Memories Of A Bookworm

الرواية بتاخدك في رحلة زمنية، خصوصًا لو من جيل التمانينات وبدايات التسعينات؛ الوقت اللي كانت فيه الحياة أبسط، والهموم أخف، والتفاصيل الصغيرة ليها طعم مختلف.

رواية مشبعة بالذكريات والنوستالجيا، زى شانتيه كده… المكان اللي كل سكان مصر الجديدة صغيرهم قبل كبيرهم عندهم فيه ذكرى حلوة.

وفي نفس الوقت، الرواية مش مجرد حنين للماضي، لكنها كمان بتوثّق أحداث مهمة للأجيال الأصغر اللي ممكن ما تكونش واعية بيها. أحداث هتخلق عندهم فضول إنهم يدوروا ويقروا أكتر عن محطات فارقة زي محاولة اغتيال نجيب محفوظ، واغتيال ف*ج فودة، ومناخ الفساد اللي كان مسيطر في الفترة دي.

وكل ده كوم… ودخول مروحة السقف في أول الرواية كوم تاني خالص 😄
مشهد بسيط لكنه رجعنا لذكرى مشهد خوف مشترك عند كل اللي قراه.

الملاحظة الوحيدة إن تكرار جملة
«عمو مجدي عمره ما يرجع مصر إيده فاضية»
لم يكن موفق فى كل الفصول، خصوصًا مع قِصر بعضها.




معلومة مهمة؛ الكاتب أشرف العشماوى هو من صمم الغلاف .official

#التسعينات

"إن الغرب يجب أن يصبح مرة أخرى ((غربيًّا)) لا ((عالميًّا))، ويجب أن ندرك محليته وخصوصيته الحضارية والجغرافية وأن ننفتح عليه، بطريقة نقدية إبداعية تمامًا مثل انفتاحنا على الحضارات الأخرى."

الكتاب يُعد مدخلًا فكريًا لدراسة تناقش انحيازنا غير الواعي للنموذج الغربي، والذي يتجلى بوضوح في تفاصيل حياتنا اليومية؛ من تخطيط شوارعنا، إلى طراز بيوتنا، وهي نماذج لا تنسجم مع ثقافتنا ولا تلبي بالضرورة احتياجات مجتمعاتنا أو راحتها.

يأخذنا الأستاذ الدكتور عبد الوهاب المسيري في رحلة فكرية ناقدة، يدعونا خلالها إلى إعادة التفكير في هذا التبني الأعمى، وطرح نموذج حضاري بديل ينبع من تراثنا وثقافتنا الشرقية، بوصفه طريقًا أكثر أصالة نحو التقدم.

ويطرح الكتاب أمثلة عملية وجريئة، من بينها الدعوة إلى تعريب الدراسة في كليات الطب، باعتبارها خطوة ضرورية لإزالة الحاجز النفسي واللغوي بين الطبيب ومرضاه، وإعادة الإنسان إلى قلب العملية التعليمية والطبية.