Pink Tulip Store

نهاركم سعيد جميلات Pink Tulip 🌷بتمنى تكونوا بألف خير ، و ربنا ينصر السودان 💗

بوست اليوم عن :
🌷تصحيح عادات و نصائح بسيطة لبشرة صحية :

1/ اعرفي نوع بشرتك بدل ما تصادفي إعلان لمنتج يغريك و تفتكري ممكن يحلها أو صحبتك تنصحك بمنتج نفع معها ، البشرات ما واحد و استجابة البشرة من واحدة للتانية ما واحد 💗
عرفتي نوع بشرتك = عرفتي الأنسب لها = بشرة صحية 🎀

2/ الترطيييييب الترطيييييب أهم من أي شيء كان بتستخدميه حتى ، سواء لبشرتك لجسمك لشعرك ... هو الأساس لكل شيء و بداية الوصول لأي نتيجة جميلة ، بس معظمنا فاهمين الترطيب دا مجرد كريم و خلاص !!! لاااا الترطيب يبدأ من الداخل .. كيف ؟ تشربي موية كتير ، عصاير منوعة فواكه خضروات رطبتي جسمك من الداخل ح ينعكس على صحتك على بشرتك على نشاطك 💗

الترطيب يبدأ من الداخل ثم كريمات الترطيب = بشرة صحية 🎀

3/ اعرفي نوع شعرك و طبيعة شعرك و حبيها بالتالي ح تعرفي له الأنسب و تعرفي تتعاملي معه ... ما تشدي شعرك ، ما تسرحيهو كتير ، م تهملي اسكرب الفروة ( بن ☕ + سكر + شامبو + خل تفاح 🍏 او عادي ) ، ما تشتغلي فيهو عشوائياً و أعملي جدول روتين ، م تهملي ترطيبه بعد كل ماسك طبعا ما تهملي تغذية الفروة ، ما تهملي التنوع في الأغذية ؛ عشان ما تجيك قشرة ، عشان ما يتلف شعرك و تبقي مستغربة المشكلة في شنو ؟! 💗

عرفتي نوع شعرك + العناية الصحيحة + التغذية المتنوعة و الداخلية قبل الخارجية ( للشعر نفسه ) = شعر صحي 🎀

4/ التغذية المتنوعة و السليمة بتوصلك ل وين ؟؟! حصل سألتي نفسك السؤال دا ؟!
لبشرة صحية نضرة ، لشعر صحي قوي ، لجسم صحي مرن ، لجهاز عصبي صحي و كل شيء داخلك و خارجك صحي ... كمان ممكن تنسقي جدول بناءاً على العايزاهو ( زيادة وزن أو تخسيس ) أو ممكن تخشي معانا فب إشتراك شهري و تتظبطي بخصم 25% لأي واحدة تخش من البوست دا 😉💗

التغذية المتنوعة السليمة = جسد صحي داخلياً و خارجياً 🎀

5/ اسألي و اعرفي انتي بتعملي شنو لبشرتك ، ابعدي عن الصباعات لانها حرق لطبقات و نظام بشرتك الطبيعي تبقي تفتشي للبحلك و حبوب السوق لزيادة الوزن لأنها كورتزون موية تحت الجلد و عرضة لمليون مرض خطر ، خليك دايماً في السليم 💗

اسألي و اعرفي الأنسب لك = تكوني في السليم 🎀

6/ دللي نفسك و لو بالبسيط و الموجود و طوري من نفسك و حددي وجهتك و اكتبي أهدافك و شوفي نفسك عايزة شنو في دنيا ربنا دي و نهائي نهائي ما تختي الظروف أعذار لأنو انتي كدا في وجهتك ترجعي ل وراء ما تمشي لقدام لاحظي الفرق !! و خلي عندك روتين يطلع منك بت بالمعنى الحرفي منظمة و مرتبة و عارفة وجهتها و رغبتها و مزة كمان 😌 و طبعا احنا معك خطوة بخطوة إذا محتاج كورس من كورساتنا أو غيرها كمان بنرشح لك طوالي و لا بنزعل 😂 لأنو همنا انتي 🫵🏻
تخفيض 25% لكورساتنا لأي واحدة من البوست دا و اذا معك صحبتك تخفيض 55% 💗

وقفتي و ساعدتي نفسك و طورتيها = أنثى قوية هادفة 🎀

7/ هل عارفة انو أحياناً و أغلب المرات سبب ظهور الحبوب في وشك هو المخدة ؟!! كيف ؟! المخدة بترقدي عليها بشعرك فبالتالي الزيوت و اذا في قشرة كلها بتكون وين ؟ في المخدة ، و التلفون اذا بتتكلمي به مكالمة دا كله في خدك و حالتها حالة الشاشة ، و يدك ماسكة بها التلفون و الكباية و الفرشة و المشط غسلتيها بالصابون المعطر و نظفتي و اييييييك و فجأة من غير ما تحسي بتلمسي وشك 🙆🏻‍♀️ و إياك ثم إياك عندك حبة تهبشيها بأصبعك و لا تفرقعيها و تفتكري انك أنجزتي لأنك كدا لوثتي البشرة و ح تجيك غيرها عشرة و مبارك لك اللمة 👏🏼😂


#السودان #مصر #السعودية
#عناية