SATO PHARMA

فكرة مستشفى بهية بدأت من حكاية إنسانية مؤثرة…من تجربة ست مصرية مع سرطان الثدي، ومن حلم بسيط إن أي سيدة تلاقي مكان يتعالج فيه بكرامة وأمل 💗

ومن هنا اتأسست بهية، كمركز متخصص لعلاج سرطان الثدي، بدعم تبرعات وجهود كبيرة، بهدف توفير علاج مجاني للسيدات مع الكشف المبكر والرعاية الطبية الكاملة.

لكن بهية ما وقفتش عند العلاج بس…
لأنهم مؤمنين إن الرحلة مش جسدية فقط، لكن نفسية كمان. عشان كده بيقدموا دعم متكامل لـ “المحاربات”:
دعم نفسي فردي وجماعي، أنشطة وورش فنية، جلسات تأهيل وتوعية، ودعم يساعد كل سيدة ترجع لحياتها بثقة من جديد، وكمان تبادل خبرات وأمل بين المتعافيات والمصابات الجدد.

عشان كده بيتقال عليهم “محاربات"، لأنهم بيعدّوا رحلة علاج وإعادة بناء حياة في نفس الوقت 💗

وخلال زيارتنا للمستشفى بعد ما تم دعوتنا من فريق بهية، لمسنا ده عن قرب في كل تفصيلة، من طريقة التعامل لروح المكان، وسعدنا بمناقشة فرص التعاون بين 𝐒𝐚𝐭𝐨 𝐏𝐡𝐚𝐫𝐦𝐚 و BBaheya Foundation - مؤسسة بهيةلدعم رحلة العلاج بشكل أشمل.

كل التقدير لفريق بهية ولكل محاربة بتثبت إن الأمل أقوى ✨