C R U S H.

لو أنا اتجوزت وهي لسه فاضلها سنتين في الكلية،
ومصاريف كليتها حوالي 50 ألف جنيه في السنة،

هل أنا كزوج أكون مُلزم إني أدفع مصاريف تعليمها؟
ولا المصاريف دي تفضل على أهلها زي ما كانت قبل الجواز؟

ياريت اللي يرد يكون برأي واضح ومن غير هجوم،
عشان الموضوع ده فارق معايا في قرار الجواز.

أنا متجوزة راجل محترم وعندي بنتين الحمد لله، وعمري ما فكرت أبص برا بيتي أو أعمل حاجة تغضب ربنا.

عندنا جار في نفس العمارة، مطلّق من حوالي سنة، وعايش مع والدته، وشغله من البيت، فوجوده في العمارة دايمًا ملحوظ.

في البداية كنت ملاحظة نظرات مش مريحة ناحيتي، خصوصًا إن البلكونات قريبة من بعض، فكنت بتعامل في أضيق الحدود: سلام ورد سلام وبس.

بعد فترة حاول يفتح كلام، وقاللي بشكل صريح إنه معجب بيا.

أنا وقتها رفضت الموضوع تمامًا، وطلبت منه يقفل أي كلام من النوع ده، والحمد لله بعد فترة التزم وبقى التعامل مجرد سلام عادي.

لكن بصراحة، حاسة إن نظراته لسه زي ما هي، والمشكلة إن الموضوع بدأ يأثر عليّ نفسيًا من غير ما أقصد.

بقيت عصبية جدًا مع جوزي وولادي، وأوقات أتضايق من أقل حاجة، وبقيت أطلع البلكونة وألاقي نفسي مستنية أشوفه حتى لو من بعيد ومن غير كلام.

وده مخوفني جدًا، لأن الإحساس نفسه مش عاجبني، وأنا مش عايزة أوصل لمرحلة أندم عليها أو أخسر راحة بيتي.

هو كمان كان أحيانًا يهزر مع بناتي، وأنا منعت ده تمامًا، ولما والدته سألتني عن السبب معرفتش أقول حاجة.

أنا فعلًا محتاجة نصيحة: أتعامل إزاي مع الإحساس ده قبل ما يكبر؟ وإزاي أرجع أركز في بيتي وجوزي وحياتي الطبيعية من غير توتر أو عصبية؟