PharmacoPhobia

واهي ماشيه..

يعم بقولك نفس المادة الفعالة بس الشركة مختلفة..

الناس تقريبا بطلت تقرأ بوستات علميه بس هنكمل❤️

هنتكلم عن مشكلة التبول في الفراش أو الbedwetting أو nocturnal enuresis سميها ذي متسميها المهم تعالا نفهم كام حاجة مع بعض.
لازم كل أم تفهم ان الطفل ملوش أي ذنب في حاجة ذي كدة وان ده مرض ومحتاج علاج واه محتاجة تروحي تكشفي عليه وتديله علاج. الrisk factor اللي ممكن يسبب في زيادة الموضوع هو توبيخك للطفل او اي كلام ممكن يتقال يأثر بالسلب علي نفسيته.
نكلم بقا كلام علمي المخ في غدة اسمها الغدة النخامية اللي الجزء الخلفي منها مسؤول عن ارسال رسائل كيميائية بنسميها Anti duretic hormone (ADH) أو الVasopressin بيبعت الرسائل دي لمين ؟ للكلي عشان يقولها اعملي urine قليل ... الكلي تقوله ليه ؟ يقولها عشان احمي الجسم من الdehydration.
السبب الأول ان الاشارات دي بتزيد بليل ف بالتالي كمية البول بتكون اقل بليل كلام بديهي جداً. ففي بعض الأطفال الرسائل دي مبتزدش عندهم بليل ف الجسم بيتعامل مع البول كأنه بالنهار عادي فيحصل الbed wetting.
السبب التاني ان الأشارات بتتبعت كويس جدا مفيش فيها اي مشاكل بس المشكلة هنا في ان المثانة حجمها صغير ف مبتشلش كمية الurine اللي المفروض تشيلها. الcapacity محتاجه تزيد شوية.
طيب ايه العلاج ؟
بالنسبة للسبب الأول الdesmopressin ممتاز في الحالة دي وامن جداً وده عبارة عن vasopressin صناعي بيتاخد قبل النوم بساعة.
طيب عشان اعالج السبب التاني بياخد نوع من الأدوية اسمه anticholinergic زي مادة فعالة اسمها oxybutynin اللي موجوده في الدواء المشهور uripan ده بقا هيعمل relaxation for bladder وبالتالي هيوسعها ف تاخد urine أكتر.
خد حته بقا off label- use لما الأتنين دولا ميجبوش نتيجة فعالة الدكتور بيخش علي دواء اسمه imipramine من عيلة الTCA بيجيب نتيجة فعالة جداً بس أعراضه الجانبية أكتر.
بص علي أول كومنت ❤️❤️

واحد داخلي بروشته ومش عارف اقرأ فيها ولا صنف

:-

حد في العيله تعبان وقاعد يشكيلي ويشرحلي عنده اي
:-

كل الي بيحصلي في حياتي ذنبك انت 💔

عروسة متجوزة جديد 👰 داخله الصيدلية مناخيرها بتنزف دم وشفايفها ناشفة جداً ..اتعاملنا مع النزيف وكله تمام ف بقولها انتي بتاخدي اي ادوية تانيه لأي حاجة بتقولي اه يا دكتور انا باخد قطرة مرطبة اسمها هاي فريش لأن الماية اللي في عنيا بتنشف (dry eye) وباخد علاج لحب الشباب اسمه Net look كنت شوفت حد منزله علي اليوتيوب بعنوان الحل السحري لحب الشباب ممكن يكون هو اللي بيعمل كده 🤔؟
لا مش ممكن ده اكيد العلاج ده بيعمل حالة من الجفاف في الجسم كله العين تنشف والشفايف والجلد والحلق (عارف فيلم سيمبا لما سكار مسك الحكم شوفت ارض العزة حصل فيها حالة كاملة من الجفاف ازي اهو الجسم بيحصل فيه كده) ربنا خلق الغدد الدهنيه عشان تطلع مادة دهنيه (sebum) تحمي البشرة من الجفاف لما اخد العلاج ده الغدد الدهنية بتنكمش و المادة دي بتقل بنسبة 90% ف يحصل جفاف (generalized xerosis).
مش بس كده حضرتك لو حصل حمل وانتي بتاخدي العلاج ده هيحصل تشوه في الجنين والطفل ممكن يتولد بشفة ارنبية ده غير اصلا انه بيعلي انزيمات الكبد والدهون الثلاثية والكوليستيرول. ومشاكل تانيه كتير.
العلاج ده بيبقا اخر ورقة كوتشينه في ايد دكتور الجلدية ف متقربوش منه نهائي 💚