Sigma Team

وَلَقَدْ مَنَنَّا عَلَيْكَ مَرَّةً أُخْرَىٰٓ♡

عارفين قصة الأيه دى كانت أي؟!

-سيدنا موسي كان بيدعي ربنا أنه يشرح له صدروه ويسر له أمره ودعوات كتير أوى بيدعي ربنا أنه يستجيب لدعواته..

تخيل حنية ربنا فى الرد ♡
قَالَ قَدْ أُوتِيتَ سُؤْلَكَ يٰمُوسَىٰ۞ وَلَقَدْ مَنَنَّا عَلَيْكَ مَرَّةً أُخْرَىٰ۞

يالله بجد أد أي أنك كريم♡
يعنى:- يموسي دي مش أول مرة أمُن بيها عليك

وبدأ ربنا بعدها يفكروا بالآيات
(إِذْ أَوْحَيْنَا إِلَى أُمِّكَ مَا يُوحَى (38) أَنِ اقْذِفِيهِ فِي التَّابُوتِ فَاقْذِفِيهِ فِي الْيَمِّ فليلقه الْيَمُّ بِالسَّاحِلِ يَأْخُذْهُ عَدُوٌّ لِّي وَعَدُوٌّ لَّهُ(39)

معناها:-
أنا مَنيت عليك قبل كده دى مش أول مرة..
فاكر يموسى لما كنت رضيع ونجيتك من بطش فرعون

ومش بس كده لا كمل:
(وَأَلْقَيْتُ عَلَيْكَ مَحَبَّةً مِّنِّي وَلِتُصْنَعَ عَلَى عَيْنِي )

يعنى:-
ربنا عز وجل بيقوله أنا بحبك وبخاف عليك و أنت دايما فى عنينا

والكلام دا مش لسيدنا موسي بس..
لعباد ربنا كلهم من أول ما كنت جنين محدش كان معاك غير ربنا ولحد دلوقتى وحتى بعد مماتك محدش باقيلك غير ربنا♡

هو اللى هيسمعك دايما..
وهيحققلك كل اللى بتتمناه..
هو اللى هيغفرلك لما تذنب..

فاكر كام مرة ربنا أنعم عليك فيها وأن ربنا دايما فاتح باب التوبة ليك فى أي وقت..

دا حتى المنع كان فى حد ذاته خوف عليك وأن ربنا شايلك الأحسن، أدعي وأطلب اللى أنت عاوزه كله أنت مش بتطلب من أي حد لا، دا ربنا♡

فاللهم اجعلنا بظلك دائما وتحت عينك يارب العالمين♡

Written by: Nesma Shalan

"عقلك فى راسك ..تعرف خلاصك " 🚶🏻‍♀
هو فعلا العقل فى الدماغ ؟
واي الفرق بين المخ والدماغ والعقل ؟🧠
ولا كلهم حاجة واحدة !
الحقيقة لا مش كلهم حاجة واحدة ...
📌اولا العقل.. ودة حاجة معنوية مش ملموسة ،كلمة بنعبر بيها عن الإدراك والوعى ، القدرة على التعبير والفهم والتمييز ..ولكنه مش عضو من أعضاء الانسان..
📌 ثانيا الدماغ ودي عبارة عن عضو مادي موجود فى الجمجمة ، وزنها حوالى 1.5 كيلو
📌 نيجى بقى لأهم حاجة وهو المخ ..موجود فى الدماغ ، وهو المسؤول عن كل حاجة بنعملها من أفعال وافكار وقرارات والشعور بإحساس معين وو..الخ، عن طريق أنه بيبعت إشارات عصبية لبقية الاعضاء...
- دة طبعا غير الذاكرة اللى سعتها 2.5 بيتابايت ! هسيبكم تحسبوا كدة كام جيجا ؟ 👀
- العجيب بقى أنه بيمثل 85% من حجم الدماغ بحوالى 1.400 جرام ولكننا مش بنحس بتقله..ليه ؟ لانه موجود فى نخاع شوكى ودى مادة سائلة فبيفقد معظم وزنه 😯
- مخ الانسان بيتكون من 86 مليار خلية عصبية واللى هى أضعاف مضاعفة من عددها فى مخ بقية الكائنات المتطورة ، وهو دة السبب فى تمييز الإنسان عن الحيوانات التى لا تمتلك القدرة على الاختيار

{وَلَقَدْ كَرَّمْنَا بَنِي آدَمَ وَحَمَلْنَاهُمْ فِي الْبَرِّ وَالْبَحْرِ وَرَزَقْنَاهُم مِّنَ الطَّيِّبَاتِ وَفَضَّلْنَاهُمْ عَلَىٰ كَثِيرٍ مِّمَّنْ خَلَقْنَا تَفْضِيلًا} 💛

Written by: Amira Selim

✨الجَمال الكُلي لا يُري بالعين✨

مساء الخير عزيزي القارئ😍♥

حبينا الاسبوع دا نزود المُتعه والتشويق اكتر عند عشاق القراءه
ف جيالك النهارده ب اقتباس من كتاب وعايزاك بقا كدا توريني شطارتك وتقولي من كتاب ايه👀♥
بس هسهلهالك يعم متزعلش وهقولك المرادي اسم الكاتب🙈
كاتبنا هو عُمر آل عوضه♥✨
اعتقد خلاص كدا عرفت اسم الكتاب😍
مستنياك ف الكومنتات تقولنا اسم الكتاب وتشاركنا اكتر اقتباس لمس قلبك✨

Written by: Manar Nouh

كلنا بيجى علينا فتره بنبقى مخنوقين وحاسين إن احنا مش ماشيين ف الطريق الصح أو مش دا الطريق اللى انا كنت عاوزه الاقى الدنيا متقفله من كل حته وتفضل دماغى تودى وتجيب ومش قادر اصبر ومش فاهم اي اللى بيحصل ف حياتى دا !!!! 😔

واقول لي يااااارب اشمعنا أنا !!!! 😔

طيب تعالى اقولك ازاى تدرك حقيقه الدنيا وهى بطبعها متعبه ولازم نصبر ونمشى ف طريقنا لحد ما ربنا يكرمنا ♡

ربنا سبحانه وتعالى قال ف آياته
"ولقد خلقنا الإنسان في كبد" ، آية جليلة اختصرت حقيقة الحياة التي جبلت على الأكدار والأقذار، وفي هذه إشارة ولفتة من المولى جل في علاه إلى هذا المخلوق الضعيف من أجل أن يدرك ويتبصّر، حتى إذا ما استقر في خلده ذلك صبر على نكباتها وتقلباتها، التي ما كادت تدني الفرد حتى تقصيه..♡

ومن ثمار الصبر كذلك بأن الصابر يكون في معية الله وعونه ورحمته، و نلاحظ ذلك جيداً في قوله تعالى لنبيه محمد حين قال:

" واصبر لحكم ربك فإنك بأعيننا" يالله ما أجملها من مواساة 🥺 يواسي بها الله نبيه محمد ويقول له:
"فإنك بأعيننا" ؛ أي لا تخشَ مع الله أحداً فأنت بأعيننا، فمن الذي يضرك يا محمد!! ، إن كانت نواصيهم جميعاً بين يدي مالك السماوات والأرض، فاصبر لحكم ربك فإن وعد الله قادم لا محالة فما بقي سوى القليل.. ♡

فشوف ربنا ازاى مع الصابرين وازاي بيخفف علينا اوجاعنا وبيطبط ع قلوبنا فاصبر ع الابتلاء ربنا هيعوضنا ويراضينا ويزيح عننا كل ألم قريب اوى والله بس انت خليك معاه وقربله 🤎

Written by: Eman Gamal
Designed by: Mahmoud Ismail