RR Association development Awdl state.

WAXA UGU FOOSHA XUN EE AAN MAANGALKA AHAYN EE LUGU TILMAAMO DHADDIGA, WAXA AY INTA BADAN KA YIMAADDAAN OO AY SAL KU LEEYIHIIN; WAA DHAQAN LIITA OO AAN SAL LAHAYN, KHURAAFAADO AAN GARASHO IYO GARAADTOONNA KU SALAYSANEYN IYO FASIRAAD IYO FAHAM LAGU DIIMEEYEY LABADDAAS QODOB EE FOOSHA XUN SI LOO ADKEEYO, KUWAAS OO KA MADHAN NUXURKA XAQIIQDA, GARASHADA IYO GARAADKA LAGU FAHMI KARO SINNAANTA JINSIGA.

Khuraafaadku waxa ay hoos u dhigaan sharafka iyo karaamadda qayb kamida Insaanka, gaar ahaan marka la joogo Labka iyo Dhaddiga bulshaddu waxa ay u aragtaa in ay Raggu ka sarreeyaan Dumarka oo waa ay kala hormariyaan waa ayna kala jeclaystaan. Haddii khuraafaadku uu sidaa qaabka daran u muujiyo sinnaan la'aan aan xaqiiqo ku dhisneyn oo saameyn wayn ku leh Dhaddignimadda oo la caadaystay, dhaqanna noqotay; Diimuhu maxay ka beddeleen ama sidee ay dumarka u jileen? Diimuhu intoodda badan waxa ay leeyihiin xeerar iyo qawaaniin ku saabsan jinsiga, kuwaas oo si kala duwan loo fahmo ama loo fasirto, se inta badan waxa ay salka ku hayaan waa dhaqanka iyo khuraafaadka.

Fasiraaddaha waddaada iyo fahamka diimeed ayaa inta badan ah kuwa lagu takooro oo xadduud iyo xad lagu yeeleeyo qofnimadda Dhaddiga oo uma sina Ragga iyo Dumarku. Waxa laga yaaba in xeerar iyo qoraaladda muqadiska ah lagu muujinin si cad sinnaan la'aanta Labka iyo Dhaddiga, sida dhaqanka iyo khuraafaadka oo si quruxbadan loo dhigo oo doqon ma garatay ah. Qof walba waa uu ogyahay in ayna diimuhu uga hiilin karin oo ayna difaaci karin dadnimo-tirka Dumarnimo, dhaqanka iyo khuraafaadku kula kacaan ee ilaa hadda ku hayaan, se waxa ay u soo bandhigtaa si ka quruxbadan oo ka waajibsan oo aan laga hor iman karin. Waxa dhab ah in ayna diintu ka hor iman dhalliilaha dhaqanka iyo khuraafaadku Dhaddignimadda dadnimadda kaga qaadaan, taas baddelkeeda waa ay xambaarta oo qiil lagu banaysto iyo qool lagu xidhba ayaa ay u abuurtaa. Bulshaddu waxa ay diinta u isticmaalaan si ay ugu adkeeyaan xeerarkooda dhaqan ee ka dhasha khuraafaa

SETTLER COLONIALISM IYO APARTHEID STATES.

Settler Colonialism iyo Apartheid States waa laba fikradood oo lagu sharxo qaabab kala duwan oo caddaalad-darrada iyo xukun kala-saarida ah. Settler colonialism, waa geeddi-socod gumeysi iyo degsiimo dhul cusub. Apartheid waa nidaam sharci ah oo kala saara dadka gudaha dal gaar ah.

Settler colonialism waa fikrad lagu sharxo nidaam taariikhi ah oo koox dad ah (badanaa dalal awood leh) ay ku degaan dhul aysan asal ahaan lahayn, ka dibna ay si joogto ah u beddelaan bulshada, dhaqanka, iyo nidaamka siyaasadeed ee dadka deegaanka. Ujeeddadu ma aha oo kaliya in la helo kheyraad, balse waa in la sameeyo joogitaan waara oo beddela dadka asaliga ah. Tusaalooyin guud waxaa lagu arkaa taariikhda qaar ka mid ah dalalka sida America, Australia, iyo New Zealand.

Marka la eego aragtidan, qaar ka mid ah cilmi-baarayaasha ayaa ku xidha nidaamyada “APARTHEID STATES ”, oo ah dowlado kala saara dadka iyada oo lagu saleynayo isir, jinsiyad, ama asal. Tusaale ahaan, marka dadka deegaanku ay lumiyaan xuquuqdooda dhul, siyaasadeed, iyo dhaqaale, halka dadka degay (settlers) ay helaan awood iyo mudnaan sare, waxaa la arkaa isku xidhnaan u dhaxaysa SETTLER COLONIALISM IYO APARTHEID STATES.

Aragtidan waa mid dood badan ka taagan tahay. Qaar waxa ay u arkaan in ay tahay qaab muhiim ah oo lagu fahmo taariikhda gumeysiga iyo caddaalad darrada, halka kuwa kale ay ku doodayaan in aan si fudud loo isku ekaysiin karin dhammaan xaaladaha. SETTLER COLONIALISM waa fikrad lagu falanqeeyo sida gumeysi joogto ah uu u saameeyo bulshada, halka PARTHEID-KUNA uu yahay nidaam sharci iyo siyaasadeed oo kala saarid ku dhisan. Labaduba waxa ay iftiimiyaan sida awoodda iyo dhulku u saameeyaan nolosha bulshada.