Ammy's Kitchen

فين محبين الاكل الكوري 🇰🇷🇰🇷
الكيمباب 😋😋

المقادير:
1 كوب أرز
2 جزر مقطع قطع رفيعه بالطول
2 خيار مقطعين شرائح رفيعه بالطول
3 بيضات اومليت مقطعين شرائح طولية رفيعه
هوت دوج مقطع رفيع
عيدان سبانخ
كيمتشي
اوراق نوري
زيت سمسم، صويا صوص
حصيرة السوشي

الطريقة:
حنسوي الرز بالطريقة العادية بس حنزود الماء على كوب الرز، يعني بدل كوب ماء حنحط كوب و نص
و بعد ما يستوي حنحط عليه معلقتين زيت سمسم و نقلب و لو فيه سمسم ممكن نحط و نقلب الرز
بعدين حنجيب شرائح الجزر و نشوحه في شوية زيت سمسم و نحط عليه ملح و فلفل اسود و نحطه على جنب
و نجيب شرائح الخيار و نشوحها في زيت سمسم برضه مع ملح و رشة جلوتومات " الملح الصيني" و تطلعه على جنب
و نشوح شرائح الهوت دوج برضه مع فلفل اسود و نحطها على جنب
البيض حنشوح الشرائح في زيت سمسم و نحط عليه ملعقة صويا صوص
عيدان السبانخ حنسلقها و نحط عليها ملح و فلفل اسود
بس كده...
بعدين نجيب حصيرة السوشي و نحطها جوه كيس و نفرد عليه ورقة نوري و نفرد رز عليها بس مانوصلهوش للاخر عشان لما نلفه يلزق في بعضه و مايتفتحش من على الحرف..
بعد ما نحط الرز حنحط فوق شوية جزر و جنبهم شوية خيار و جنبهم اومليت و الباقي كله بعدين حنبدأ نلف و لازم نضغط جامد و احنا بنلفه عشان مايفكش
حبقى انزلكم فيديو لطريقة اللف..
بعدين نقطعه و نقدمة..
و ألف هنا 😊😊