Aptitude Quiz

ማይክሮሶፍት ለተወሰኑ የዊንዶዉ-10 “ቨርዥኖች” ከግንቦት ወር ጀምሮ የደህንነት ዝመና ማቅረብ እንደሚያቆም ገለጸ

አዲስ አበባ፤ የካቲት 4/2014: ማይክሮሶፍት ኩባንያ ለዊንዶዉስ-10 ቨርዥን 20H2 እና ከዚያ በፊት ለነበሩ ምርቶች የሚያቀርበዉን የደህንነት ዝመና ከፈረንጆቹ ግንቦት 10/2022 ጀምሮ እንደሚያቋርጥ ገለጸ።

በግንቦት ወር የደህንነት ዝመና ከሚቋረጡባቸዉ የዊንዶዉስ-10 ምርቶች ዉስጥም ቨርዥን (version) 1909 እና 20H2 ይገኙበታል።

እንደ ማይክሮሶፍት ማሳሰቢያ የዊንዶዉ ተጠቃሚዎች ወሳኝ የሆኑ ወርሃዊ የደህንነት ዝመናዎችን ለማግኝት፣ የሚከሰቱ የደህንነት ተጋላጭነቶችን ለመድፈን እና የኮምፒዉተራቸውን አገልግሎት ፍጥነት ለማሳደግ የዊንዶዉስ-10 ምርቶቻቸዉን ማሻሻል ይገባቸዋል ብሏል።

በፈረንጆቹ ጥር 21/2022 ለዊንዶዉስ-10 ተጠቃሚዎች የምርት ‘21H2’ ማቅረቡን ያስታወሰው ማይክሮሶፍት ከዚህ ባለፈም ለዊንዶውስ-11 ምርቶች ‘21H2’ ከፈረንጆቹ ጃኑዋሪ 27 ጀምሮ በስፋት ተደራሽ ማደርጉን ጠቁሟል።

በዚህም የዊንዶዉስ ምርት ተጠቃሚ ሆነዉ የሚጠቀሙበት ኮምፒዉተር ዊንዶዉስ-11 ለሆኑና መስፈርቶችን ለሚያሟሉ ደንበኞቹ በሙሉ የዊንዶዉስ 11 ኦፕሬቲንግ ሲስተም ማቅረቡን ገልጿል።

እርስዎም የዊንዶዉስ-10 ምርትዎን ለማሻሻል ካሰቡ በቅድሚያ ‘start’ የሚለዉን አማራጭ በመምረጥ፣ ‘setting’ የሚለዉን መጫን በመቀጠል ከቀረቡ ዝርዝሮች ዉስጥ ‘update & security’ የሚለዉ መምረጥ ‘check for update’ የሚለዉን በመጫን የቀረበልዎትን የኮምፒዉተር ዝመና መተግበር ይችላሉ።

ወይም “type here search” የሚለዉ ቦታ ላይ “check for updates” ብሎ በመጻፍ የሚመጣዉን አማራጭ በመጫን ኮምፒዉተርዎን ቨርዥን በማሳደግ በራስዎ፣ በተቋምዎ እና በሀገር ላይ ሊድርስ የሚችለዉን የሳይበር ጥቃት ይከላከሉ።

Announcement for University students

የጥሪ ማስታወቂያ
-------------
በ2014 ዓ/ም ከመቀሌ፤ ከአክሱም፤ ከአዲግራት እና ከወልዲያ ዩኒቨርሲቲዎች በጊዚያዊነት ወደ ባህርዳር ዩኒቨርሲቲ ለተመደባችሁ የመደበኛ መጀመሪያ ዲግሪ ተማሪዎች በሙሉ