Doc beshoy

أنا بقدّر جدًا الست اللي بتحب نفسها، اللي عاجبها ملامحها ولون بشرتها وشعرها وصوتها وشكل جسمها وتفاصيلها وعشوائيتها في بعض الأحيان .. وإعجابها بنفسها مش مُرتبط برأي حد فيها، طُز في الناس، هي عارفة قيمة نفسها وحابة روحها زي ما هي وساعات كمان بتتغزّل في نفسها لما تعّدي من قُدّام المرايا .. كُل الدعم للستات اللي عارفة قيمة نفسها.

ألطف حاجة ممكن الراجل يقدمها لمراتة من وجهة نظرى إنه يعيشها سنها ❤ ..
_ اه والله ببساطة كدة تعيش سنها وبس بدون كلاكيع ..
_ اتجوزتك فى العشرينات فا قدر روح الطفولة الممزوجة بجنون جواها طالما مش هتعمل عيب ولا حرام
_ أرقص معاها فى بيتك ، وانت طالع خد شيكولاتة معاك او أى كاندى او سناك بتحبة ،، مش شرط بالف جنية عادى ممكن حاجة بسيطة متتخطاش العشرين جنية ❤✨ ..
_صبحها كدة على Morning text لو نزلت الشغل بدرى وهى نايمة و فكرها إنها جميلة خصوصا لو خلفت أو حامل و حاسة بتوتر ..
_ ألعب معاها ، هات كوتشينة ولا أى لعبة و قولها مرة واحدة يلا نلعب
_ متحسسهاش بنقص فى التجمعات و تسيلها لوحدها و تقعد بعيد عنها خصوصا العائلية أو مع الصحاب ، الست بتتباهى أوى باهتمام جوزها فى المواقف دى و بيديها ثقة فى النفس رهيبة 🫂
_ مفيش مانع تاخدها و تنزل تتمشى لو قادر مش لازم هى تطلب و تزن و تطلع نكدية ، الخروجة مش شرط مكان غالى ، قعدة على الرصيف معاك والله هتبقى على قلبها زى السكر ✨✨