Daily hebrew

إزاي اطور نفسى في المحادثة واتكلم كويس?!
دا سؤال مهم جدًا وتقريباً شاغل بالك دايماً وعلشان كدا هقولك على بعض النصايح إنها تساعدك تتكلم.
بس قبل ما اقلك في حاجات لازم تعرفها وهو إن لازم تكون عارف إن علشان تتكلم أي لغة لازم يكون عندك حصيلة كلمات كويسة تساعدك تتكلم وقواعد اللغة وبتكون تقرأ وتسمع كويس.
-وهنزل ليكم وحده وحده بوست يتكلم عن ازاي تطور نفسك في كل دا- بس خلينا في المحادثة.
بعد ما يكون عندك كل دا فعندك كذا طريقة

1- في البداية اتكلم مع نفسك واهم حاجة تسجل لنفسك وانت بتتكلم وبعد لما تخلص شوف ايه الاخطاء اللي انت وقعت فيها وابدأ عدلها.

2- اتعلم ازاي تتكلم عن حياتك اليومية, العادات وغيرها
لإن الحاجات دي هتديك دفعة والثقة في البداية وإنك تتكلم بثقة اكتر.

3- شوف حد من صحابك بس يكون عنده الدافع انه يتعلم بجد وابدأو اتعلموا واتكلموا مع بعض.
اختاروا علي سبيل مثال فديو للمحادثة وانتم الاتنين اتعلموا نفس الفديو وناقشوه.

ولو في كلمات مش واضحة او مش عارف تقرأها ابحث عنها في القاموس.

الموضوع هيكون متعب في البداية, ودا طبيعي لكن مع الوقت هتلاقي ان خلاص بدأت تتعلم وهيكون بالنسبالك اسهل.

شير ولايك علشان تفيد غيرك وتابع البيدج علشان تستفاد اكتر.
Daily hebrew
يتبع...