HUDA

±ምሥጢረ ዓድዋ + ያነበበ ሸር

በመጋቤ ሐዲስ ሄኖክ ፈንቴ

~ቤት ያለ መሰረት አይሰራም
ዓድዋ ቤት ናት
መሰረቷ ግን አጼ ሚኒሊክ ናቸው
መሰረቱን የጣለ ቅዱስ ጊዮርጊስ ነው

~ቤት ያለ ምሰሶ አይቆምም
ዓድዋ ቤት ናት
ምሰሶዋ ግን አጼ ሚኒሊክ ናቸው
ምሰሶውን የተከለ ቅዱስ ጊዮርጊስ ነው

~ሥጋ ያለ ነፍስ አትቆምም
ዓድዋ ሥጋ ናት
ነፍሷ ግን ሚኒሊክ ናቸው
ነፍስና ሥጋን ያስማማ ቅዱስ ጊዮርጊስ ነው
አጥንቷ ነጻነት ነው
ደሟ የሀገር ፍቅር

~መዓር ያለ ንብ አይገኝም
ዓድዋ መዓር ናት
ንብ ግን አጼ ሚኒሊክ ናቸው
መዓር ቆራጬ ቅዱስ ጊዮርጊስ ነው
ቀፎው ጣሊያን ነው
መዓሩ የተቆረጠበት ጭሱ የካሀናት ጸሎት ነው

~ኳስ ጨዋታ ያለ ጎል ውጤት የለውም
ዓድዋ ኮስ ጨዋታ ናት
ጎሉ ግን አጼ ሚኒሊክ ናቸው
ዳኘው ቅዱስ ጊዮርጊስ ነው
ደጋፊዎች አሉላ እና ጣይቱ ናቸው
ጨዋተው ጦርነት ነው
ሜዳው ነጻነት ነው

~ዓይን ያለ ብሌን አታይም
ዓድዋ ዓይን ናት
ብሌኗ ግን እቴየ ጣይቱ ናቸው
ማየት የማይችለው ነጩ ጣሊያን ነው

~ዓድዋ ፀሐይ ናት
ብርሃኗ እቴዬ ጣይቱ ናቸው
ፀሐይ የወጣችበት ሰማይ ቅዱስ ጊዮርጊስ ነው

~ዓሳ ያለ ውሃ አይኖርም
ዓድዋም ያለ እቴዬ ጣይቱ የለችም
የውሀው ባህር ነጻነት የሀገር ፍቅር ነው

~ደም ያለ ልብ አይኖርም
ዓድዋ ደም ናት
ልብ ግን እቴዬ ጣይቱ ናቸው
የደም ስሩ ቅዱስ ጊዮርጊስ ነው

~አካል ያለ ራስ አይኖርም
ዓድዋ አካል ናት
ራስ ግን እቴዬ ጣይቱ ናቸው
አንገት ነጻነት ነው

~ዓድዋ ልጂ ናት
አባቷ ሚኒሊክ ናቸው
እናቷ ግን እቴየ ጣይቱ ናቸው
ሞግዚቷ ቅዱስ ጊዮርጊስ ናቸው

~ዓድዋ ዛፍ ናት
ግንዷ አጼ ሚኒሊክ ናቸው
ስሯ እቴዩ ጣይቱ ናቸው
ቅርጫፏ ሰራዊተ ሚኒሊክ ናቸው
ለምለሙ ቅጠሏ ነጻነት
ጥላዋ የሀገር ፍቅር
ፍሬዋ ቅዱስ ጊዮርጊስ
ቅርፍቱ ጣሊያን

መጋቤ ሐዲስ ሄኖክ ፈንቴ