Aisha Ismail

10 years mom
Charcoal on paper

30 minute sketches
Color pencil on paper

Oil color on paper

Shots of the different phases of the work I enjoyed '

" Being a Muslim woman " _ Oil colors
20*27
متاحه للإقتناء

السلام عليكم
أنا عائشة أحمد إسماعيل، فنانه تشكيليه وخريجة السنادي من تربية فنية
من وأنا صغيرة وأنا حبي للفن والألوان بيزيد ( كل حاجه جميله ومتعوب فيها بصراحه) ، وعلى مدار حياتي كنت دايمًا بحب أعمل حاجات يدوية ، وبحس بسعادة كبيره فعلياً الحمد لله كل ما أعمل حاجة جديدة بنفسي.
بحب أقضي وقتي في الشغل وأديله حقه ، والحقيقه إن ساعات بحس إن في (سِحر) في إيدي من كتر النِّعَم اللي ربنا أنعم عليَّ بيها والقدرة إني أنفّذ أفكار كتير وأكتشف إنّي أقدر أعملها مفيش حاجه توصف فضل ربنا عليا ف النقطه دي

الفن والألوان بيشكّلوا جزء مهم جدًا من حياتي، ودي أكتر حاجة بتعرّف الناس مين هي عائشة. طول عمري باخد
اتجاه بيميزني في شغلى ( بيسبب ليا ف الغالب بعض المشاكل التي لا اعطي لها بالاً بصراحه )
ولكن المهم إن كل حاجة أعملها تبان شبهي وتشيل روحي والحمد لله المشاكل دي كانت بتختفي ف آخر الأمر
الفن كان أكتر حاجة ساعدتني في حياتي، وأكتر طريق عرفني بنفسي وباللي أنا عايزة أكونه في الدنيا دي، وكل مرة بشتغل فيها بحمد ربنا على النعمة الجميلة دي.
كل مبتغاي في الحياة إني أفضل أعمل أعمال فنية، وتفضل خبرتي تكبر أكتر زي ما حصل خلال السنين اللي فاتت، لحد ما بقيت معروفة وسط صحابي والناس اللي تعرف شغلي بالأسلوب بتاعي وألواني.
وإن شاء الله الصفحة دي هتكون شاهد على رحلتي الفنية، وهشارك عليها كل ما يخص شغلي وكل ما له علاقة بالفن، من لوحات وتجارب وتطورات صغيرة في طريقي.
إن شاء الله رسمي يوصل لأماكن أكتر ويتشاف من ناس أكتر، وعشان كده بدأت أجهز شغلي إنه يكون جاهز للاقتناء بعد ما كنت مترددة أطلع حتى ورقة صغيرة برا. دلوقتي حابة إن شغلي يكون موجود في كل مكان بإذن الله.
طبعا شكرلً جزيلاً لو وصلت لهنا ♥️