Practical poultry tips

عزيزي مربي التسمين
خلي هدفك ان وزن الاسبوع الاول يوصل معاك 4.4 ضعف وزن عمر يوم
ليه بقي🤔🤔🤔🤔
علشان وزن الاسبوع الاول اضربه في ١٢ تحصل علي وزن اليوم ال ٣٥ عمر
فكل مازاد وزن الاسبوع الاول كل مازاد وزن الطائر عند البيع
حنقول مثال :-
جالك وزن الكتكوت عمر يوم ٤٠ جرام
يبقي لازم توصل لوزن الاسبوع الاول ل ١٧٥ جم
علشان توصل علي عمر ٣٥ يوم ٢١٠٠ جم
وفي بوست تاني هنقول ازاي اوصل بوزن الاسبوع الاول الي ١٧٥ جم 🙏

Air speed سرعة الهواء
من النقاط المؤثرة علي العمليه الانتاجية في الدواجن نقطة نغفل عنها دائما ولا نعيرها اهتماما ولكنها مهمة جدا ومؤثرة علي الانتاج دون ان نشعر بتأثيرها
فمثلا
١ # يجب ان لا تتعدي سرعة الهواء في غرفه حفظ البيض المخصب عن 0.5 - 0.6 متر / ثانيه
٢ # ويجب ان تكون سرعة الهواء داخل البياضه المخصصة لوضع البيض nests داخل العنبر zero
٣ # ويجب ان لا تقل سرعة الهواء داخل العنبر عن 1.5 متر /ثانيه علي مستوي ظهر الطائر
ليه بقة الكلام دة ؟

بالنسبه لغرفة حفظ البيض لا تزيد عن 0.5 متر / ثانيه علشان البيضه لا تفقد الكثير من محتوياتها نتيجة وجود تيار هواء علي سطح البيضة مما يؤثر علي نسبه الفقس ووزن الكتكوت المنتج

بالنسبه لسرعة الهواء يجب ان تكون zero داخل ال nests علشان البيضة عند وضعها بتكون درجة حرارتها ٤٠ : ٤١ درجة مئويه فاذا مازادت السرعة الهواء عن صفر سيحدث انخفاض مفاجئ لدرجة حرارة البيضة مما يؤثر علي دخول البكتيريا من خارج البيضة الي محتوياتها وخصوصا عندما تكون فرشه العش ملوثة او جو العنبر ملوث مما يؤثر علي جودة الكتكوت ونسبه الفقس

النقطة الاخيرة وهي ان لا تقل سرعة الهواء داخل العنبر عن 1.5 متر / ثانية علشان الطف من درجة الحرارة للعنبر وكذلك سرعة التخلص من الغازات الضارة بالطيور من خلال مراوح الشفط
والي لقطة داجنه جديدة