XOGTA

Professor Dr Salman al-Dayah, oo h**e u ahaan jiray hormuudka kuliyada shareecada iyo sharciga ee Jaamacadda Islaamiga ah ee xiriirka la leh Xamaas ee Gaza, waa mid ka mid ah mas'uuliyiinta diimaha ee gobolka ee aadka loo ixtiraamo, sidaas darteed fikradiisa sharci ayaa miisaan weyn ku leh laba milyan oo qof oo reer Gaza ah kuwaas oo u badan Muslim Sunni ah.

Fatwada Dr Dayah, oo lagu daabacay dukumeenti lix bog ka kooban oo faahfaahsan, ayaa Xamaas ku dhaleecaysay waxa uu ugu yeeray "ku xadgudubka mabaadi'da Islaamka ee lagu maamulayo jihaadka".

Jihaad macnihiisu waa "halgan", Islaamkana waxa uu noqon karaa halgan shakhsi ah oo loogu talagalay horumarinta ruuxiga ah ama halgan milatari oo ka dhan ah gaalada.

Xayeysiin

Dr Dayah ayaa intaas ku daray: “Haddii aan la fulin tiirarka, sababaha, ama shuruudaha jihaadka, waa in laga fogaadaa in la burburiyo nolosha dadka."

Dhanka Xamaas, fatwadan waxay uga dhigan tahay ceeb iyo dhaleecayn laga yaabo inay dhaawici karto, gaar ahaan iyadoo kooxdu ay marar badan qiil uga dhigto weerarradeeda Israa'iil iyadoo la adeegsanayo doodo diimeed si ay taageero uga hesho bulshooyinka Carabta iyo Muslimiinta.

Weerarkii 7-dii Oktoobar ayaa lagu arkay boqolaal hubaysan oo Xamaas ah oo ka yimid Gaza oo soo galay koonfurta Israel. Ilaa 1,200 oo qof ayaa la dilay, 251 kalena waa la qafaashay.

Israa’iil ayaa ka jawaabtay iyada oo billowday olole millatari oo lagu burburinayo Xamaas, kaas oo in ka badan 43,400 oo qof lagu dilay Gaza, sida ay sheegtay wasaaradda caafimaadka ee Xamaas maamusho.

Dr Dayah ayaa ku doodaya in khasaaraha wayn ee rayidka ka soo gaadhay Qaza, oo ay weheliso burburkii baahsanaa ee kaabayaasha rayidka iyo masiibooyinka bini'aadantinimo ee daba socday weerarkii 7-dii Oktoobar, ay la macno tahay in ay si toos ah uga hor imanayso manhajka Islaamka.



Xigashada Sawirka,Reuters

Qoraalka sawirka,Fatwadiisu waxa ay iftiiminaysaa in, sida ay qabto shareecada Islaamka, duullaanka millatari waa in aanu sababin jawaab ka