Alpha Tailor

الناس اللى بتصوم وتفطر على اذان التلفزيون او المساجد اللى جمبك اللى بتأذن على الرديو ناخد بالنا من فروق التوقيت لان ده صيام مش هزار انا شخصيا فى فرق بينى وبين القاهره على الاقل دقيقتين ولو انت فى بلد تانى هيبقى الفرق اكبر
الحل انك تحمل على تليفونك برنامج اذان وتظبطه على المكان بتاعك وتصوم وتفطر عليه
اللهم انى قد بلغت اللهم اشهد

الاول كده بالصلاه على النبى (صلو عليه بقى)
بناخد المقاسات مظبوطه مبنسبش ثنه وسع ولا بنشد المازوره جامد كده غلط وكده غلط
ثانينا وقت التنفيذ بنضيف حاجه اسمها نسبه براح علشان تبقى الهدوم قابله للبس مش ماسكه ودى بتختلف من قماش لقماش ومن قطعه للتانيه يعنى مثلا ده قماش ليكرا وانا عايزه على قد الجسم بالظبط ف مبنعملش نسبه براح مثلا دى بلوزه عايزها ضيقه وقماشها قطن بدون ليكرا بنسيب ٤ سنتى فقط عايزاها كويسه معقوله بنسيب ٨ سنتى ده جاكت بنزود كمان ٢ سنتى ده بالطو فوق الجاكت بنذود كمان ٢ سنتى وهكذا طبعا الذياده دى على المحيط بالكامل مش على الربع بمعنى
اننا مثلا اخدنا محيط اكبر حجم وطلع ٩٢ وانا هعمل بلوزه وسعها معقول ف هحط ٨ سنتى براح يبقى كده المجموع ٩٢+٨=١٠٠
واقسمهم على ٤ يبقى الربع كده ٢٥ ده اللى هيكون الباترون بتاعك
طيب انا هعمل بلوزه مفيهاش قصات ينفع نقص على القماش على طول وساعتها بنذود الخياطات وده اللى بتسالى عليه
طب بنذود قد ايه؟على قد اللى هتخيطيه هتخيطى ١سنتى ذوديه ٢ ذوديهم وهكذا بحيث ان المقاس النهائي بعد الخياطه يكون هو ال١٠٠ الاصليين اللى فوق ال٩٢ الاساس وال٨ الوسع
طب هشتغل بباطرون مبنسبش ولا مللى خياطات لا فى كتف ولا وسط ولا تحت الباط حتى هو الوسع الاصلى +نسبه البراح فقط لاغير
لانه اصل الباترون للحاجه الصعبه اللى فيها تشريح وقصات كتير يصعب معاها حساب الخياطات دى كلها
ف بنعمل الباترون على الصافى ونقصه ولما نحطه على القماش بنذود الخياطات بتاعتنا على الداير كله اى حته هتتخيط بنذودلها على قد اللى هنخيطه