Kuek Unity Development Association.

WANDIŊ/NATHƐR: CI ŊUƐ̈TNI MURLË ƔÖTH PÄTH Ɛ CƐ NƐYDAŊ 7 NÄK KƐNƐ JI BUƆƆTNI DAŊ BÄKƐL .
‎*****============================****
‎Ɛn walɛ kɛ cäŋ kä 07/Duɔ̱ɔ̱ŋ/2026 kɛ runwaŋ ci ŋuɛ̈tni Murlë ti jiɛy kä Pibo̱r ɣöth päth, mi jiɛy kä Kier Wandiŋ min te kam Jikäny kɛnɛ Lɔu
‎Ci nɛy ti cuɔp kɛ Bärɔw duth lith kɛ ji buɔ̱tni ti cuɔp kɛ bäkɛl.
‎Kɛn ŋuɛtni tin ca päth ɛ Murlë jiɛy kɛ kä Kier Wandiŋ min te kam Akobo kɛnɛ Wandiŋ, ɛla ɣöö wä kɛ tooc kiɛ waa ɣɔɔk kiɛn gör wal. Cu kɛ ben kɛ ɣöthdiɛn cu kɛ rët kɛ rɛy rɛ̈ɛ̈k Wandiŋ a cu kɛ nin ti tɔt nin thin,
‎Ɛn walɛ kɛ runwaŋ ci kɛ ɣöthdiɛn nyoŋ wä kɛ tooc wa ɣɔɔkiɛn laak, kɛ kɔr thaak ni daŋ rɛw kɛ jiɛndiɛn kä Wandiŋ cu kɛ röm kɛ ŋuɛtni Murlë, kɛn ŋuɛtni Murlë ci kɛ buɔn in nhiam min te kɛ mäc ti dit pal wä kɛ nhiam kɛ ɣöö ŋuan kɛ kä te kɛ kɛ mäc, cu kɛ rɔ pa̱l piny amäni min ci buɔn in dɔŋ min kuiy ji kɛ ben, cu kɛ naath cu päri kä, cu ko̱r cu yiëëth inɔ. cu kɛ nɛy da̱ŋ bärɔw cu näk ni ɛn guaath ɛmɔ kɛ ji buɔ̱ɔ̱tni da̱ŋ bäkɛl, kä cua ɣɔk naŋ ɛkɛn ŋuɛ̈tni Murlë.
Ɛn guaath ɛmɔ cu ji nhiam rɔ wä rit min ci kɛ mäc liŋ cu kɛ cu riiŋ kɛ wuɔ̱ɔ̱r kä cukɛ naath jek piny kä ca ɣɔk naŋ ɛ Murlë. Cu kɛ cu riŋ kɔɔriɛn kä cu kɛ ɣɔk cu ɣar tetni Murlë.
‎Kɛn nɛy tin ca päth kɛ ŋuɛtni Cië Kuek kä Nathɛr kɛnɛ Cië Luɔm kä Akobo, kɛn cieŋ kɛ kɛɛl kɛ guaath mi bäär.
Kɛ kuic ɛmɔ kɛn nɛy tin ci liw te Ciëŋ Kuëk (Nathɛr) kɛ nɛy daŋ ŋuaan kɛ Ciëŋ Luɔm (Akobo) kɛ nɛy daŋ diɔk.
‎Cua ji buɔɔtni cu naŋ kä Wandiŋ cua kɛ cu gör böt mi cu kɛ naŋ kä Aköbö.
‎Ɛn läär ɛmɛ ŋotdɛ kɛ mi ba yiɛ nyɔk lɛ lär taadɛ. Guuri BKM.
‎*****=========================******
‎ KƐƐL MEDIA
‎Gua̱ath Lääri min Thuɔk kɛ Thok Nath

Ci lɔcdä ku tɛth ɛlɔŋ ɣä KUƐK MAGANY. Kɛ ɣöö cä tëkɛ weec rɛw.KIER LUƆM PAYAM Kɛnɛ WANDIŊ RUƆP payam.Ci ku duɔth ni WAT jɔr bä cu cuɔŋ kä rɔa.KUƐK Ɛ MI DIT RƐY GAAN KIIR.Ɛŋa gaak ɔ

GAMBELLA: LÄÄR MI̱ PAYTUƆƆK!
CA KUÄAR NUÄÄR ZONE WOC KUÄÄRÄDƐ
===========================
Ɛnwalɛ kɛ cäŋkä 24/Lathbo̱o̱r/2025, ca kuäär in kääp Nuäär Zone ni̱ Hon. Peter Rial Jing woc kuäärädɛ, ca Hon. Jack Joseph Miyong Dhuor gua̱l gua̱a̱thdɛ ala kuäär in pay kuany ala kuäär Nuer Zone, kɛ ŋuɔ̱t buɔk ŋuɔ̱tni̱ kä kumɛ wec Gambella rɛy ŋuɔ̱tni̱ rööl Ethiopia.
Kä i̱nɔ bä ɛn Hon. Peter Rial Jing ca gua̱l kä muktäp in Guic Rik Jɔam kɛnɛ Rik tin Kɔ̱ŋ gua̱a̱th ëë ka̱p kɛ ɛ Hon. Jack Joseph Miyong ni̱wen.
Ɛ gua̱cni min ci̱ tuɔɔk i̱nɔ ɛnwalɛ kä kumɛ min te rɛy wec kä Gambella ro̱o̱l Ethiopia.

.N.B.F.TV CHANEL.
Gua̱a̱th Lääri̱ min Thuɔ̱k kɛ Thok Nath