DiCrafted

ايه هو الـ Marketing وبيفيد البيزنس بتاعي إزاى ؟

أعرف الناس أن انا موجود فى السوق وبقدم خدمات معينة أو منتجات معينة واقدر أوصل للعميل إن المنتج بتاعى بيلبي الـ Needs بتاعته أو بيحل مشكله معينة وإن المنتج أو الخدمة بتاعتي أحسن من خدمات ومنتجات الـ Competitors

طيب ايه هيحصل لو أنا عملت الـ 3 نقاط دول صح أنا كدا طبقت التسويق بشكل عام 💪🏻
بجد ؟؟
أه والله بجد بس أهم حاجة تطبقهم بشكل صحيح 👌🏻

معنى كدا إن البيزنس بيبدأ الأول وبعد كدا أعملة ماركتنج ؟؟
أكيد لا ❌
فى مجموعه تحليلات تابعه لعملية التسويق لازم أقوم بيها قبل بداية تنفيذ المشروع لأن على أساس النتائج اللى هوصلها من خلال التحليلات Analytics دى هقدر أفتح مشروع الناس تحبة .

1️⃣ تحليل المنافسين Competitors analysis
2️⃣ تحليل العملاء Customer analysis
3️⃣ تحليل السوق Market research

▪️ ناخدهم واحده واحده ونشوف قد ايه دى محاور مهمة جداً لازم نقوم بيها قبل إنشاء أي بيزنس

🔶 نبدأ بتحليل المنافسين Competitors analysis

🔹إيه المميز عندكم مش موجود فى مكان تانى ؟
🔹أنا مكلم أكتر من شركة هشوف الأنسب واكلمك ؟
🔹إيه المختلف فى المنتج بتاعك عشان أشتريه ؟

كل دى أسئله مرت علينا وبتقف ساعتها مبنعرفش ترد

أهمية دراسة المنافسين إنك تقدر تجاوب على كل الأسئلة دى للعميل بتاعك .
من خلالها هتعرف المنافسين بتوعك بيفكروا إزاى وبيتعاملوا مع العميل إزاى وإيه الخدمات اللى بيقدموها وإيه القيمة الزيادة لكل واحد منهم وإيه نقاط الضعف عندهم وتبدأ تشوف الكويس وتعمل أحسن منه فى الـ Product بتاعك وتكون دايماً سابق بخطوة .