Ayman Ana

المشهد المحذوف
ازي الحال
بقيتي ازاي
وبتنامي. ف وقت الليل
ولساكي بتغلي الشاي بنار الدمعه عزالمناديل
ولسه الطفله جواكي بتتفرج ع الكرتون
وفستان الفرح لايق
وبيشدك سعات اللون
ولساكي ع النيه في فهم الناس تأثر فيكي اغنيه
وعايشه بمبدأ الاحساس
ولسه معندكيش أصحاب
وقافله الاد في فيسبوكك
فيلان هيموت ويكلمك
فتقولي لصحبتك فكك
واخده بطوله السينما ف الفرجه ع الافلام
ولسه مكمله نومك هلاوس احلام كالعاده
ولما ينتهي يومك تحسي اللقطه متعاد
ولسه الدمعه علي خدودك بتبيت تدفيكي
وتيجي الشمس
فبيصحي شعور بات ومات فيكي
وزي الشمس ف كثوفك
بتكره تبقا مشتاقه
ولسه البرد ف كفوفك
ولسه روحك شفافه
ولساكي بتبكي من الحنين
انا نفسي اسألك سؤال
هي حيات دلوقتي فيها مين
#قلم مكسور