Left me alone

ثقافة الاعتذار أصبحت معدومة في مُجتمعنا، الناس بتتسابق على مين يقلب الترابيزة أحسن من التاني ومين يبرر وقاحته ويطلّع نفسه مجني عليه وهو أصلًا الجاني! أنا مش فاهم إيه الانجاز في إنّك شخص ثُعباني بتتلاعب بمشاعر اللي قُدّامك عشان تطلعه غلطان وتشككه في نفسه! رغم إن الاعتذار أبسط حاجة مُمكن تقدمها .. ودا على فِكرة هيزوّد من قيمتك عندي لكن لما تكابر وتفضل تألّف في اعذار دا بيصغّرك في عيني وهيخليني مع الوقت أفقد الثِقة فيك وأقرف منك حقيقي.