Mu Tohamy

‏في مسلسل سفّـ ـاح الجيزة أحمد فهمي طالع إنسان بيعمل خير وبيساعد كل الناس وبار بأمه بيعملها كل اللي تطلبه، محبوب بين زمايله وجيرانه، وحاطط رنة تليفونه دينية، وفوق كل ده طباخ بريمو، والحقيقة دي أكتر حاجه صادقة شوفتها، لأن ده اسلوب الناس المـؤذية أصلا ..

المؤذيين والمنافقين عينيهم مش بتطلّع شرار ولا عندهم قرون حمرا، كلنا وخدين صورة ملهاش أي علاقة بالواقع عن الناس المؤذية .. يجي الواحد منهم يقنعك إنه قلبه على قلبك وخايف عليك وبيحبك وهو مش طايق وجودك في الدنيا أصلا .. هتلاقيهم متلونين وظاهرين في صورة الحبايب المخلصين اللي عايزين مصلحتك وهما جواهم نـ ـار قايدة عايزة تمحيك من على وش الأرض، ومن الطبيعي إننا منعرفش الخبيث إلا بعد فوات الأوان لأنه بيجاهد عشان يداري حقيقته زي الشيطـ ـان كده بالظبط انت مش شايفُه ولا حاسس باللي بيعمله فيك، لكن بسببه حياتك كلها ممكن تتدمر، وفي الآخر هيقولك أنا معملتش حاجه !!

كل ما بنكبر كل ما بنكتشف إن شياطـ ـين الإنس أكتر بكتير من شياطـ ـين الجن .. ومش هيبقوا ناس غريبة عنك بالعكس، دول هيبقوا أقرب الأقربين.

😂😂😂

هنيدي 😂😂