Geek Marketers
Share
15/05/2017
إلى اصحاب "الاسئلة الوجودية" واللى بالهم دائما مشغول عن كيف بدأ الخلق!! 🤔
نفس الكلام ده بيحصل مع اى حد بيكون لسه بيبدأ فى مجال السوشيل ميديا
في اسئلة كتيرة بتدور فى باله زى..
يعنى ايه ماركتينج ..؟؟ وايه علاقته بالسوشيل ميديا ..؟؟
طب ايه اللى يخلى الشركات تستخدم السوشيل ميديا اساساً ..؟؟
إليكم السر وراء العلاقة بين الماركيتنج والسوشيال ميديا.
تابعوا هذا الألبوم... 🤓
متنسوش في الآخر تقولولنا ايه الهدف اللي عايزين توصلوله من استخدام السوشيال ميديا ؟
11/05/2017
مين فينا مرارته متفقعتش من اعلان فودافون بتاع فيفى عبده..!! 😣
خلينا نقولك ان كل اعلان وبيكون ليه رسالة تسويقية خاصة بيه
بس للاسف ساعات موضوع الرسالة ده بيقلش مع بعض الشركات 😵
اللى بتحاول تطلع بشئ جديد لكن فى الاخر بيكون "سخيف" زى اعلان فيفى عبده . 😷
بس لو الشركات دي عارفه التارجت بتاعها كويس وعارفه هيتفاعل معاها ازاى
وطالما انت مرارتك اتفقعت من الاعلان ده ...
اعرف انه مش ليك !! 🙀
" عشان تقدر تعمل رسالة تسويقية صح لازم تبقى فاهم التارجت بتاعك كويس وعارف هما بيحبوا ايه عشان توجه رسالتك صح ليهم "
يعنى مثلا اعلان فيفى عبده هما بيسوقوا لكارت شحن ب 5 جنية
يعنى بيستهدف "class C" الناس بتاعت "كلمنى شكرا , اشحنلى كارت فكة, على النوتة" فالطبيعى انهم هيجيبوا ناس بتكلم نفس لغة الشريحة ديه عشان يقدروا يوصلوا ليهم صح ....
فجايبين فيفى عبده "ملكة جمال العشوائيات" 💃
عبد الباسط "حكيم البسطاء"
محمد محى "ملك الاحزان"
حمادة هلال " بتاع هات الفلوس اللى عليكم"
فنقدر نقول ان فودافون نجحت انها تسوق صح للشريحة اللى عايزها. ✌
قولولنا بقي ايه اكتر اعلان عجبكم في الفتره الحاليه ..!! وايه كانت رسالته ..!!
Click here to claim your Sponsored Listing.
