Fdhb

لا بالنصايح ولا بالتجارب؛ هي صدمة نفسية واحدة هتعيشها هتكبّر عقلك حوالي 20 سنة على الأقل.

ومن بعدها هتتعلّم توزن الأمور وتركز في إختياراتك، هتشوف مين يستحق يدخُل حياتك ويقرّب منّك ومين كفاية ترد عليه السلام من بعيد لبعيد .. هتعرف إمتى تتكلم، وإمتى تسكُت، وإمتى تنسحب وإنت شايف إن الإنسحاب مكسب عظيم ومش ضعف زي ما بيتقال.

وعلى أد ما الصدمات النفسية بتهز كيان الواحد على أد ما هي دي الحاجة الوحيدة اللي بتفوقه وتخليه يشوف ويفهم الدنيا صح.

نضافة قلبك دي بتبان مع أول تأنيب ضمير بيجيلك لو حسيت إنك زعلت حد ، ومع نغزة قلبك لو شوفت موقف فيه ضرر لحد ، بتبان برضوا لما يصعب عليك غيرك وإنك تحط نفسك مكان الشخص اللي قدامك ، وعُمر الرحمة
والحنية واللين ما يعيبوا صاحبهم ، العيب الحقيقي على الناس القاسية اللي هيتكرهوا في الدنيا
ومش هيشوفوا راحة في أخرتهم .♥️

" الناس نساية "
مهما كنت جدع وموجود وياما ساعدت وساندت وسألت ، الناس هتنسى وهتفتكر الموقف اللي مكنتش قادر تكون موجود فيه .

الناس هتختار دايماً تشوفك مقصر عشان تعرف تثبت لنفسها انها مش السئ الوحيد في رواية أحدهم ، وانك انت كمان زيهم .

الناس مبقتش بتعرف تصدق ان في حد نواياه حسنة لله ف لله ، الناس قادره بموقف تحطك ف نن عنيها وبموقف تاني تنزلك سابع أرض .
الخلاصة :
متعاملش أبداً العباد عامل رب العباد ، وأبدا متجيش على نفسك ونفسيتك وطاقتك عشان خاطر أي حد ف الدنيا غير نفسك 🕊️

محدش هيحس بيك غير نفسك.كل واحد بيدور على مصلحته فين وانت مقضيها جدعنة .الناس متقدرش ال بيحبها بجد ويتمنوا الرضا للناس ال هما اصلا سبب ف اذيتهم .