Harar Multimedia

Hunda shakkii tiyyaa
Dhugaaniis agare
Akka ati hamtu
Laalchattiin si bare

Hedduun si kabaje
Hedduus si jaaladhee
Darbe yeroo saniis
Shira kee hubadhe

Hedduun jibba ani
Nama namatti yaadu
Isa shiraan moohe
Namatti of dhaadu

Galte kunoo atiis
Garee warra cubbuu
Hin fakkaatin sitti
Warra siif baasu lubbuu

Warra dhugaa murteessu
Onneerraa of tahee
Sitti hin fakkaatin
Warra siifillee nahe

Nama kee fakkaate
Sitti hin fakkeeysin waan gaarii
Ni deebi'a si ol naqee
Iddoo siifiis naarii

Yoo ta'e immoo beekaa
Taa'ii adabadhu
Wanti itti jirtu cubbuu
Si gaafata geetaan
Yoo diiyde namatti
Seentee namaaf irbuu

Si hubadhe ani
Maalummaa kee dhugaa
Akka ati fudhatte
Yaada nama mugaa