The Chicken
Share
Jojo Bishoy
04/02/2020
الفرخ بياكل كويس بس مفيش اوزان؟
الفرخ مش بيحتاج بروتين بس عشان يديك وزن
لكن فيه حاجات تانيه كتير ومنها الطاقه اللازمه لبقائه حيا والطاقه دي بيحتاج يحرقها عشان يتحرك ويتنفس واجهزة الجسم بتاعته تقوم بوظائفها ويعيش دي اسمها طاقه لازمه لحفظ الحياة
وبيحتاج طاقه برضو عشان ينتج واسمها طاقه إنتاجية
لازم تعرف أن الكتكوت مش بيقدر يحافظ على ثبات درجه حرارة جسمه حتى من خلال العلف
لكن بعد التحضين بيعرف أنه يخصص جزء من العلف ده لضبط حرارة جسمه عن طريق حرق الدهون وخلافه
يعني كل اما الجو يزداد برودة - في الحدود المتاحه للبقاء - هيحول العلف ده لظبط حرارة جسمه
وكل اما الحرارة نزلت 1° ينخفض معدل التحويل 0.01
- أنه من حكمه ربنا عز وجل خلى الجسم يحاول يتكيف مع البيئة المحيطة به ف فسيولوجيا كده هتلاقي ان البروتين اللي في العلف بدل ما يروح عشان ينتج لحم هيروح لمنبت الريش عشان جسم الفرخ يتدفى وعشان كده الترييش في الشتاء اسرع من الصيف وبالتالي خسرت نسب بروتين كانت هتروح لإنتاج اللحم
- الرطوبة بتاعت الجو عالية
وسرعه بلل الفرشة بعكس الصيف
هنلاقي كوكسيديا وكلوسترديا وسرقه اوزان
خصوصا لو الإصابة تحت إكلينيكية ومفيش نافق
واعتقد أن كل اما يكون مكان التربيه بتاعك مجهز وتقدر تتحكم فيه ( حرارة وتهوية ) بشكل مناسب
مش هتشوف الظاهرة دي اطلاقا
Click here to claim your Sponsored Listing.
