DigiFx

🧑‍⚕️ الدكاترة لما تعمل Abdominal US للعيانين النهاردة 👇

البط ليه Ultrasound تاني .. متقلقوش 🤷

🔥 قررنا في رمضان شهر المشاركة واللمة 🌙
نشارك معاك من خلال صفحتنا،، أفكار تسويقية للمجال الطبي🧑‍⚕️

🧾 هنساعدك تحط في خطتك وجهات نظر جديدة وأفكار ناجحة للتسويق لعيادتك أو صيدليتك

🧾 هنشوف سوا حملات إعلانية مختلفة لBrands طبية، وإيه اللي ممكن نتعلمه ونطبقه!

🧑‍🔬 وانهاردة هنبدأ بكامبين لشركة جونسون، أشهر شركة لمنتجات العناية بالأطفال

◾الطبيعي إنك لما تفتح صفحتهم تلاقي إعلانات عن منتجاتهم، صور لأطفال بتضحك أو الكليشيه بتاع الأم اللي حاضنه ابنها في مشهد مثالي!

لكن مش ده اللي بيحصل‼️

شركة جونسون قامت بحملة إعلانية بمناسبة عيد الأم وشهر المرأة، وهي بالمناسبة ال Target Audience الرئيس لجونسون

والمرة دي احترمت مشاعرها، والصعوبات اللي بتعدي بيها، والألم الجسدي والنفسي اللي بيوصل لحد الاكتئاب..

وسمت الحملة "فضفضي" لتشجيع الأمهات على الاهتمام بصحتهم النفسية وطلب المساعدة لو احتاجوا

"جونسون" قدروا يكسبوا ولاء الأمهات للبراند… لإن البراند مهتمة بيهم هم… بتقدم لهم قيمة وتوعية موجهة ليهم هم بس!

💡فكرة الحملة اعتمدت على العاطفة… واللي هي سبب قد يكون الأول لاختيار للعميل لبراند عن غيره..

🏥وفي المجال الطبي، التعاطف مع آلام المريض ومشاعره لازم يبان على صفحتك، لإنه هيتطمن لك لما يعرف إنك فعلاً حاسس به

⬇️⬇️في الكومنتات هتلاقي لينك لفيديو من حملة جونسون الأخيرة

✅ودلوقتي اكتب لنا كومنت إزاي ممكن تطبق الفكرة على مجالك؟

وتابعنا على مدار الشهر لأفكار جديدة، ووجهات نظر مختلفة💡

💡ولو عايز تعرف أكتر عن تفاصيل باقات التسويق الطبي اللي بنقدمها في DigiFx، ابعت لنا رسالة 📩

دكتور وائل البنا وسر ال ٢ مليون follower!

في ٢٠١٤، بدء دكتور وائل البنا صفحته على الفيسبوك 📱

دكتور النسا المشهور اللي بيقدر يتعامل مع أصعب حالات تأخر الإنجاب والجراحة بالمناظير 🩺

ده اللي عرفناه من صفحته، من الحالات اللي بينشرها دايمًا ومن نشره لمحتوى طبي عن طرق تشخيصه لبعض الأمراض الخاصة بمجاله 👨‍⚕️

دكتور وائل البنا شاطر فعلاً في تخصصه الطبي… واللي ساعده يظهر ده شطارته في التسويق لنفسه كمان👌

في أول مسيرته كان بيطلع في برامج ولقاءات تليفزيونية عشان ده كان مصدر تلقي الناس للمعلومات الطبية 📺

🔺ودلوقتي معتمد أكتر على صفحته اللي بيتابعها أكتر من ٢ مليون شخص

🔺بيسافر له مرضى من جميع أنحاء العالم

🔺وطبعًا دلوقتي بفضل الله هو مش قلقان من قلة الحجوزات

✅ مش هننكر اجتهاد دكتور وائل البنا في دراسته العميقة لتخصصه

لكن مجهوده في التسويق خلاه يوصل خبرته وقدرته لمرضى أكتر… فبنى سمعة وقدر يبقى الأشهر في مجاله

👈وأنت كمان… لازم تستغل السوشيال ميديا لصفك لإن من غيرها اسمك اللي هو أهم حاجة في مهنتك مش هيكون مسموع!

✔️ودي أول فايدة من فوايد ال Social Media للبيزنس الطبي

1️⃣ بتعمل awareness للناس باسمك، يعني بتخلي اسمك مألوف ومعروف الخدمات اللي بتقدمها

2️⃣ بتتيحلك تتكلم مع المرضى والعملاء المحتملين، تشارك معاهم نصائح طبية، طرق وقاية أو حتى نكت… ده بيزود التفاعل وبيأهلك بعد كدة تبيع خدماتك…

أصل تخيل تروح لدكتور ما تعرفش أي حاجة عنه غير اسمه وحتى ماتعرفش حد راحله قبل كدة

الحوار على السوشيال ميديا هيخليه يبدأ يعرفك

3️⃣ بعد ما عرفك، هتقدر تعمل إعلان ممول على فيسبوك وانستجرام يجذبه ياخد قرار زيارتك وهنا احتمالية انه يجيلك أكبر من انك تبدأ على طول بإعلان عن خدمتك اللي بكذا وكذا وعروض كذا كذا

4️⃣ هتزود الحجوزات والمبيعات عندك بمشاركة ال reviews… لإن في ٤٢٪ من الناس بيدوروا على الريفيوهات دي قبل ما يجولك

وفي ٩٢٪ هيترددوا في قرار اختيار الطبيب لو ملاقوش أي testimonials عنه

5️⃣ مع الوقت، ممكن توصل لمرضى في أي مكان في البلد ومش هتضطر بس تشتغل مع الناس اللي حواليك

💡فنصيحة مننا، استمر في نشر محتوى مفيد لجمهورك بشكل دوري

👀ودلوقتي قولنا، هل في تفاعل كويس على صفحتك؟

سيب لنا كومنت بلينك لبوست من صفحتك وهنقولك مجانًا إزاي يبقى أحسن!

✉️ولو عايز تعرف عن باقاتنا للتسويق الطبي.. ابعت لنا رسالة وهنرد عليك في أقرب وقت