe Levu vei Keda e levu tu na noda i tutu vaka lotu ia eda lotu mate. Na yaga ni veivala lotu taki me da vakabulabulataki ka vakabulai vaka yalo tale na tamata lotu. Kevaka e mate na noda lotu ena sega ni yaga na tara valenilotu.

Vakatamatataki na Bula ni tamata me raici ena nona i tovo (ME TAMATA VOU)
Ciqoma tiko na VOSA NI KALOU.
Lako tiko ena kaukauwa ni YALO NI KALOU

Kenai kuri ni qai sema tikoga kina live.

Eda vakavinavinaka vua na Kalou ni sa mai vakacavari vaka vinaka nai ka tolu ni bogi. Ni qai sema tale tiko mai kina i ka 4 ni bogi ni mataka.

Me noda vata na vakacegu ni noda turaga ko Jisu Karisito.