Sally Atef

تنزانيا مش بس دولة.. هي ممر يتحكم في تجارة 6 دول حبيسة في قلب القارة!

بتضم 65 مليون نسمة ونمو 5.8% في 2024، وميناء دار السلام، أكبر موانئ شرق أفريقيا، بيمر منه 8 مليار دولار بضاعة سنوياً.

غالبية البضائع ديه مش للتنزانيين، لكن لزامبيا وملاوي وبوروندي ورواندا وأوغندا والكونغو اللي ملهاش منفذ على البحر.

القطاعات الأقوى هي التعدين، الزراعة، الأدوية، وخدمات الموانئ.

تنزانيا بتنتج 40 طن ذهب سنوياً، لكن 80% من سلسلة توصيل وتوزيع المنتجات الزراعية لسه بيتم بالتعامل مع وسطاء غير رسميين.

اللي يستثمر في التخزين والنقل على الطريق الممتد من الميناء للدول الحبيسة، بيحقق عوائد بين 20% و30% سنوياً.

الفرصة في تنزانيا مش في استهلاكها المحلي بس، الفرصة في موقعها كبوابة لمنطقة كاملة، وعلشان كده لو بتدور على استثمار في البنية التحتية أو النقل والتخزين، فهى ديه الدولة المناسبة.

خالص أمنياتي لكم بعيد سعيد وكل عام وأنتم بخير 💚