Mesi ye abi

▫️የሰው ክፉ አለ !

አንተ ከራስህ ቀንሰህ ጥሩ ነገር ስታደርግለት እሱ ግን በአንተ ላይ ክፉ የሚመኝ ፤ ልታግዘው ስትፈልግ አንተን ጥሎህ ለመሄድ የሚሞክር ፤ በከፍታው ስትደግፈው መውደቂያህን የሚያመቻችልህ ክፉ ሰው አለ።

በዚህ ሰዓት አንተ የሰውን በጎ ጎን ብቻ ለመመልከት ስትሞክር፣ እናትህ ግን ከጀርባው ያለውን ተንኮል ታያለች። እሷ መጥፎ ነገርን የምታሳይህ ህይወትን ስለምታውቃትና ካንተ በላይ ሰውን ስላጠናች እንጂ እንደአንተ ቀና ስላልሆነች አይደለም።

ለፍተህ ያገኘኸውን ጊዜህን እና ጉልበትህን ለማይገባው ሰው አትስጥ።

ከመጎዳትህ በፊት አስቀድመህ ተከላከል ፤ የእናትህን ምክር ስማ።

መልካም ቀን 🙏

አዲስ አበባ ዩኒቨርሲቲ እያንዳንዳቸው አምስት ሺህ ዶላር የሚያወጡ 30 ዘመናዊ ዲጂታል ብሬሎችን ተረከበ።
***
አዲስ አበባ ዩኒቨርሲቲ ከደቡብ ኮሪያው ሴሎም ኢንተርናሽናል
ኮኦፕሬሽን ኤጀንሲ ጋር ከዚህ ቀደም ያደረገውን የመግባቢያ ስምምነት ተከትሎ ነው እያንዳንዳቸው አምስት ሺህ ዶላር የሚያወጡ 30 ዲጂታል ብሬሎችን የተረከበው። በቀጣይ ደግሞ ተመሳሳይ ቀሪ 30 ብሬሎችን በድጋፍ የሚረከብ ይሆናል።

ይህ ዘመናዊ መሳሪያ ማየት የተሳናቸው የዩኒቨርሲቲያችን የቅድመ እና ድህረ-ምረቃ ተማሪዎች ከወረቀት ብሬል ተላቀው በቴክኖሎጂ በመታገዝ ትምህርታቸውን እንዲከታተሉ የሚረዳ ሲሆን፤ ከተለያዩ ዳታቤዞችም ጥናታዊ ጽሑፎችን ያለምንም ክፍያ አውረደው መጠቀም ያስችላቸዋል።

አዲስ አበባ ዩኒቨርሲቲ በአምስት አመት ስትራቴጂክ እቅዱ መሰረት ለዲጂታላይዜሽን ከፍተኛ ትኩረት ሰጥቶ እየሰራ የሚገኝ ሲሆን፤ ይህ ልዩ ድጋፍም የትግበራው አንዱ ማሳያ ነው።